स्निग्धकण्ठ उवाच—ततो ग्रहणाद् अनन्तरं किं जातम्?
मधुकण्ठ उवाच—तद् एवं मिषतः सा विषयोषा तं गृहीत्वा विलम्बं हित्वा चूचुकोपर्य् एव तन्मुखवार्युद्भवं निदधे ।
स्निग्धकण्ठ सभयम् उवाच—ततस् ततः?
मधुकण्ठ सहासम् उवाच—ततः स तु स्वमातुः साक्षात् तस्यास् तादृशभृशदुर्नयदर्शनाद् उपजातेन तत्प्राणान् पिबता रोषतेजःसङ्घातेन तत्स्तन्यस्य च दोषं शोषयन् मातृभावाभासस्फुरदुल्लासस्वस्पर्शस्वाभाव्येन तु तद्देहे सुगन्धितासुगन्धिताम् इव तत्स्तन्ये पीयूषतां रूषयंस् चूषणं चकार ।
snigdhakaṇṭha uvāca—tato grahaṇād anantaraṁ kiṁ jātam?
madhukaṇṭha uvāca—tad evaṁ miṣataḥ sā viṣayoṣā taṁ gṛhītvā vilambaṁ hitvā cūcukopary eva tan-mukha-vāry-udbhavaṁ nidadhe |
snigdhakaṇṭha sabhayam uvāca—tatas tataḥ?
madhukaṇṭha sahāsam uvāca—tataḥ sa tu svamātuḥ sākṣāt tasyās tādṛśa-bhṛśa-durnaya-darśanād upajātena tat-prāṇān pibatā roṣa-tejaḥ-saṅghātena tat-stanyasya ca doṣaṁ śoṣayan mātṛ-bhāvābhāsa-sphurad-ullāsa-sva-sparśa-svābhāvyena tu tad-dehe sugandhitā-sugandhitām iva tat-stanye pīyūṣatāṁ rūṣayaṁs cūṣaṇaṁ cakāra |
metre not identified
Снигдхакантха сказал: «А что было после того, как она Его взяла?» Мадхукантха сказал: «Под этим предлогом ядовитая женщина взяла Его и тотчас положила Его лотосный рот на сосок». Снигдхакантха в страхе сказал: «А дальше?» Мадхукантха со смехом сказал: «А Он, от сгустка гневного пыла, родившегося оттого, что увидел перед самой матерью такое страшное злодеяние, стал пить — выпивая её жизнь и иссушая яд её молока; а касанием, в котором сиял отблеск материнского чувства, Он превратил её молоко в нектар, как тело — в благоуханное.
0cc67e2c13f8 · published Sep 24, 2026, 6:56:58 PM UTC
Available inRUPage between verses with