तद् एवं दिनकतिपये परमरमणेन गमितसमये स तु नृशंसः कंसनामा यथार्हवर्णकृतवर्णनतः समाकीर्णतत्तद्वृन्दावनागमनादिवृत्तान्तः स्वान्तश् चिन्तयामास—
हन्त, सत्यतासारेण देव्या वचनानुसारेण नन्दगोपडिम्भतादम्भ एव स कोऽपि गोपितः सम्भाव्यते, येन नूतनावयवेनापि दुःसहमहसः पूतनादयः सहसा गाम्भीर्यावृत्तेन वीर्यातिशयेनालम्भनीयतां लम्भिताः । त्रस्यति च तस्य नामधामवशान् मम हृदयम् । तस्माद् असौ छलत एवोत्कलनीयः । हन्त, छलान् अप्य् उत्तरम् उत्तरम् अतिरिक्तं युक्तम् एव ते प्रयुक्तवन्तः । तथापि कदर्थितीभूय व्यर्थीभूताः इति विचार्य, पुनर् अपि तं प्रणिधिं सन्निधिं निकाय्यतः समानाय्य पप्रच्छ, अये, त्वयेदम् अप्य् अवकलितं, जातौ कस्यां तस्यादरः स्नेहभरश् च परमः परामृश्यते?
tad evaṁ dina-katipaye parama-ramaṇena gamita-samaye sa tu nṛśaṁsaḥ kaṁsa-nāmā yathārha-varṇa-kṛta-varṇanataḥ samākīrṇa-tat-tad-vṛndāvanāgamanādi-vṛttāntaḥ svāntaś cintayāmāsa—
hanta, satyatā-sāreṇa devyā vacanānusāreṇa nanda-gopa-ḍimbhatā-dambha eva sa ko’pi gopitaḥ sambhāvyate, yena nūtanāvayavenāpi duḥsaha-mahasaḥ pūtanādayaḥ sahasā gāmbhīryāvṛttena vīryātiśayenālambhanīyatāṁ lambhitāḥ | trasyati ca tasya nāma-dhāma-vaśān mama hṛdayam | tasmād asau chalata evotkalanīyaḥ | hanta, chalān apy uttaram uttaram atiriktaṁ yuktam eva te prayuktavantaḥ | tathāpi kadarthitī-bhūya vyarthī-bhūtāḥ iti vicārya, punar api taṁ praṇidhiṁ sannidhiṁ nikāyyataḥ samānāyya papraccha, aye, tvayedam apy avakalitaṁ, jātau kasyāṁ tasyādaraḥ sneha-bharaś ca paramaḥ parāmṛśyate?
metre not identified
Так, пока несколько дней в высшей радости проходило время, жестокий по имени Камса, выслушав от соглядатаев подробные вести о переселении во Вриндаван и прочем, подумал про себя: „Ах, по словам богини, правдивым по сути, под видом ребёнка пастуха Нанды скрывается некто: даже с новорождённым телом Он внезапно, скрытой мощью, лишил жизни Путану и прочих, чья сила нестерпима. И от Его имени и дома у меня трепещет сердце. Значит, Его надо уничтожить хитростью. Ах, но они и так пускали в ход хитрости, одна изощрённее другой, — а только попали в беду и стали бесполезны“. Подумав так, он снова позвал того лазутчика и спросил: „Эй, ты заметил, к какому роду существ у Него особая любовь и нежность?“
4c63c8d877d3 · published Sep 24, 2026, 7:26:30 PM UTC
Available inRUPage between verses with