तद् अनु गतिरीतिर् इतीव च गन्तव्या—वाद्यगीतमङ्गलपरीतं पुरोधसः पुरोधाय धेनूः सन्निधाय ताश् च पाद्यादिभिर् अर्चिता विधाय मधुरग्रासैस् तासां समग्राणां तृप्तिम् आधाय तासु नतिप्रभृतिभिर् मानम् उपधाय पुनश् च प्रदानदक्षिणाभिः पुरोहितादीन् अक्षीणानन्दान् सन्धाय, श्रीमत्पितृचरणादीन् मञ्जुलाञ्जलिवलितम् अग्रतो निधाय स्थितवति साग्रजे तस्मिन्न् अवरजे, श्रीमांस् तत्पिता व्रजराजस् तावन् मणिमयलकुटिं तत्करे घटयामास । श्रीमती तन्माता च व्रजराज्ञी भाले तिलकं निदधे, निधाय च सा—
tad anu gati-rītir itīva ca gantavyā—vādya-gīta-maṅgala-parītaṁ purodhasaḥ purodhāya dhenūḥ sannidhāya tāś ca pādyādibhir arcitā vidhāya madhura-grāsais tāsāṁ samagrāṇāṁ tṛptim ādhāya tāsu nati-prabhṛtibhir mānam upadhāya punaś ca pradāna-dakṣiṇābhiḥ purohitādīn akṣīṇānandān sandhāya, śrīmat-pitṛ-caraṇādīn mañjulāñjali-valitam agrato nidhāya sthitavati sāgraje tasminn avaraje, śrīmāṁs tat-pitā vrajarājas tāvan maṇi-maya-lakuṭiṁ tat-kare ghaṭayāmāsa | śrīmatī tan-mātā ca vraja-rājñī bhāle tilakaṁ nidadhe, nidhāya ca sā—
Затем порядок выхода, надо полагать, был таков. Пустив впереди жрецов в окружении музыки, песен и благих обрядов, подведя коров, почтив их водой для ног и прочим, накормив всех досыта сладкими пучками, оказав им почёт поклонами и прочим, снова одарив жрецов и прочих подарками и дакшиной, так что их радость стала неиссякаемой, сложив перед почтенным отцом и прочими прелестные ладони, — младший встал рядом со старшим, и тогда почтенный отец, царь Враджа, вложил ему в руку посох, украшенный самоцветами. А почтенная мать, царица Враджа, поставила ему на лоб тилаку и, поставив, —
e5c94fb9b4c9 · published Sep 24, 2026, 7:44:05 PM UTC
Available inRUPage between verses with