कृष्ण उवाच—आद्यून नूनम् उन्मदिष्णुतयापत्रपिष्णुताम् अप्य् अतिचरिष्णुर् जातोऽसि ।
अथ सर्वेऽपि हसन्तः प्रोचुः—प्रियवयस्य ! यद्य् अप्य् असौ परान्नतारोचनम् आपन्नस् तर्हि स एष एव तुन्दपरिमृज इव विप्रसुन्दरीणां तासाम् उपासनां घटयमानस् तद्बाटतटगम् उटजम् अधितिष्ठन् सम्भवद् आशितम्भवान् मिष्टम् इष्टविघसभोजनान् निजम् इष्टं रचयतु ।
कृष्ण उवाच—साधूक्तं व्यक्तम् इदं भगवतीविदितं विधास्यामः ।
मधुमङ्गलस् तु सक्रोधम् इवोवाच—युवराज ! गर्धनतया कुक्षिम्भरयस् ते एत एव मुहुर् अशनायां स्मरयन्तः सर्वत्र च घस्मरा एव भण्यन्ते, भिक्षायाम् अक्षामसमुद्यमतया सर्वान्नीनाश् च लक्ष्यन्ते, न तु वयम् ।
kṛṣṇa uvāca—ādyūna nūnam unmadiṣṇutayāpatra-piṣṇutām apy aticariṣṇur jāto’si |
atha sarve’pi hasantaḥ procuḥ—priya-vayasya ! yady apy asau parānnatārocanam āpannas tarhi sa eṣa eva tundaparimṛja iva vipra-sundarīṇāṁ tāsām upāsanāṁ ghaṭayamānas tad-bāṭa-taṭagam uṭajam adhitiṣṭhan sambhavad āśitambhavān miṣṭam iṣṭa-vighasa-bhojanān nijam iṣṭaṁ racayatu |
kṛṣṇa uvāca—sādhūktaṁ vyaktam idaṁ bhagavatī-viditaṁ vidhāsyāmaḥ |
madhumaṅgalas tu sa-krodham ivovāca—yuvarāja ! gardhanatayā kukṣim-bharayas te eta eva muhur aśanāyāṁ smarayantaḥ sarvatra ca ghasmarā eva bhaṇyante, bhikṣāyām akṣāma-samudyamatayā sarvānnīnāś ca lakṣyante, na tu vayam |
छन्द अज्ञात
Кришна сказал: «Обжора, ты, верно, от одури совсем стыд потерял». Тогда все, смеясь, сказали: «Милый друг! Раз уж он полюбил чужую еду, пусть он, как брюхочёс, служит этим красавицам-брахманкам, поселится в хижине у их ограды, наестся досыта и утешится объедками их сладкой еды». Кришна сказал: «Хорошо сказано, ясно; так и сделаем, с ведома почтенной». А Мадхумангала будто в гневе сказал: «Царевич! Вот эти жадные брюхоугодники, всё время поминающие о голоде, везде и зовутся обжорами, и в попрошайничестве неутомимы, и едят что попало, — а не мы».
38debe980ed5 · प्रकाशित 24 सित॰ 2026, 9:48:21 pm UTC
उपलब्ध भाषाएँRUश्लोक बदलें इन कुंजियों से
Почтенная — Паурнамаси.