सोवाच— सुन्दरास्य ! दास्य् अहम् अस्मि !
श्रीकृष्ण उवाच— कस्य ?
सोवाच— कंसस्य ।
श्रीकृष्ण उवाच— रामाशिरोमणि ! किं नामासि ?
सा सलज्जम् उवाच— सुभगशक्र ! त्रिवक्रा इति ।
श्रीकृष्णः सगणः सहासम् उवाच— तर्हि सान्वयः खल्व् अयम् आह्वयः ?
पुनः श्रीकृष्ण उवाच— सर्वाङ्गग्लेपनहरणम् अनुलेपनम् इदं कस्य ?
सा सहासम् अह स्म— विदग्धशेखर ! या यस्य किङ्करी, सा तदर्थम् एव सर्वं चरीकरोति ।
श्रीकृष्ण उवाच— मधुरभाषिणी ! दासी कापि स्वामिसम्मता । कापि तदुदासीनस्थलगामितया नाति तन्मता दृश्यते ।
sovāca— sundarāsya ! dāsy aham asmi !
śrī-kṛṣṇa uvāca— kasya ?
sovāca— kaṁsasya |
śrī-kṛṣṇa uvāca— rāmā-śiromaṇi ! kiṁ nāmāsi ?
sā sa-lajjam uvāca— subhaga-śakra ! tri-vakrā iti |
śrī-kṛṣṇaḥ sa-gaṇaḥ sa-hāsam uvāca— tarhi sānvayaḥ khalv ayam āhvayaḥ ?
punaḥ śrī-kṛṣṇa uvāca— sarvāṅga-glepana-haraṇam anulepanam idaṁ kasya ?
sā sa-hāsam aha sma— vidagdha-śekhara ! yā yasya kiṅkarī, sā tad-artham eva sarvaṁ carīkaroti |
śrī-kṛṣṇa uvāca— madhura-bhāṣiṇī ! dāsī kāpi svāmi-sammatā | kāpi tad-udāsīna-sthala-gāmitayā nāti tan-matā dṛśyate |
छन्द अज्ञात
Она сказала: «Прекрасноликий! Я служанка!» Шри Кришна сказал: «Чья?» Она сказала: «Камсы». Шри Кришна сказал: «Венец красавиц! Как тебя зовут?» Она смущённо сказала: «Индра счастливцев! Тривакра». Шри Кришна со спутниками со смехом сказал: «Выходит, имя-то со смыслом!» И снова Шри Кришна сказал: «Для кого эта мазь, снимающая усталость со всего тела?» Она со смехом сказала: «Венец искусных! Кто чья служанка, та всё для него и делает». Шри Кришна сказал: «Сладкоречивая! Одну служанку господин ценит, а другую, что ходит туда, где ему нет дела, — не очень».
b4769e26f83e · प्रकाशित 25 सित॰ 2026, 2:16:51 am UTC
उपलब्ध भाषाएँRUश्लोक बदलें इन कुंजियों से