एवं ब्रुवति कृष्णे तु धार्तराष्ट्रचमूं प्रति ॥
हाहाकारो महान् आसीन् निःशब्दास् त्व् अपरे ऽभवन् ॥
दृष्ट्वा युधिष्ठिरं दूराद् धार्तराष्ट्रस्य सैनिकाः ॥
मिथः संकथयां चक्रुर् नेशो ऽस्ति कुलपांसनः ॥
व्यक्तं भीत इवाभ्येति राजासौ भीष्मम् अन्तिकात् ॥
युधिष्ठिरः ससोदर्यः शरणार्थं प्रयाचकः ॥
धनंजये कथं नाथे पाण्डवे च वृकोदरे ॥
नकुले सहदेवे च भीतो ऽभ्येति च पाण्डवः ॥
न नूनं क्षत्रियकुले जातः संप्रथिते भुवि ॥
यथास्य हृदयं भीतम् अल्पसत्त्वस्य संयुगे ॥
ततस् ते क्षत्रियाः सर्वे प्रशंसन्ति स्म कौरवान् ॥
हृष्टाः सुमनसो भूत्वा चैलानि दुधुवुः पृथक् ॥
व्यनिन्दन्त ततः सर्वे योधास् तत्र विशां पते ॥
युधिष्ठिरं ससोदर्यं सहितं केशवेन ह ॥
ततस् तत् कौरवं सैन्यं धिक्कृत्वा तु युधिष्ठिरम् ॥
निःशब्दम् अभवत् तूर्णं पुनर् एव विशां पते ॥
किं नु वक्ष्यति राजासौ किं भीष्मः प्रतिवक्ष्यति ॥
किं भीमः समरश्लाघी किं नु कृष्णार्जुनाव् इति ॥
विवक्षितं किम् अस्येति संशयः सुमहान् अभूत् ॥
उभयोः सेनयो राजन् युधिष्ठिरकृते तदा ॥
evaṃ bruvati kṛṣṇe tu dhārtarāṣṭracamūṃ prati ||
hāhākāro mahān āsīn niḥśabdās tv apare 'bhavan ||
dṛṣṭvā yudhiṣṭhiraṃ dūrād dhārtarāṣṭrasya sainikāḥ ||
mithaḥ saṃkathayāṃ cakrur neśo 'sti kulapāṃsanaḥ ||
vyaktaṃ bhīta ivābhyeti rājāsau bhīṣmam antikāt ||
yudhiṣṭhiraḥ sasodaryaḥ śaraṇārthaṃ prayācakaḥ ||
dhanaṃjaye kathaṃ nāthe pāṇḍave ca vṛkodare ||
nakule sahadeve ca bhīto 'bhyeti ca pāṇḍavaḥ ||
na nūnaṃ kṣatriyakule jātaḥ saṃprathite bhuvi ||
yathāsya hṛdayaṃ bhītam alpasattvasya saṃyuge ||
tatas te kṣatriyāḥ sarve praśaṃsanti sma kauravān ||
hṛṣṭāḥ sumanaso bhūtvā cailāni dudhuvuḥ pṛthak ||
vyanindanta tataḥ sarve yodhās tatra viśāṃ pate ||
yudhiṣṭhiraṃ sasodaryaṃ sahitaṃ keśavena ha ||
tatas tat kauravaṃ sainyaṃ dhikkṛtvā tu yudhiṣṭhiram ||
niḥśabdam abhavat tūrṇaṃ punar eva viśāṃ pate ||
kiṃ nu vakṣyati rājāsau kiṃ bhīṣmaḥ prativakṣyati ||
kiṃ bhīmaḥ samaraślāghī kiṃ nu kṛṣṇārjunāv iti ||
vivakṣitaṃ kim asyeti saṃśayaḥ sumahān abhūt ||
ubhayoḥ senayo rājan yudhiṣṭhirakṛte tadā ||
Когда Кришна говорил так перед войском Дхритараштры, поднялся великий шум, а другие, напротив, умолкли. Увидев Юдхиштхиру издали, воины Дхритараштры стали переговариваться: «У этого позора рода нет мужества. Видно, он, испуганный, идёт к Бхишме вместе с братьями, прося прибежища. Как может Пандава бояться, когда его защитники — Дхананджая, Врикодара, Накула и Сахадева? Верно, он не родился в прославленном кшатрийском роду, если его сердце так робко в бою». Тогда все кшатрии, обрадовавшись, стали восхвалять Кауравов и размахивать одеждами. Воины порицали Юдхиштхиру с братьями и Кешавой. Но вскоре, осудив его, кауравское войско снова замолчало: все думали, что скажет царь, что ответит Бхишма, что скажут Бхима, Кришна и Арджуна. Из-за поступка Юдхиштхиры в обеих армиях возникло великое недоумение».
dab2c9c0dd6c · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Люди, смотрящие только через страх и гордость, принимают смирение за слабость. Но молчание, которое следует за насмешкой, показывает: в глубине даже враги чувствуют, что поступок Юдхиштхиры имеет иной вес.