एतच् छ्रुत्वा महाराज गौतमस्य वचस् तदा ॥
अनुमान्य कृपं राजा प्रययौ येन मद्रराट् ॥
स शल्यम् अभिवाद्याथ कृत्वा चाभिप्रदक्षिणम् ॥
उवाच राजा दुर्धर्षम् आत्मनिःश्रेयसं वचः ॥
अनुमानये त्वां योत्स्यामि गुरो विगतकल्मषः ॥
जयेयं च महाराज अनुज्ञातस् त्वया रिपून् ॥
शल्य उवाच
यदि मां नाभिगच्छेथा युद्धाय कृतनिश्चयः ॥
शपेयं त्वां महाराज पराभावाय वै रणे ॥
तुष्टो ऽस्मि पूजितश् चास्मि यत् काङ्क्षसि तद् अस्तु ते ॥
अनुजानामि चैव त्वां युध्यस्व जयम् आप्नुहि ॥
ब्रूहि चैव परं वीर केनार्थः किं ददामि ते ॥
एवं गते महाराज युद्धाद् अन्यत् किम् इच्छसि ॥
अर्थस्य पुरुषो दासो दासस् त्व् अर्थो न कस्य चित् ॥
इति सत्यं महाराज बद्धो ऽस्म्य् अर्थेन कौरवैः ॥
करिष्यामि हि ते कामं भागिनेय यथेप्सितम् ॥
ब्रवीम्य् अतः क्लीबवत् त्वां युद्धाद् अन्यत् किम् इच्छसि ॥
युधिष्ठिर उवाच
मन्त्रयस्व महाराज नित्यं मद्धितम् उत्तमम् ॥
कामं युध्य परस्यार्थे वरम् एतद् वृणोम्य् अहम् ॥
शल्य उवाच
ब्रूहि किम् अत्र साह्यं ते करोमि नृपसत्तम ॥
कामं योत्स्ये परस्यार्थे वृतो ऽस्म्य् अर्थेन कौरवैः ॥
युधिष्ठिर उवाच
स एव मे वरः सत्य उद्योगे यस् त्वया कृतः ॥
सूतपुत्रस्य संग्रामे कार्यस् तेजोवधस् त्वया ॥
शल्य उवाच
संपत्स्यत्य् एष ते कामः कुन्तीपुत्र यथेप्सितः ॥
गच्छ युध्यस्व विस्रब्धं प्रतिजाने जयं तव ॥
etac chrutvā mahārāja gautamasya vacas tadā ||
anumānya kṛpaṃ rājā prayayau yena madrarāṭ ||
sa śalyam abhivādyātha kṛtvā cābhipradakṣiṇam ||
uvāca rājā durdharṣam ātmaniḥśreyasaṃ vacaḥ ||
anumānaye tvāṃ yotsyāmi guro vigatakalmaṣaḥ ||
jayeyaṃ ca mahārāja anujñātas tvayā ripūn ||
śalya uvāca
yadi māṃ nābhigacchethā yuddhāya kṛtaniścayaḥ ||
śapeyaṃ tvāṃ mahārāja parābhāvāya vai raṇe ||
tuṣṭo 'smi pūjitaś cāsmi yat kāṅkṣasi tad astu te ||
anujānāmi caiva tvāṃ yudhyasva jayam āpnuhi ||
brūhi caiva paraṃ vīra kenārthaḥ kiṃ dadāmi te ||
evaṃ gate mahārāja yuddhād anyat kim icchasi ||
arthasya puruṣo dāso dāsas tv artho na kasya cit ||
iti satyaṃ mahārāja baddho 'smy arthena kauravaiḥ ||
kariṣyāmi hi te kāmaṃ bhāgineya yathepsitam ||
bravīmy ataḥ klībavat tvāṃ yuddhād anyat kim icchasi ||
yudhiṣṭhira uvāca
mantrayasva mahārāja nityaṃ maddhitam uttamam ||
kāmaṃ yudhya parasyārthe varam etad vṛṇomy aham ||
śalya uvāca
brūhi kim atra sāhyaṃ te karomi nṛpasattama ||
kāmaṃ yotsye parasyārthe vṛto 'smy arthena kauravaiḥ ||
yudhiṣṭhira uvāca
sa eva me varaḥ satya udyoge yas tvayā kṛtaḥ ||
sūtaputrasya saṃgrāme kāryas tejovadhas tvayā ||
śalya uvāca
saṃpatsyaty eṣa te kāmaḥ kuntīputra yathepsitaḥ ||
gaccha yudhyasva visrabdhaṃ pratijāne jayaṃ tava ||
Услышав слова Гаутамы, Юдхиштхира почтил Крипу и пошёл к царю Мадры. Поклонившись Шалье и обойдя его справа, царь сказал неприступному слово, ведущее к собственному благу: «О учитель, я прошу разрешения. С твоего дозволения, великий царь, я буду сражаться без греха и да побежу врагов». Шалья ответил: «Если бы ты, решившись на бой, не подошёл ко мне, я проклял бы тебя на поражение в сражении. Я доволен и почтён. Пусть исполнится то, чего ты желаешь. Я разрешаю тебе: сражайся и обрети победу. Скажи, лучший герой, в чём твоя нужда и что мне дать тебе? Чего ты хочешь помимо битвы? Истина такова: человек раб выгоды, но выгода ничьим рабом не бывает. Я связан содержанием Кауравов. Я исполню твоё желание, племянник, как ты хочешь; поэтому говорю тебе как бессильный: чего ты желаешь помимо битвы?» Юдхиштхира сказал: «О великий царь, всегда советуй мне высшее благо. Сражайся за чужое дело: этот дар я выбираю. И пусть будет исполнено то обещание, которое ты дал прежде в Удьоге: в битве с сыном возницы ты должен сломить его боевой пыл». Шалья сказал: «О сын Кунти, это твоё желание исполнится, как ты хочешь. Иди и сражайся уверенно: я обещаю тебе победу».
04796efb4cf0 · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Шалья связан стороной Кауравов, но остаётся родственником и благословителем Юдхиштхиры. Его обещание позже станет частью тонкой стратегии против Карны: иногда победа в дхармической войне требует не грубой силы, а знания слабого места гордости.