धारानिनादैर् विहगप्रणादैः; शुभैस् तथा बृंहितैः कुञ्जराणाम् ॥
गीतैस् तथा किंनराणाम् उदारैः; शुभैः स्वनैः सामगानां च वीर ॥
अचिन्त्यं मनसाप्य् अन्यैः सरोभिः समलंकृतम् ॥
विशालैश् चाग्निशरणैर् भूषितं कुशसंवृतम् ॥
विभूषितं पुण्यपवित्रतोयया; सदा च जुष्टं नृप जह्नुकन्यया ॥
महात्मभिर् धर्मभृतां वरिष्ठैर्; महर्षिभिर् भूषितम् अग्निकल्पैः ॥
वाय्वाहारैर् अम्बुपैर् जप्यनित्यैः; संप्रक्षालैर् यतिभिर् ध्याननित्यैः ॥
धूमाशनैर् ऊष्मपैः क्षीरपैश् च; विभूषितं ब्राह्मणेन्द्रैः समन्तात् ॥
गोचारिणो ऽथाश्मकुट्टा दन्तोलूखलिनस् तथा ॥
मरीचिपाः फेनपाश् च तथैव मृगचारिणः ॥
सुदुःखान् नियमांस् तांस् तान् वहतः सुतपोन्वितान् ॥
पश्यन्न् उत्फुल्लनयनः प्रवेष्टुम् उपचक्रमे ॥
सुपूजितं देवगणैर् महात्मभिः; शिवादिभिर् भारत पुण्यकर्मभिः ॥
रराज तच् चाश्रममण्डलं सदा; दिवीव राजन् रविमण्डलं यथा ॥
dhārāninādair vihagapraṇādaiḥ; śubhais tathā bṛṃhitaiḥ kuñjarāṇām ||
gītais tathā kiṃnarāṇām udāraiḥ; śubhaiḥ svanaiḥ sāmagānāṃ ca vīra ||
acintyaṃ manasāpy anyaiḥ sarobhiḥ samalaṃkṛtam ||
viśālaiś cāgniśaraṇair bhūṣitaṃ kuśasaṃvṛtam ||
vibhūṣitaṃ puṇyapavitratoyayā; sadā ca juṣṭaṃ nṛpa jahnukanyayā ||
mahātmabhir dharmabhṛtāṃ variṣṭhair; maharṣibhir bhūṣitam agnikalpaiḥ ||
vāyvāhārair ambupair japyanityaiḥ; saṃprakṣālair yatibhir dhyānanityaiḥ ||
dhūmāśanair ūṣmapaiḥ kṣīrapaiś ca; vibhūṣitaṃ brāhmaṇendraiḥ samantāt ||
gocāriṇo 'thāśmakuṭṭā dantolūkhalinas tathā ||
marīcipāḥ phenapāś ca tathaiva mṛgacāriṇaḥ ||
suduḥkhān niyamāṃs tāṃs tān vahataḥ sutaponvitān ||
paśyann utphullanayanaḥ praveṣṭum upacakrame ||
supūjitaṃ devagaṇair mahātmabhiḥ; śivādibhir bhārata puṇyakarmabhiḥ ||
rarāja tac cāśramamaṇḍalaṃ sadā; divīva rājan ravimaṇḍalaṃ yathā ||
«С шумом водопадов, криками птиц, благими трубными звуками слонов, возвышенными песнями киннаров и благими звуками поющих саман, о герой; немыслимую и умом, иными озёрами украшенную, обширными огневыми святилищами убранную, травою куша покрытую; украшенную святой, очищающей водою, и всегда посещаемую, о царь, дочерью Джахну (Гангою); великими, лучшими из блюстителей дхармы махариши, огнеподобными, убранную; ветром питающимися, воду пьющими, в джапе постоянными, омовением очищающимися яти, в созерцании постоянными, дымопитателями, паропитателями, молокопитателями — владыками брахманов отовсюду убранную. Пасущихся, как коровы, толкущих зерно камнем, имеющих зубы вместо ступы, пьющих солнечные лучи и пену, так же живущих, как звери, — несущих те и те тягчайшие обеты, благим подвигом наделённых, видя, с распахнутыми глазами войти приступил я — в обитель, почитаемую сонмами богов, великих духом, с Шивою во главе, о Бхарата, благодеятельными. И сиял тот круг обители всегда, словно на небе круг солнца, о царь».
318d50781704 · опубликовано 20 июн. 2026 г., 20:05:00 UTC
Доступно наRUЛистайте стихи клавишами
Обитель полнится не только красотою, но и сонмом подвижников немыслимой суровости — питающихся ветром, паром, лучами солнца, толкущих зерно собственными зубами. Знаменательно благоговение Кришны «с распахнутыми глазами» пред этим воинством тапаса: воплощённый Господь чтит подвиг своих преданных. И венчает картину то, что сама обитель почитаема «сонмами богов с Шивою во главе»: место истинного подвига свято даже для небожителей, и в него Господь вступает не как владыка, а как смиренный гость.