अथ प्रतिप्रातर् इव श्रीमद्व्रजराजसमाजे विराजमाने कथां कथयितुं समुत्कण्ठो मधुकण्ठो निजान्तश् चिन्तयामास—
धेनुचारणारम्भलम्भकदिने धेनुकालम्भः खलु श्रीबादरायणिना तदीयचारणावसरसाम्यानुसारिणा पूर्वम् एव वर्णितः । वस्तुतस् तु पौगण्डप्रान्त एव पण्डया निर्णीतः, तद्दिवसावसाने वेश्मप्रवेशे कैशोरांशावेशवर्णनात् । अतः श्रीपराशरेणापि कालियदमनानन्तरावसर एव सोऽयं सावसरः कृतः । श्रीहरिवंशे च स्पष्टम् एव, दमिते सर्पराजे तु कृष्णेन यमुनाह्रदे इत्य् उक्त्वा धेनुकवधः समारब्धः । तद् एव युक्त्यापि व्यक्तीभवति । कार्तिकवर्तमानशुक्लाष्टम्यां गोचारणारम्भसम्भवदिनतया पाद्मे स्पष्टतयोक्तिर् दृष्टा । पक्वतालफलकालो भाद्र एव, तत्र च धेनुकनिर्धूननप्रसिद्धिः । तस्मात् कालियदमनम् एव प्रथमं प्रथयिष्यामः इति ।
atha pratiprātar iva śrīmad-vrajarāja-samāje virājamāne kathāṁ kathayituṁ samutkaṇṭho madhukaṇṭho nijāntaś cintayāmāsa—
dhenu-cāraṇārambha-lambhaka-dine dhenukālambhaḥ khalu śrī-bādarāyaṇinā tadīya-cāraṇāvasara-sāmyānusāriṇā pūrvam eva varṇitaḥ | vastutas tu paugaṇḍa-prānta eva paṇḍayā nirṇītaḥ, tad-divasāvasāne veśma-praveśe kaiśorāṁśāveśa-varṇanāt | ataḥ śrī-parāśareṇāpi kāliya-damanānantar-āvasara eva so’yaṁ sāvasaraḥ kṛtaḥ | śrī-hari-vaṁśe ca spaṣṭam eva, damite sarparāje tu kṛṣṇena yamunā-hrade ity uktvā dhenuka-vadhaḥ samārabdhaḥ | tad eva yuktyāpi vyaktī-bhavati | kārtika-vartamāna-śuklāṣṭamyāṁ gocāraṇārambha-sambhava-dinatayā pādme spaṣṭatayoktir dṛṣṭā | pakva-tāla-phala-kālo bhādra eva, tatra ca dhenuka-nirdhūnana-prasiddhiḥ | tasmāt kāliya-damanam eva prathamaṁ prathayiṣyāmaḥ iti |
未能识别诗律
И вот, как каждое утро, в сияющем собрании Шри царя Враджа Мадхукантха, горя желанием рассказывать, подумал про себя: «Убиение Дхенуки Шри Бадараяни описал раньше — в день начала пастьбы коров, следуя сходству поводов для пастьбы. Но на деле мудрые относят его к самому концу отрочества: ведь описано, что в конце того дня, входя домой, Он уже отмечен чертами юности. Поэтому и Шри Парашара поместил его сразу после усмирения Калии. И в «Шри Хариванше» ясно: сказав „когда Кришна усмирил царя змей в озере Ямуны“, начинают рассказ об убиении Дхенуки. Это видно и из рассуждения: в «Падме» ясно сказано, что начало пастьбы коров приходится на светлую восьмую Карттики; а пора спелых плодов пальмы — это Бхадра, и убиение Дхенуки известно именно тогда. Поэтому прежде расскажем об усмирении Калии».
ab87c754d5bd · 发布于 2026年9月24日 19:53:44 UTC
可用语言RU用方向键翻颂
Шри Бадараяни — Шука; в «Бхагаватам» Дхенука (10.15) идёт перед Калией (10.16). Парашара — автор «Вишну-пураны», где порядок обратный. Бхадра — август–сентябрь, Карттика — октябрь–ноябрь.