अथ निवेदनं चेदम्—भो भो भूमिदेवाः ! किञ्चिद् एवावधानं विधीयताम् । रामरामानुजौ खलु परमप्रभावयुजौ श्रुतवद्भिर् भवद्भिर् अवधारिताव् एव स्तः । तौ चात्र भवद्विधानां सन्निधानम् एव धेनुसेवनानुरोधाद् आगतवन्तौ । किन्त्व् अद्य सद्य एवानवद्यक्रीडामयशूरताकौतुकपुरतस् तत इतः सङ्गत्यासन्नापि प्रत्यासन्नापि श्रीगोपाधिभूसदनभूर् विदूरायमाणास्माकं भाति स्म । गृहलोकेन च न तथालोचयाम्बभूविमहे । तत एव साक्षाल्लक्ष्मीपतिगृहायमाणगृहाद् भोजनसंयोजनं विना क्रीडायुधि च क्षुधिताव् अभूताम् । ततश् च कुलपरम्पराप्राप्तव्यवहारं पर्यायतया पितृपर्यायतया भवत्सु सङ्कोचम् अपर्यालोचमानौ पितृभवनाद् इव भवदीयसवनाद् अन्नं याचितम् अकुर्वाताम् इति ।
atha nivedanaṁ cedam—bho bho bhūmi-devāḥ ! kiñcid evāvadhānaṁ vidhīyatām | rāma-rāmānujau khalu parama-prabhāva-yujau śrutavadbhir bhavadbhir avadhāritāv eva staḥ | tau cātra bhavad-vidhānāṁ sannidhānam eva dhenu-sevanānurodhād āgatavantau | kintv adya sadya evānavadya-krīḍā-maya-śūratā-kautuka-puratas tata itaḥ saṅgatyāsannāpi pratyāsannāpi śrī-gopādhibhū-sadana-bhūr vidūrāyamāṇāsmākaṁ bhāti sma | gṛha-lokena ca na tathālocayāmbabhūvimahe | tata eva sākṣāl-lakṣmī-pati-gṛhāyamāṇa-gṛhād bhojana-saṁyojanaṁ vinā krīḍā-yudhi ca kṣudhitāv abhūtām | tataś ca kula-paramparā-prāpta-vyavahāraṁ paryāyatayā pitṛ-paryāyatayā bhavatsu saṅkocam aparyālocamānau pitṛ-bhavanād iva bhavadīya-savanād annaṁ yācitam akurvātām iti |
И вот их просьба: «Эй, эй, боги земли! Уделите нам немного внимания. Вы, конечно, слышали и знаете Раму и Младшего брата Рамы, наделённых высшей силой. Они пришли сюда, к таким, как вы, следуя за коровами. Но сегодня, в разгаре весёлой безупречной игры в удаль, собравшись то тут, то там, мы оказались так, что дом владыки пастухов, хоть и близко, казался нам далёким; а о домашних мы не подумали. И вот, без еды из дома, похожего на дом Самого Супруга Лакшми, в игре-битве Они проголодались. И по обычаю рода, считая вас отцами, не стесняясь вас, Они просят еды от вашего жертвоприношения, как из отчего дома».
068046b10236 · published Sep 24, 2026, 9:48:21 PM UTC
Available inRUPage between verses with