अथ तदेतन् निशम्य सम्यग् अस्राविलं सन्देशहरश् च व्याजहार,— सत्यं श्रीव्रजेश्वरीचरणाश् च स्वप्नवद् इदं साम्प्रतभवद्भोजनादिकं सरोदनं वदन्ति स्म । भवद्दुःखम् आशंक्य स्वाभोजनम् अपि गोपयन्ति स्म इति ।
अथ तदेतद् अवधार्य साश्चर्यतया स्थितेषु तेषु व्रजमहीक्षीदार्द्रवीक्षितम् आचचक्षे,— भवतः प्रेमवश्यानां वयस्यानाम् एषां वर्तने का वार्ता ?
श्रीकृष्ण उवाच,— श्रीमन्मातृवद् एव ते चामी ममेप्सितसखिजना वीक्ष्यया माम् उपलप्स्यन्ते; किं तु मातुर्वत्सलतास्वभावतया कदाचिद् अन्यथाप्रथा भासिष्यते, न पुनर् अमीषां प्रणयभाजाम् इति ।
atha tad-etan niśamya samyag- asrāvilaṁ sandeśa-haraś ca vyājahāra,— satyaṁ śrī-vrajeśvarī-caraṇāś ca svapna-vad idaṁ sāmprata-bhavad-bhojanādikaṁ sa-rodanaṁ vadanti sma | bhavad-duḥkham āśaṁkya svābhojanam api gopayanti sma iti |
atha tad-etad avadhārya sāścaryatayā sthiteṣu teṣu vraja-mahīkṣīd-ārdra-vīkṣitam ācacakṣe,— bhavataḥ prema-vaśyānāṁ vayasyānām eṣāṁ vartane kā vārtā ?
śrī-kṛṣṇa uvāca,— śrīman-mātṛvad eva te cāmī mamepsita-sakhi-janā vīkṣyayā mām upalapsyante; kiṁ tu mātur-vatsalatā-svabhāvatayā kadācid anyathā-prathā bhāsiṣyate, na punar amīṣāṁ praṇaya-bhājām iti |
metre not identified
Услышав это, и сам вестник со слезами на глазах сказал: «Правда, и стопы Шри владычицы Враджи со слезами рассказывали, как во сне, что Ты теперь ешь и прочее. Опасаясь Твоего горя, она скрывала даже то, что сама не ест». И когда все стояли в изумлении, царь Враджи, влажно глядя, спросил: «А как быть этим друзьям, покорённым Твоей любовью?» Шри Кришна сказал: «Как и моя почтенная мать, эти желанные мне друзья будут обретать меня в видении. Но по материнской нежной природе у неё иногда может показаться иначе, а у этих любящих — нет».
606c9119a70e · published Sep 25, 2026, 2:34:42 AM UTC
Available inRUPage between verses with