तद् एवं स्थिते स तु शूरंमन्यः स्वमुखोद्यममृषोद्यमं कर्तुम् अनन्यः सम्मदाद् गदाद्वयम् आनाय्य तत्र यथा तदिच्छाम् एकां भीमहस्ते प्रणाय्य रङ्गम् अङ्गनम् अङ्गति स्म ।
ततश् च गदादण्डाभ्यां परस्परं खण्डयन्तौ तौ वीराखण्डलतया वज्राभ्याम् इव दृष्टौ, चटचटायमानाभ्याम् अच्यवमानाभ्यां ताभ्यां प्रहरन्तौ पुरुषकुञ्जरतया दन्ताभ्याम् इव ।
तथा गदायुद्धोचितमण्डलैश् च भ्रमन्तौ रङ्गशोभितया ताण्डवैर् इवेति तत्प्रकारे पराक्स्थिते मुष्टिप्रहारे च वैयर्थ्याय संस्थिते परस्परजयाय चिराय द्वयेऽप्य् अनवस्थिते दिवसप्रसरे च प्रस्थिते कृष्णदृशा भृशाप्तबलसीमापि भीमाभिधस् तद्विधम् आनाय तद्विधं नोपायम् अह्नाय ज्ञातवान् इति कृष्णघटितविटपविपाटनसंज्ञालब्धावधारणः स परबलप्रबलशैवलवारदुर्वारवारणस् तं तथा विचकार, स्वजनानां सुजनानाम् अपि सुखं चकार, यथा—
tad evaṁ sthite sa tu śūraṁmanyaḥ sva-mukhodyama-mṛṣodyamaṁ kartum ananyaḥ sammadād gadā-dvayam ānāyya tatra yathā tad-icchām ekāṁ bhīma-haste praṇāyya raṅgam aṅganam aṅgati sma |
tataś ca gadā-daṇḍābhyāṁ parasparaṁ khaṇḍayantau tau vīrā-khaṇḍalatayā vajrābhyām iva dṛṣṭau, caṭa-caṭāyamānābhyām acyavamānābhyāṁ tābhyāṁ praharantau puruṣa-kuñjaratayā dantābhyām iva |
tathā gadā-yuddhocita-maṇḍalaiś ca bhramantau raṅga-śobhitayā tāṇḍavair iveti tat-prakāre parāk-sthite muṣṭi-prahāre ca vaiyarthyāya saṁsthite paraspara-jayāya cirāya dvaye’py anavasthite divasa-prasare ca prasthite kṛṣṇa-dṛśā bhṛśāpta-bala-sīmāpi bhīmābhidhas tad-vidham ānāya tad-vidhaṁ nopāyam ahnāya jñātavān iti kṛṣṇa-ghaṭita-viṭapa-vipāṭana-saṁjñā-labdhāvadhāraṇaḥ sa para-bala-prabala-śaivala-vāra-durvāra-vāraṇas taṁ tathā vicakāra, svajanānāṁ sujanānām api sukhaṁ cakāra, yathā—
metre not identified
Тогда этот мнимый герой, единственный, кто мог так попусту хвалиться, в упоении велел принести две палицы, одну по его желанию вложил в руку Бхимы и вышел на арену. И вот двое, круша друг друга палицами, казались двумя Индрами с ваджрами; ударяя трескучими, не выпадающими из рук палицами — двумя слонами среди людей с бивнями; кружа кругами, подобающими бою на палицах, — будто танцующими тандаву на украшении арены. Когда и этот род боя исчерпался, а удары кулаками тоже оказались бесплодны, и оба долго не могли одолеть друг друга, и день клонился, — Бхима, хоть и обрёл под взглядом Кришны предел силы, всё не знал, каким способом его убить; но, поняв знак Кришны, разорвавшего ветку надвое, он — неотвратимый слон против тины вражьих сил — расправился с ним так, что порадовал и своих, и всех праведных. Вот так:
db3f8fee8f08 · published Sep 25, 2026, 4:51:15 AM UTC
Available inRUPage between verses with
Ср. «Бхагаватам», песнь 10, гл. 72, стихи 33–44.