रुद्र उवाच
देवीभ्यां सहितः श्रीमान्विमानमधिरुह्य च । तस्मिन्सिंहासने दिव्ये मूले कल्पतरोः प्रभुः
निषसाद महातेजाः सर्वदेवैरभिष्टुतः । राघवानुगता ये च ऋक्षवानरमानुषाः
स्पृष्ट्वैव सरयूतोयं सुखेन त्यक्तजीविताः । रामप्रसादात्ते सर्वे दिव्यरूपधराः शुभाः
दिव्यमाल्याम्बरधरा दिव्यमङ्गलवर्चसः । आरुरुहुर्विमानं तदसङ्ख्या अत्र देहिनः
सर्वैः परिवृतः श्रीमान्रामो राजीवलोचनः । पूजितः सुरसिद्धौघैर्मुनिभिस्तु महात्मभिः
आययौ शाश्वतं दिव्यमक्षरं स्वपदं विभुः । यः पठेद्रामचरितं श्लोकं श्लोकार्धमेव वा
शृणुयाद्वा तथा भक्त्या स्मरेद्वा शुभदर्शने । कोटिजन्मार्जितात्पापाज्ज्ञानतोऽज्ञानतः कृतात्
विमुक्तो वैष्णवं लोकं पुत्रदारैश्च बान्धवैः । समाप्नुयाद्योगगम्यमनायासेन वै नरः
एतत्ते कथितं देवि रामस्य चरितं महत् । धन्योऽस्म्यहं त्वया देवि रामचन्द्रस्य कीर्तनात् । किमन्यच्छ्रोतुकामासि तद्ब्रवीमि वरानने
रघुनाथस्य चरितं साधूक्तं हि त्वया विभो । श्रुत्वा धन्यास्मि देवेश त्वत्प्रसादान्महेश्वर । वसुदेवसुतस्यास्य कृष्णस्य चरितं महत् । श्रोतुमिच्छामि देवेश चरितं कल्मषापहम्
शृणु देवि प्रवक्ष्यामि कृष्णस्यास्य महात्मनः । चरितं वासुदेवस्य सर्वेषां फलदं नृणाम्
devībhyāṃ sahitaḥ śrīmānvimānamadhiruhya ca | tasminsiṃhāsane divye mūle kalpataroḥ prabhuḥ
niṣasāda mahātejāḥ sarvadevairabhiṣṭutaḥ | rāghavānugatā ye ca ṛkṣavānaramānuṣāḥ
spṛṣṭvaiva sarayūtoyaṃ sukhena tyaktajīvitāḥ | rāmaprasādātte sarve divyarūpadharāḥ śubhāḥ
divyamālyāmbaradharā divyamaṅgalavarcasaḥ | āruruhurvimānaṃ tadasaṅkhyā atra dehinaḥ
sarvaiḥ parivṛtaḥ śrīmānrāmo rājīvalocanaḥ | pūjitaḥ surasiddhaughairmunibhistu mahātmabhiḥ
āyayau śāśvataṃ divyamakṣaraṃ svapadaṃ vibhuḥ | yaḥ paṭhedrāmacaritaṃ ślokaṃ ślokārdhameva vā
śṛṇuyādvā tathā bhaktyā smaredvā śubhadarśane | koṭijanmārjitātpāpājjñānato'jñānataḥ kṛtāt
vimukto vaiṣṇavaṃ lokaṃ putradāraiśca bāndhavaiḥ | samāpnuyādyogagamyamanāyāsena vai naraḥ
etatte kathitaṃ devi rāmasya caritaṃ mahat | dhanyo'smyahaṃ tvayā devi rāmacandrasya kīrtanāt | kimanyacchrotukāmāsi tadbravīmi varānane
raghunāthasya caritaṃ sādhūktaṃ hi tvayā vibho | śrutvā dhanyāsmi deveśa tvatprasādānmaheśvara | vasudevasutasyāsya kṛṣṇasya caritaṃ mahat | śrotumicchāmi deveśa caritaṃ kalmaṣāpaham
śṛṇu devi pravakṣyāmi kṛṣṇasyāsya mahātmanaḥ | caritaṃ vāsudevasya sarveṣāṃ phaladaṃ nṛṇām
славный, вместе с двумя богинями взойдя на виману, воссел на том божественном львином престоле у корня древа желаний, великоблистательный, восхваляемый всеми богами. А те медведи, обезьяны и люди, что последовали за Рагхавою, лишь коснувшись воды Сараю, легко оставили жизнь; милостью Рамы все они, благие, приняли божественный облик, носящие божественные венки и одежды, с божественным благословенным блеском, и взошли на ту виману — бесчисленные воплощённые. Окружённый всеми, славный лотосоокий Рама, почтённый сонмами богов и сиддхов и великими душою мудрецами, пришёл, всеобъемлющий, в свою вечную божественную нетленную обитель. Кто читал бы сказание о Раме — шлоку или хотя бы полшлоки, — или слушал бы, или с преданностью памятовал, о прекрасная видом, тот, освобождённый от греха, накопленного за коти рождений и совершённого сознательно и несознательно, обретёт без усилия Вишнуев мир, доступный йоге, вместе с сыновьями, жёнами и родичами. Это поведано тебе, о богиня, великое сказание о Раме; счастлив я, о богиня, от воспевания тобою Рамачандры. Что иное желаешь слушать — то поведаю, о прекрасноликая». — «Прекрасно сказано тобою, о владыка, сказание о владыке Рагху; услышав, счастлива я, о владыка богов, по твоей милости, о великий Владыка. Великое сказание об этом Кришне, сыне Васудевы, желаю я слушать, о владыка богов, — сказание, уносящее скверну». — «Слушай, о богиня, поведаю сказание об этом Кришне, великом душою, Васудеве, дающее плод всем людям.
22db36944811 · published Sep 3, 2026, 4:14:07 AM UTC
Available inRUPage between verses with
Спутники умирают, лишь коснувшись воды, — и это названо «легко». Смерть здесь не постигает их, а совершается ими: они шли за Ним и вошли следом, как входят в дверь.