यथावर्णं यथारूपं तथैव मधुसूदनः । ससर्ज वत्सान्गोपालानविता जगताम्प्रभुः
दृष्ट्वा सायाह्नसमये गावस्त्वेषां च मातरः । स्वान्स्वान्वत्सानुपागम्य यथापूर्वं प्रवर्तिताः
एवं संवत्सरे काले गते तत्र महात्मनः । प्रजापतिः पुनस्तस्मै ददौ वत्सान्सबालकान्
कृताञ्जलिपुटो भूत्वा परिणीय प्रणम्य च । भयादुवाच गोविन्दं ब्रह्मा त्रिभुवनेश्वरः
नमो नमस्ते सर्वात्मंस्तत्त्वज्ञानस्वरूपिणे । नित्यानन्दस्वरूपाय प्रयतात्मन्महात्मने
अणुबृहत्स्थूलतररूप सर्वगताव्यय । अनादिमध्यान्तरूप स्वरूपात्मन्नमोऽस्तु ते
नित्यज्ञानबलैश्वर्यवीर्यतेजोमयाय च । महाशक्ते नमस्तुभ्यं पूर्णषाड्गुण्यमूर्तये
त्वं वेदपुरुषो ब्रह्मन्महापुरुष एव च । शरीरपुरुषस्त्वं च छन्दःपुरुष एव च
चत्वारः पुरुषास्त्वं च पुराणः पुरुषोत्तमः । विभूतयस्तव ब्रह्मन्पृथिव्यग्न्यनिलादयः
तव वाचा समुद्भूतौ क्ष्मावह्नी जगदीश्वर । अन्तरिक्षं च वायुश्च सृष्टौ प्राणेन ते विभो
चक्षुषा तव संसृष्टौ द्यौश्चादित्यस्तथाव्यय । दिशश्च चन्द्रमाः सृष्टाः श्रोत्रेण तव चानघ
yathāvarṇaṃ yathārūpaṃ tathaiva madhusūdanaḥ | sasarja vatsāngopālānavitā jagatāmprabhuḥ
dṛṣṭvā sāyāhnasamaye gāvastveṣāṃ ca mātaraḥ | svānsvānvatsānupāgamya yathāpūrvaṃ pravartitāḥ
evaṃ saṃvatsare kāle gate tatra mahātmanaḥ | prajāpatiḥ punastasmai dadau vatsānsabālakān
kṛtāñjalipuṭo bhūtvā pariṇīya praṇamya ca | bhayāduvāca govindaṃ brahmā tribhuvaneśvaraḥ
namo namaste sarvātmaṃstattvajñānasvarūpiṇe | nityānandasvarūpāya prayatātmanmahātmane
aṇubṛhatsthūlatararūpa sarvagatāvyaya | anādimadhyāntarūpa svarūpātmannamo'stu te
nityajñānabalaiśvaryavīryatejomayāya ca | mahāśakte namastubhyaṃ pūrṇaṣāḍguṇyamūrtaye
tvaṃ vedapuruṣo brahmanmahāpuruṣa eva ca | śarīrapuruṣastvaṃ ca chandaḥpuruṣa eva ca
catvāraḥ puruṣāstvaṃ ca purāṇaḥ puruṣottamaḥ | vibhūtayastava brahmanpṛthivyagnyanilādayaḥ
tava vācā samudbhūtau kṣmāvahnī jagadīśvara | antarikṣaṃ ca vāyuśca sṛṣṭau prāṇena te vibho
cakṣuṣā tava saṃsṛṣṭau dyauścādityastathāvyaya | diśaśca candramāḥ sṛṣṭāḥ śrotreṇa tava cānagha
по цвету и по облику точно так же — сотворил телят и пастушат сразивший Мадху, хранитель и владыка миров. И в вечернюю пору коровы, матери их, увидев, подошли каждая к своим телятам и повели себя как прежде. Так, когда прошёл год времени у великого душою, Праджапати вновь дал ему телят с мальчиками; и, став со сложенными ладонями, обойдя кругом и поклонившись, со страхом сказал Говинде Брахма, владыка трёх миров: «Поклон, поклон тебе, о душа всего, сущему знанием истины, сущему вечным блаженством, о чистый душою, великий душою! О имеющий облик мельчайший, огромный и грубейший, о вездесущий и нетленный, о чей облик без начала, середины и конца, о сущий своею природою, — да будет тебе поклон. Состоящему из вечных знания, силы, величия, доблести и блеска — о великомощный, поклон тебе, чей образ полон шести достоинств. Ты — Пуруша Веды, о Брахман, и великий Пуруша; ты и Пуруша тела, и Пуруша размеров. Четыре Пуруши — ты, древний Пурушоттама; величия твои — земля, огонь, ветер и прочее. Твоею речью возникли земля и огонь, о владыка мира; воздушное пространство и ветер сотворены твоим дыханием, о всеобъемлющий. Оком твоим сотворены небо и солнце, о нетленный; стороны света и луна сотворены твоим слухом, о безгрешный.
2dfd0d50de90 · published Sep 3, 2026, 4:14:07 AM UTC
Available inRUPage between verses with
Похитивший возвращает похищенное и просит прощения — но год прожит так, будто ничего не пропадало. Восполненное было неотличимо от утраченного, и оттого кража оказалась не убытком, а показанной мерою творящего.