तदपहाय समनन्तरमनन्तरमणीयचरितमतिकोमलं बालकं लम्बालकं तमङ्के निधाय स्तनरसं पाययन्त्यां मातरि मातरिश्वना क्षुभितदहनज्वालयालयान्तिकान्तिकावदनाधिश्रितपयःस्थालीस्थालीनपयःसमुच्छ्वसनवेगमवलोक्य तदुत्पतनाशङ्कया कयाचन भवनोदरे तनयोपवेशमीहित्वा हित्वा च तं प्रयातवत्यां मातरि, कृतमनोऽरुषा रुषा तत उत्थाय त्वरितमेव शिलाशकलेन दधिगर्गरीं विभिद्य विभिद्यमानमना रोषभयाभ्यां सर्वतः सरीसृप्यमाणमथितधाराधौते प्रघणतले भवनान्तरं गतो रङ्गतो विजनगतं जनगतञ्च यन्न भवति, तदपि हैयङ्गवीनं नवीनं नवप्रयत्नेन समुत्तार्य कियदशित्वा कियदवचिन्वानोऽन्वानोदितकोपस्तदादाय यावज्जननी नायाति, तावदेव देवदेवेन्द्रादिवन्दितचरणो जननीभियाभियातः, पलायनसपक्षपक्षद्वारेण निष्क्रम्य बहिरङ्गने रङ्गनेयचरितोऽवहननसमयान्यसमयान्यथाभूतावस्थितेरुदूखलस्य खलस्य निहन्ता हन्तावलम्ब्य पृष्ठं चकितचकित एव शाखामृगशावकान्नवकानवनीतं तदाशयन्नवतस्थे ॥2॥
tadapahāya samanantaramanantaramaṇīyacaritamatikomalaṁ bālakaṁ lambālakaṁ tamaṅke nidhāya stanarasaṁ pāyayantyāṁ mātari mātariśvanā kṣubhita-dahanajvālayālayāntikāntikāvadanādhiśritapayaḥsthālīsthālīnapayaḥsamucchvasanavegamavalokya tadutpatanāśaṅkayā kayācana bhavanodare tanayopaveśamīhitvā hitvā ca taṁ prayātavatyāṁ mātari, kṛtamano'ruṣā ruṣā tata utthāya tvaritameva śilāśakalena dadhigargarīṁ vibhidya vibhidyamānamanā roṣa-bhayābhyāṁ sarvataḥ sarīsṛpyamāṇamathitadhārādhaute praghaṇatale bhavanāntaraṁ gato raṅgato vijanagataṁ janagatañca yanna bhavati, tadapi haiyaṅgavīnaṁ navīnaṁ navaprayatnena samuttārya kiyadaśitvā kiyadavacinvāno'nvānoditakopastadādāya yāvajjananī nāyāti, tāvadeva devadevendrādivanditacaraṇo jananībhiyābhiyātaḥ, palāyanasapakṣapakṣadvāreṇa niṣkramya bahiraṅgane raṅganeyacarito'vahananasamayānyasamayānyathābhūtāvasthiterudūkhalasya khalasya nihantā hantāvalambya pṛṣṭhaṁ cakita-cakita eva śākhāmṛgaśāvakānnavakānavanītaṁ tadāśayannavatasthe ||2||
Мать тотчас бросила пахтанье, взяла на колени нежного малыша с длинными кудрями, чьи деяния бесконечно прелестны, и стала кормить его грудью. Но тут она увидела, что молоко в горшке у очага, раздуваемого ветром, поднимается и вот-вот убежит, и, опасаясь этого, посадила сына в доме и ушла. Он же, рассердившись, тотчас встал, разбил камнем кувшин с йогуртом и, с сердцем, раздираемым гневом и страхом, по полу, залитому растекающейся во все стороны пахтой, перебрался в другой покой — в тайное место, куда не доходят люди, — снова потрудившись, достал свежайшее масло, немного съел, немного собрал и, не утихнув гневом, взяв его, пока мать не вернулась, — он, чьим стопам поклоняются владыки богов, в страхе перед матерью выбрался через боковую дверь, удобную для бегства, во внешний двор. Там стояла перевёрнутая, не по назначению, ступа — и он, губитель злодеев, опёрся на её спину и, озираясь, стал угощать этим маслом обезьяньих детёнышей.
649b066ea4b4 · publicado 28 sept 2026, 22:48:53 UTC
Disponible enRUPasa de verso en verso con
По ШБ 10.9.4–8. Перевёрнутая ступа (ulūkhala) пригодится матери для наказания.