सर्व ऊचुः—यत्र गत्यन्तरं नास्ति, तत् खल्व् अनन्तरम् एव विधातुं युक्तम् । यत् तु तत्रभवन्तस् तत्र भीतायन्ते, तत् पुनर् वत्सपालनेऽपि न तुच्छायते । किन्तु भवत्तप एव प्रतपति प्रतीपान् इति प्रतीयते । तस्माद् भवताद् भवताम् अनुज्ञा, या परम्परयापि परं परम् अप्य् अमङ्गलं तारयिष्यति ।
अथेदम् आकर्ण्य निर्वर्णनत एव ज्ञापितानुज्ञानिजसमाजे श्रीमन्नन्दराजे सर्वानुमतिलब्धानन्दः श्रीमान् उपनन्दः प्रथितसमज्ञान् समयज्ञान् जिज्ञासयामास । तैर् अपि बुधश्रवणसुखप्रदमङ्गलश्रवणसङ्गतबुधश्रवणविशिष्ठायाम् अबहुलबाहुलाष्टम्यां बहुलापालनं बहुलम् एतद् इष्टम् इत्य् आदिष्टम् ।
sarva ūcuḥ—yatra gaty-antaraṁ nāsti, tat khalv anantaram eva vidhātuṁ yuktam | yat tu tatra-bhavantas tatra bhītāyante, tat punar vatsa-pālane’pi na tucchāyate | kintu bhavat-tapa eva pratapati pratīpān iti pratīyate | tasmād bhavatād bhavatām anujñā, yā paramparayāpi paraṁ param apy amaṅgalaṁ tāra-yiṣyati |
athedam ākarṇya nirvarṇanata eva jñāpitānujñā-nija-samāje śrīman-nanda-rāje sarvānumati-labdhānandaḥ śrīmān upanandaḥ prathita-samajñān samaya-jñān jijñāsayāmāsa | tair api budha-śravaṇa-sukha-prada-maṅgala-śravaṇa-saṅgata-budha-śravaṇa-viśiṣṭhāyām abahula-bāhulāṣṭamyāṁ bahulā-pālanaṁ bahulam etad iṣṭam ity ādiṣṭam |
छन्द अज्ञात
Все сказали: «Когда иного пути нет, это и надо сделать немедля. А то, чего вы, почтенный, тут боитесь, и при пастьбе телят не пустяк. Но, видно, ваше подвижничество опаляет недругов. Так пусть будет ваше позволение — оно и в дальнейшем отведёт любую беду». Выслушав это, Шри царь Нанда одним взглядом дал знать собранию о своём согласии, и Шри Упананда, обрадованный общим согласием, спросил прославленных знатоков сроков. А они указали: «На восьмой день светлой половины Карттики, в среду, под звездой Шраваной, благой для слуха, пасти коров — весьма желанно».
b871f4ecd613 · प्रकाशित 24 सित॰ 2026, 7:44:05 pm UTC
उपलब्ध भाषाएँRUश्लोक बदलें इन कुंजियों से
Этот день — Гопаштами, праздник первой пастьбы коров. Игра слов: бахула — «Карттика» и «корова». Перевод указания на день приблизителен.