तद् एवं विदिवद्गोपानुगमि तनुगमितम् एव मनसिकृत्य गमनयाचनाम् अनुसृत्य चलितवत्सु मुनिसत्सु श्रीमान् वसुदेवः स्ववसुसाफल्यकामनया तान् इदं निवेदयाञ्चकार । कर्मणा कर्मनिर्हारो यथा स्यात् तथा यथावद् उपदिशतेति । अत्र व्रजभक्तितर्षी श्रीदेवर्षिस् तु चेतसि विविवेच—नायं नन्दवच् छुद्धपितृभावमयस्नेहतया बुद्धः, येन ननद एव नन्दः किम् अकरोद् ब्रह्मन् इत्य् आदिना सर्वतः स्तूयते, सोऽयं तु न तथा प्रस्तूयते, किन्तु भगवत्त्वज्ञानेन सहित इत्य् एवं महितः । तेनानेनास्य जन्मत एव हि विदितोऽसि भवान् इत्य् आदिना तत्त्वबोध एव संहितः; पितृभावस् तु तेन पिहितः । तस्माद् विद्यमानेऽपि कृष्णे तम् इमम् अर्भकान्तरवद् अज्ञं मत्वा कर्मनिर्हारमात्रतृष्णेन, न तु नन्दवत् तदभ्युदयमात्रतृष्णेनानेन । यद् अस्मासु प्रश्नविधानं, तन् न शोभानिधानं भवति इति ।
tad evaṁ vidivad-gopānugami tanu-gamitam eva manasikṛtya gamana-yācanām anusṛtya calitavatsu muni-satsu śrīmān vasudevaḥ sva-vasu-sāphalya-kāmanayā tān idaṁ nivedayāñcakāra | karmaṇā karma-nirhāro yathā syāt tathā yathāvad upadiśateti | atra vraja-bhakti-tarṣī śrī-devarṣis tu cetasi viviveca—nāyaṁ nandavac chuddha-pitṛ-bhāvamaya-snehatayā buddhaḥ, yena nanada eva nandaḥ kim akarod brahman ity ādinā sarvataḥ stūyate, so’yaṁ tu na tathā prastūyate, kintu bhagavattva-jñānena sahita ity evaṁ mahitaḥ | tenānenāsya janmata eva hi vidito’si bhavān ity ādinā tattva-bodha eva saṁhitaḥ; pitṛbhāvas tu tena pihitaḥ | tasmād vidyamāne’pi kṛṣṇe tam imam arbhakāntaravad ajñaṁ matvā karma-nirhāra-mātra-tṛṣṇena, na tu nandavat tad-abhyudaya-mātra-tṛṣṇenānena | yad asmāsu praśna-vidhānaṁ, tan na śobhā-nidhānaṁ bhavati iti |
Так, держа в уме, что надо следовать пастухам, как им и подобает, праведные мудрецы попросили позволения и собрались уходить; тогда Шриман Васудева, желая, чтобы его богатство принесло плод, обратился к ним: „Научите, как подобает, как делами избавиться от последствий дел“. И тут божественный мудрец, жаждущий преданности Враджи, подумал: «Он не пробуждён любовью, полной чистого отцовского чувства, как Нанда, которого повсюду славят словами „Что же совершил Нанда, о брахман…“; его так не славят, а чтут как обладающего знанием о божественности Сына. Поэтому уже при Его рождении он сказал: „Я знаю, Ты…“ — к нему пришло лишь познание истины, а отцовское чувство им закрыто. Поэтому то, что он, хоть Кришна и здесь, считает Его несмышлёным, как любого ребёнка, и, желая лишь избавиться от последствий дел, а не так, как Нанда, желая лишь Его благополучия, спрашивает нас, — сокровищем красоты не назовёшь»“.
9264aed804c3 · 发布于 2026年9月25日 04:37:38 UTC
可用语言RU用方向键翻颂
Цитаты — «Бхагаватам», песнь 10, гл. 8, стих 46; гл. 3, стих 13.