तद् एवं लब्धसुखानाम् अपि श्रीमन्नन्दप्रमुखाणां श्रीशुकमुखाद् उदितविरचनेन कृष्णे कमलपत्राक्षे संन्यस्ताखिलराधसः इति वचनेन पुरा श्रीकृष्णायोगदुःखाद् अपरतृष्णाविमुखानां तन्मङ्गलाय सत्सु समर्पितविष्वगर्थानां चिराय वाञ्छितं व्रजाय तदागमनम् अञ्चितुम् असमर्थानां सम्प्रति च किञ्चिद् अप्रतीतिकिञ्चित्प्रतीतिक्षुभिततत्तदर्थानां भावनेयं जाता—हन्त ! हन्त! सन्ततम् अस्माभिः प्रार्थितव्रजागतिर् अयं तद् अस्माकं जानात्य् एव, सम्प्रत्य् अपि मनोरथपथस्वजनधनसम्पदस् त्याजयितुं योग्यतां न यात्य् एवेति च व्रजनयनाय न साक्षाद् विज्ञापयितव्यः, सोऽयं किम् उतत्र क्षात्रनीत्या कर्तुम् आरब्धत्रिलोकीभव्यः । तथापि शश्वदभ्युदययास्मासु दयालुतया मुहुः कृतप्रतिज्ञतया चावश्यम् आगमिष्यति । किन्त्व् ईदृशम् ईदृशम् अस्य समर्यादस्थितम् अमर्यादम् एतदीयसदुपचर्यापर्यापणं दिव्यं दिव्यं द्रव्यं प्रति यथास्वम् अस्माकं मनोरथः प्रथिमानम् आत्मानम् आनयन्तीति तद् इदम् इदम् एव कामनीयम् इति ।
tad evaṁ labdha-sukhānām api śrīman-nanda-pramukhāṇāṁ śrī-śuka-mukhād udita-viracanena kṛṣṇe kamala-patrākṣe saṁnyastākhila-rādhasaḥ iti vacanena purā śrī-kṛṣṇāyoga-duḥkhād apara-tṛṣṇā-vimukhānāṁ tan-maṅgalāya satsu samarpita-viṣvag-arthānāṁ cirāya vāñchitaṁ vrajāya tad-āgamanam añcitum asamarthānāṁ samprati ca kiñcid apratīti-kiñcit-pratīti-kṣubhita-tat-tad-arthānāṁ bhāvaneyaṁ jātā—hanta ! hanta! santatam asmābhiḥ prārthita-vrajāgatir ayaṁ tad asmākaṁ jānāty eva, sampraty api manoratha-patha-sva-jana-dhana-sampadas tyājayituṁ yogyatāṁ na yāty eveti ca vraja-nayanāya na sākṣād vijñāpayitavyaḥ, so’yaṁ kim utatra kṣātra-nītyā kartum ārabdha-trilokībhavyaḥ | tathāpi śaśvad-abhyudayayāsmāsu dayālutayā muhuḥ kṛta-pratijñatayā cāvaśyam āgamiṣyati | kintv īdṛśam īdṛśam asya sa-maryāda-sthitam amaryādam etadīya-sad-upacaryāparyāpaṇaṁ divyaṁ divyaṁ dravyaṁ prati yathā-svam asmākaṁ manorathaḥ prathimānam ātmānam ānayantīti tad idam idam eva kāmanīyam iti |
Так Шриман Нанда и прочие, хоть и обрели счастье, — те, кто прежде, как сказано устами Шри Шуки: „отдав всё Кришне, Лотосоокому“, от муки разлуки со Шри Кришной отвернулись от всякой иной жажды и ради Его блага отдали всё богатство праведным, но так и не смогли добиться Его давно желанного прихода во Враджу, а ныне колебались то в неверии, то в вере, — подумали так: „Ах, ах! Он ведь и Сам знает, как мы постоянно просили Его прийти во Враджу; а ныне Он не в силах заставить своих расстаться с родными и богатством — так что прямо просить Его во Враджу не следует, тем более что Он по закону кшатриев взялся за благо трёх миров. И всё же по неизменной милости к нам и по многократным обещаниям Он непременно придёт. А пока наше желание — служить Ему этими дивными вещами по мере сил — пусть растёт; вот чего и надо желать“.
226391905d66 · 发布于 2026年9月25日 04:37:38 UTC
可用语言RU用方向键翻颂
Цитата — «Бхагаватам», песнь 10, гл. 65, стих 6. Перевод приблизителен.