अहो ! अस्तु तावन् नाम्नैव श्रियं दातुर् अस्य महाराजस्य विराजमानता, पारिषदानाम् अप्य् अमीषां महीमानम् उपनिषदोऽपि वर्णयितुं न शक्नुवन्ति, येनात्मानम् अपि विस्मार्य नृत्यम् अनुवर्त्यामहे । किम् असङ्कीर्णम् अस्मासु न वितीर्णम् अमीभिर् महामहिमचरणैः, यत् खल्व् अतीतलोकेन निजालोकेन निर्निमेषतया सुपर्वाणः क्रियामहे? कतिशः स्वयं न प्रतिपालिता वयं, यन् निजच्छायाम् आपाय्य पर्याप्यामहे? कतरद् वा मनःसन्तोषणं पोषणं न विहितं यन् निजदृष्टिसुधावृष्टिभिर् अभितर्प्यामहे । पश्यत पश्यत, नेत्रगतिविचित्रताम् अमीषाम्, यया खलु नृत्यम् उपादिशद्भिर् आमीभिर् अनुगृह्यामहे । तस्मान् नृत्यचर्यापरिचर्यापर्युत्सुका वयं तदर्थम् एव योग्यम् अवसरं मृग्यन्तो वर्तामहे ।
aho ! astu tāvan nāmnaiva śriyaṁ dātur asya mahārājasya virājamānatā, pāriṣadānām apy amīṣāṁ mahīmānam upaniṣado’pi varṇayituṁ na śaknuvanti, yenātmānam api vismārya nṛtyam anuvartyāmahe | kim asaṅkīrṇam asmāsu na vitīrṇam amībhir mahā-mahima-caraṇaiḥ, yat khalv atīta-lokena nijālokena nirnimeṣatayā suparvāṇaḥ kriyāmahe? katiśaḥ svayaṁ na pratipālitā vayaṁ, yan nija-cchāyām āpāyya paryāpyāmahe? katarad vā manaḥ-santoṣaṇaṁ poṣaṇaṁ na vihitaṁ yan nija-dṛṣṭi-sudhā-vṛṣṭibhir abhitarpyāmahe | paśyata paśyata, netra-gati-vicitratām amīṣām, yayā khalu nṛtyam upādiśadbhir āmībhir anugṛhyāmahe | tasmān nṛtya-caryā-paricaryā-paryutsukā vayaṁ tad-artham eva yogyam avasaraṁ mṛgyanto vartāmahe |
Ах! Пусть величие этого великого царя, дающего богатство одним своим именем, останется в стороне: даже упанишады не могут описать величие его приближённых, от которого мы, забыв себя, пускаемся в пляс. Чего чистого не даровали нам эти досточтимые, если их взгляд, превосходящий мир, делает нас немигающими, как боги? Сколько раз они сами не хранили нас, напоив своей тенью? Какой отрады сердцу не доставили, насыщая дождями нектара своих взглядов? Смотрите, смотрите, как дивно движутся их глаза — ими они учат нас пляске и милуют. Вот мы и жаждем служить им пляской и ищем для этого удобного случая».
437afc56d39b · published Sep 24, 2026, 8:16:44 PM UTC
Available inRUPage between verses with