यत्र च मणिमयालवालोपरिकृतोपधानतयेव सुखसुप्तेनेव विभुग्नवृन्तेन फलनिकुरम्बेण परितः कृतमूलमण्डनैरिव नारिकेलपोतैरभितोऽभिरमणीयानि, तनुमध्यमा मध्यमानामिव करग्राह्याणां फलनिकराणां भरेणाधोमुखैरभितो विलम्बमानैर्वृन्दैः परितः कृतकण्ठमण्डनैरिव पूगतरुभिरितस्ततः कमनीयानि, परिपाकेऽपि नारं गलता नारङ्गलताफलनिकुरम्बेण सततसमुदितामितमङ्गलापरम्परापरं परागतान्यग्रहमिव नभस्तलं विदधानानि, सुपल्लवलीलतानटनेन लवलीलतानटनेन नयनरञ्जनानि, केशरिनखरशिखरविदारविकसन्मौक्तिकनिकरेण रुधिरारुणेन करिकलभकुम्भनिवहेन कृतोपमैः परिपाकविलोहितैर्विदीर्यमाणतया व्यक्तबीजराजिभिस्तत्कालापतितशुकचरणाघातसमधिकावनतैः फलनिकरैः सुललितेन निखिलदिग्वधूसीमन्तसिन्दूरपूरमनुभावयत्सु कुसुमसमूहेषु सदालिमीलतावनेन दालिमीलतावनेन चमत्कारकारीणि, षडूर्मिखर्जुरहितानि खर्जूरहितानि, निःसारितौकोमलेन कोमलेन मृद्वीकामधुरेण मृद्वीकामधुरेणावान्तरकाननेन मनोहारीणि, अभितः फलिनीभिः फलिनीभिश्च परमरमणीयानि, सकामजनमनांसीव सफलकर्मरङ्गाणि, स्वरङ्गनानीव ललितरम्भाणि, सङ्गीतानीव विविधरमणीयतालानि, कर्मकाण्डानीव निरवधिसुपाककण्टकिफलानि, रूपकोपरूपकाणीव सफलशैलूषाणि, मेरुमन्दरशृङ्गविशेषतेजांसीव जम्बूजनितश्यामलिमानि, नारायणतपांसीव बदरिकावनाधिकरणानि कानिचिदुपवनानि ॥5॥
yatra ca maṇimayālavālopari-kṛtopadhānatayeva sukhasupteneva vibhugnavṛntena phala-nikurambeṇa paritaḥ kṛtamūlamaṇḍanairiva nārikelapotairabhito'bhiramaṇīyāni, tanumadhyamā madhyamānāmiva karagrāhyāṇāṁ phalanikarāṇāṁ bhareṇādhomukhairabhito vilambamānairvṛndaiḥ paritaḥ kṛtakaṇṭhamaṇḍanairiva pūgatarubhiritastataḥ kamanīyāni, paripāke'pi nāraṁ galatā nāraṅgalatā-phala-nikurambeṇa satata-samuditāmita-maṅgalā-paramparāparaṁ parāgatānyagrahamiva nabhastalaṁ vidadhānāni, supallavalīlatānaṭanena lavalīlatā-naṭanena nayanarañjanāni, keśari-nakharaśikharavidāra-vikasanmauktika-nikareṇa rudhirāruṇena karikalabha-kumbhanivahena kṛtopamaiḥ paripāka-vilohitairvidīryamāṇatayā vyakta-bījarājibhistatkālāpatita-śukacaraṇāghāta-samadhikāvanataiḥ phalanikaraiḥ sulalitena nikhiladigvadhūsīmanta-sindūrapūramanubhāvayatsu kusumasamūheṣu sadālimīlatāvanena dālimī-latāvanena camatkārakārīṇi, ṣaḍūrmi-kharjura-hitāni kharjū-rahitāni, niḥsāritaukomalena komalena mṛdvīkā-madhureṇa mṛdvī-kāmadhureṇāvāntara-kānanena manohārīṇi, abhitaḥ phalinībhiḥ phalinībhiśca paramaramaṇīyāni, sakāmajana-manāṁsīva saphalakarmaraṅgāṇi, svaraṅganānīva lalitarambhāṇi, saṅgītānīva vividharamaṇīya-tālāni, karmakāṇḍānīva niravadhi-supāka-kaṇṭakiphalāni, rūpakoparūpakāṇīva saphalaśailūṣāṇi, merumandaraśṛṅga-viśeṣa-tejāṁsīva jambūjanitaśyāmalimāni, nārāyaṇatapāṁsīva badarikāvanādhikaraṇāni kānicidupavanāni ||5||
Там есть и сады. Одни прелестны кокосовыми пальмами: их гроздья плодов, свесившиеся на изогнутых черенках, будто сладко спят, положив головы на самоцветные лунки, и словно украшают корни. Другие пленяют пальмами арековыми: свисающие вниз тяжёлые гроздья плодов, какие можно обхватить рукой, будто ожерелья на шеях тонкостанных красавиц. Третьи — апельсиновые рощи: спелые плоды там не падают, и их гроздья, словно ряд восходящих светил, делают небо будто полным новых планет. Иные радуют глаз пляской лиан лавали с прекрасными листьями. Иные дивят гранатовыми рощами, всегда полными пчёл: спелые, лопнувшие плоды, склонённые под ударами лапок попугаев, открывают ряды зёрен, похожих на жемчуг из лобных выпуклостей слонёнка, разодранных когтями льва и алых от крови, а цветы гранатов словно заливают киноварью проборы всех дев-сторон света. Есть финиковые рощи — без шипов, но полезные от шести волн мирских невзгод; есть виноградники, сладкие нежным соком, — сладкие и для любви. Есть сады, где всюду бананы-«пхалини», как у полных желаний людей — плоды дел; с прелестными бананами, как пляски небесных дев — с прелестной Рамбхой; с разными прекрасными пальмами-«тала», как музыка — с разными ритмами-«тала»; с колючими плодами, всегда спелыми, как обряды карма-канды — с их колючими плодами; с плодоносящими горами, как пьесы — с удачными актёрами; с темнотой от джамбу, как сияние вершин Меру и Мандары; и с зарослями бадари, как подвижничество Нараяны в Бадарике.
91ce1588cb7a · 发布于 2026年9月28日 22:23:45 UTC
可用语言RU用方向键翻颂
Перечень садов Вриндавана — кокос, арека, апельсин, лавали, гранат, финик, виноград, банан, пальмира, джамбу, бадари — каждый с сравнением, построенным на игре слов (rambhā — «банан» и небесная танцовщица Рамбха; tāla — «пальма» и «такт»; badarikā — «ююба» и святое место Бадарика). Смысл: Вриндаван полон плодов всех стран и времён года разом.