श्रीकृष्णचैतन्यः—(ततः प्रविशति सार्वभौमादिभिर्दामोदरजगदानन्दादिभिश्चानुगम्यमानः श्रीकृष्णचैतन्यः ।)
सार्वभौम, एतावद्दूरं पर्यटितं, भवत्सदृशः कोऽपि न दृष्टः, केवलमेव रामानन्दरायः । स त्वलौकिक एव भवति ।
सार्वभौमः—देव, अत एव निवेदितं सोऽवश्यमेव द्रष्टव्य इति ।
श्रीकृष्णचैतन्यः—कियन्त एव वैष्णवा दृष्टास्तेऽपि नारायणोपासका एव । अपरे तत्त्ववादिनस्ते तथाविधा एव । निरवद्यं न भवति तेषां मतम् । अपरे तु शैवा एव बहवः । पाषण्डास्तु महाप्रबला भूयांस एव । किंतु भट्टाचार्य, रामानन्दमतमेव मे रुचितम् ।
सार्वभौमः—भवन्मत एव प्रविष्टोऽसौ न तस्य मतकर्तृता । स्वामिन्, अतः परमस्माकमप्येतदेव मतं बहुमतं सर्वशास्त्रप्रतिपाद्यं चैतदिति ।
गोपीनाथाचार्यः—भट्टाचार्य, भगवतोऽवस्थानस्थानं चिन्तितमस्ति ।
भट्टाचार्यः—आचार्य, राज्ञैव चिन्तितम् ।
गोपीनाथाचार्यः—(जनान्तिकम् ।) कीदृशं तत् ।
भट्टाचार्यः—काशीमिश्रस्यालयः ।
गोपीनाथाचार्यः—साधु साधु, सिंहद्वारनिकटवर्ती भवति । यतः सकाशात्सुखेनैव जगन्नाथदर्शनं भविष्यति । (इति समुद्रकूलात्पुरुषोत्तमग्रामं विशन्ति ।)
(ततः प्रविशन्ति भगवज्जगन्नाथप्रसादमालापाणयो जगन्नाथदेवपशुपालकाः काशीमिश्रः परीक्षामहापात्रं च ।)
सार्वभौमः—अयमयं श्रीकृष्णचैतन्यः स्वामी । (इति सोत्कण्ठमुपसर्पन्ति ।)
भगवन्, एते भगवतः पशुपालाः । एष काशीमिश्रनामा । एष सर्वाधिकारी प्राड्विवाको भगवतः ।
(काशीमिश्रपरीक्षामहापात्रे उपसृत्य दण्डवन्निपततः ।)
पशुपालकाः—(मालां कण्ठे दत्त्वा प्रणमन्ति ।)
भगवान्—अहो किमेतत्, भगवत्पार्षदा भवन्तो मदाराध्या एव कथमयोग्यमेतत्क्रियते । (इति सर्वान्प्रणम्यालिङ्गति ।)
पशुपालाः—सार्वभौम, भगवतो दिवास्वप्नसमयः संप्रति जातः । किमिदानीं तत्रैव गत्वा स्वामिना स्थातव्यं किं वा विश्रम्य स्नानादि कृत्वा समागन्तव्यम् ।
सार्वभौमः—स्नात्वा देवदर्शनं कर्तव्यम् ।
काशीमिश्रः—तदित एवागच्छन्तु । (इति स्वालयमुपसारयति ।)
सार्वभौमः—भगवन्, इदं खल्वस्यैव मिश्रस्य पुरं श्रीचरणानां कृते शोधयित्वा स्थापितमस्ति । तदत्रैव प्रविशन्तु भगवन्तः ।
(इति प्रवेशं नाटयन्ति । पशुपालादयः प्रणम्य निष्क्रान्ताः ।)
(ततः प्रविशन्ति बहव एवोत्कलवासिनो महाशयाः केचित् ।)
śrīkṛṣṇacaitanyaḥ—(tataḥ praviśati sārvabhaumādibhirdāmodarajagadānandādibhiścānugamyamānaḥ śrīkṛṣṇacaitanyaḥ |)
sārvabhauma, etāvaddūraṃ paryaṭitaṃ, bhavatsadṛśaḥ ko'pi na dṛṣṭaḥ, kevalameva rāmānandarāyaḥ | sa tvalaukika eva bhavati |
sārvabhaumaḥ—deva, ata eva niveditaṃ so'vaśyameva draṣṭavya iti |
śrīkṛṣṇacaitanyaḥ—kiyanta eva vaiṣṇavā dṛṣṭāste'pi nārāyaṇopāsakā eva | apare tattvavādinaste tathāvidhā eva | niravadyaṃ na bhavati teṣāṃ matam | apare tu śaivā eva bahavaḥ | pāṣaṇḍāstu mahāprabalā bhūyāṃsa eva | kiṃtu bhaṭṭācārya, rāmānandamatameva me rucitam |
sārvabhaumaḥ—bhavanmata eva praviṣṭo'sau na tasya matakartṛtā | svāmin, ataḥ paramasmākamapyetadeva mataṃ bahumataṃ sarvaśāstrapratipādyaṃ caitaditi |
gopīnāthācāryaḥ—bhaṭṭācārya, bhagavato'vasthānasthānaṃ cintitamasti |
bhaṭṭācāryaḥ—ācārya, rājñaiva cintitam |
gopīnāthācāryaḥ—(janāntikam |) kīdṛśaṃ tat |
bhaṭṭācāryaḥ—kāśīmiśrasyālayaḥ |
gopīnāthācāryaḥ—sādhu sādhu, siṃhadvāranikaṭavartī bhavati | yataḥ sakāśātsukhenaiva jagannāthadarśanaṃ bhaviṣyati | (iti samudrakūlātpuruṣottamagrāmaṃ viśanti |)
(tataḥ praviśanti bhagavajjagannāthaprasādamālāpāṇayo jagannāthadevapaśupālakāḥ kāśīmiśraḥ parīkṣāmahāpātraṃ ca |)
sārvabhaumaḥ—ayamayaṃ śrīkṛṣṇacaitanyaḥ svāmī | (iti sotkaṇṭhamupasarpanti |)
bhagavan, ete bhagavataḥ paśupālāḥ | eṣa kāśīmiśranāmā | eṣa sarvādhikārī prāḍvivāko bhagavataḥ |
(kāśīmiśraparīkṣāmahāpātre upasṛtya daṇḍavannipatataḥ |)
paśupālakāḥ—(mālāṃ kaṇṭhe dattvā praṇamanti |)
bhagavān—aho kimetat, bhagavatpārṣadā bhavanto madārādhyā eva kathamayogyametatkriyate | (iti sarvānpraṇamyāliṅgati |)
paśupālāḥ—sārvabhauma, bhagavato divāsvapnasamayaḥ saṃprati jātaḥ | kimidānīṃ tatraiva gatvā svāminā sthātavyaṃ kiṃ vā viśramya snānādi kṛtvā samāgantavyam |
sārvabhaumaḥ—snātvā devadarśanaṃ kartavyam |
kāśīmiśraḥ—tadita evāgacchantu | (iti svālayamupasārayati |)
sārvabhaumaḥ—bhagavan, idaṃ khalvasyaiva miśrasya puraṃ śrīcaraṇānāṃ kṛte śodhayitvā sthāpitamasti | tadatraiva praviśantu bhagavantaḥ |
(iti praveśaṃ nāṭayanti | paśupālādayaḥ praṇamya niṣkrāntāḥ |)
(tataḥ praviśanti bahava evotkalavāsino mahāśayāḥ kecit |)
(Входит Шри Кришна Чайтанья, а за Ним Сарвабхаума, Дамодара, Джагадананда и другие.)
Шри Кришна Чайтанья. Сарвабхаума, я прошёл так далеко и не встретил никого, подобного тебе, — кроме одного Рамананды Рая. А он и вовсе неотмирный.
Сарвабхаума. Господи, потому-то я и просил непременно его повидать.
Шри Кришна Чайтанья. Вайшнавов я видел немного, и те поклоняются Нараяне. Другие — таттвавади, и они таковы, какие есть: их учение не без изъяна. Ещё многие — шайвы. А еретиков очень много, и они очень сильны. Но мне, Бхаттачарья, по сердцу учение Рамананды.
Сарвабхаума. Это он вошёл в Твоё учение, а не он его создал. Господин, отныне и для нас это учение — самое чтимое: его и возвещают все шастры.
Гопинатха Ачарья. Бхаттачарья, подумали ли, где жить Господу?
Бхаттачарья. Ачарья, об этом подумал сам царь.
Гопинатха Ачарья. (В сторону.) И что же?
Бхаттачарья. Дом Каши Мишры.
Гопинатха Ачарья. Прекрасно, прекрасно: он у самых Львиных ворот. Оттуда легко будет видеть Джаганнатху.
(С берега океана все входят в город Пурушоттаму.)
(Входят служители Господа Джаганнатхи с гирляндами Его прасада в руках, Каши Мишра и Парикша-махапатра.)
Сарвабхаума. Вот он, Шри Кришна Чайтанья Свами. (Все с нетерпением подходят.)
Сарвабхаума. Господи, это служители Господа. Это — Каши Мишра. А это — главный распорядитель, судья при Господе.
(Каши Мишра и Парикша-махапатра, подойдя, падают ниц.)
Служители. (Надев на Него гирлянду, кланяются.)
Господь. Ах, что это? Вы — спутники Господа, мне самому надлежит вам поклоняться. Зачем же делать неподобающее? (Кланяется всем и обнимает их.)
Служители. Сарвабхаума, у Господа сейчас дневной отдых. Пойти ли Свами прямо туда и ждать — или отдохнуть, искупаться и прийти потом?
Сарвабхаума. Сначала искупаться, потом даршан.
Каши Мишра. Тогда сюда. (Ведёт к своему дому.)
Сарвабхаума. Господи, это дом того самого Мишры: его прибрали и приготовили для Твоих стоп. Входи же.
(Все изображают, что входят. Служители и прочие кланяются и уходят.)
(Входят многие почтенные люди Уткалы.)
86c1575ad5e9 · 发布于 2026年9月15日 10:00:00 UTC
可用语言RU用方向键翻颂
Восьмой акт открывается отчётом о пути. Махапрабху называет юг без прикрас: мало кто поклоняется Кришне, таттвавади — последователи Мадхвы — не без изъяна, много шайвов и ещё больше еретиков. Единственная удача — Рамананда.
И Сарвабхаума, прежде учитель веданты, поправляет Его с тонкостью бывшего спорщика: учение не Рамананды, Рамананда в него вошёл.
Дом Каши Мишры у Львиных ворот станет домом Махапрабху на всю остальную жизнь; решение о нём принял царь, и пьеса отмечает это мимоходом.