यस्य प्रभा प्रभवतो जगद्-अण्ड-कोटि-कोटिष्व् अशेष-वसुधादि विभूति-भिन्नम् तद् ब्रह्म निष्कलम् अनन्तम् अशेष-भूतं गोविन्दम् आदि-पुरुषं तम् अहं भजामि
yasya prabhā prabhavato jagad-aṇḍa-koṭi-koṭiṣv aśeṣa-vasudhādi vibhūti-bhinnam tad brahma niṣkalam anantam aśeṣa-bhūtaṃ govindam ādi-puruṣaṃ tam ahaṃ bhajāmi
Сияние Его, всемогущего, — в мириадах мириад вселенных, различённое бесчисленными землями и прочими богатствами; и это сияние есть Брахман — нераздельный, бесконечный, ставший всем. Говинде, изначальному Пуруше, я поклоняюсь.
तद् एवं तस्य सर्वावतारित्वेन पूर्णत्वम् उक्त्वा स्वरूपेणाप्य् आह यस्येति । द्वयोर् एक-रूपत्वेऽपि विशिष्टतयाविर्भावात् श्री-गोविन्दस्य धर्मि-रूपत्वम् अविशिष्टतयाविर्भावात् ब्रह्मणो धर्म-रूपत्वं ततः पूर्वस्य मण्डल-स्नानीयत्वम् इति भावः । तत्र विष्णु-पुराणम् अपि सम्प्रवदते शुभाश्रयः स-चित्तस्य सर्वगस्य तथात्मनः इति । व्याख्यातं च श्रीधर-स्वामिभिः - सर्वगस्यात्मनः प्पर-ब्रह्मणो अप्य् आश्रयः प्रतिष्ठा । तद् उक्तं भगवता ब्रह्मणो हि प्रतिष्ठाहम् इति ।
अतैवैकादशे स्व-विभूति-गणनायां तद् अपि स्वयं गणितम् --
पृथिवी वायुर् आकाश आपो ज्योतिर् अहं महान् । विकारः पुरुषो ऽव्यक्तं रजः सत्त्वं तमः परम् ॥ इति ।
टीका चात्र - परं ब्रह्म च इत्य् एषा । श्री-मत्स्य-देवेनाप्य् अष्टमे तथोक्तम् - मदीयं महिमानं च परं ब्रह्मेति शब्दितम् । अतैव श्री-यामुनाचार्य-चरणैर् अपि -
यद्-अण्डान्तर-गोचरं च यद् दशोत्तराण्य् आवरणानि यानि च । गुणाः प्रधानं पुरुषः परं पदं परात्परं ब्रह्म च ते विभूतयः ॥ इति ।
अतैवाह ध्रुवश् चतुर्थे -
या निर्वृतिस् तनु-भृतां तव पाद-पद्म-
ध्यानाद् भवज्-जन-कथा-श्रवणेन वा स्यात् ।
सा ब्रह्मणि स्व-महिमन्य् अपि नाथ मा भूत्
किं त्व् अन्तकासि-लुलितात् पततां विमानात् ॥
अतैवात्मारामाणाम् अपि तद् गुणेनाकर्षः श्रूयते ।
आत्मारामाश् च मुनयो निर्ग्रन्था अप्य् उरुक्रमे । कुर्वन्त्य् अहैतुकीं भक्तिम् इत्थम्भूतो गुणो हरिः ॥ इति ।
अत्र विशेष-जिज्ञासा चेत् श्री-भागवत-सन्दर्भो दृश्यताम् इत्य् अलम् अतिविस्तरेण ॥ 40 ॥
tad evaṃ tasya sarvāvatāritvena pūrṇatvam uktvā svarūpeṇāpy āha yasyeti | dvayor eka-rūpatve'pi viśiṣṭatayāvirbhāvāt śrī-govindasya dharmi-rūpatvam aviśiṣṭatayāvirbhāvāt brahmaṇo dharma-rūpatvaṃ tataḥ pūrvasya maṇḍala-snānīyatvam iti bhāvaḥ | tatra viṣṇu-purāṇam api sampravadate śubhāśrayaḥ sa-cittasya sarvagasya tathātmanaḥ iti | vyākhyātaṃ ca śrīdhara-svāmibhiḥ - sarvagasyātmanaḥ ppara-brahmaṇo apy āśrayaḥ pratiṣṭhā | tad uktaṃ bhagavatā brahmaṇo hi pratiṣṭhāham iti |
ataivaikādaśe sva-vibhūti-gaṇanāyāṃ tad api svayaṃ gaṇitam --
pṛthivī vāyur ākāśa āpo jyotir ahaṃ mahān | vikāraḥ puruṣo 'vyaktaṃ rajaḥ sattvaṃ tamaḥ param || iti |
ṭīkā cātra - paraṃ brahma ca ity eṣā | śrī-matsya-devenāpy aṣṭame tathoktam - madīyaṃ mahimānaṃ ca paraṃ brahmeti śabditam | ataiva śrī-yāmunācārya-caraṇair api -
yad-aṇḍāntara-gocaraṃ ca yad daśottarāṇy āvaraṇāni yāni ca | guṇāḥ pradhānaṃ puruṣaḥ paraṃ padaṃ parātparaṃ brahma ca te vibhūtayaḥ || iti |
ataivāha dhruvaś caturthe -
yā nirvṛtis tanu-bhṛtāṃ tava pāda-padma-
dhyānād bhavaj-jana-kathā-śravaṇena vā syāt |
sā brahmaṇi sva-mahimany api nātha mā bhūt
kiṃ tv antakāsi-lulitāt patatāṃ vimānāt ||
ataivātmārāmāṇām api tad guṇenākarṣaḥ śrūyate |
ātmārāmāś ca munayo nirgranthā apy urukrame | kurvanty ahaitukīṃ bhaktim itthambhūto guṇo hariḥ || iti |
atra viśeṣa-jijñāsā cet śrī-bhāgavata-sandarbho dṛśyatām ity alam ativistareṇa || 40 ||
a036b9ff4aed · publicado 29 jul 2026, 17:34:18 UTC
Disponible enRUPasa de verso en verso con
Итак, сказав о полноте Его как источника всех нисхождений, он говорит и о собственной Его природе — словом «ясья».
Хотя оба они одного естества, Шри Говинда есть носитель свойства, поскольку является отличённым, а Брахман есть свойство, поскольку является неотличённым; и потому первый подобен солнечному диску; таков смысл.
О том согласно говорит и «Вишну-пурана»: «Он благое прибежище для имеющего ум и для вездесущей Души». И истолковано Шридхарой Свами: «Вездесущей Души, то есть и высшего Брахмана, — прибежище, то есть основание». О том сказано Господом: «Ибо Я — основание Брахмана».
Потому же в Одиннадцатой, при перечислении Своих величий, и это Он Сам перечислил: «Земля, ветер, простор, воды, свет, яность, махат, видоизменение, пуруша, неявленное, раджас, саттва, тамас, высшее». И толкование здесь: «и высший Брахман». И Шри Матсья-девой в Восьмой сказано так же: «И Моё величие, именуемое высшим Брахманом».
Потому же и стопами Шри Ямуначарьи: «И что зримо внутри яйца, и те оболочки, что вдесятеро, гуны, прадхана, пуруша, высшая обитель, высшее высшего и Брахман — Твои величия».
Потому же говорит Дхрува в Четвёртой: «Та отрада, что бывает у воплощённых от созерцания Твоих лотосных стоп или от слушания повести о Твоих людях, — та да не будет, о владыка, и в Брахмане, в собственном моём величии, тем паче у падающих с колесниц, сотрясаемых мечом Смерти».
Потому же и у атмарам слышно о привлечении Его качеством: «И атмарамы, молчальники, хоть и развязавшие узел, являют беспричинную бхакти к Урукраме: таково качество Хари».
Если желают знать подробности — да смотрят «Шри Бхагавата-сандарбху»; довольно излишнего распространения.