भगवान्—तदहो, अवितथमेव गतेयं रजनी । आचार्य, एहि । सहैव पुण्डरीकाक्षस्य शयनोत्थानावकाशं पश्याम ।
गोपीनाथाचार्यः—यथाज्ञापयसि । (इति तत्समयोचितं कर्म कर्तुं निष्क्रान्तः ।)
(प्रविश्य सत्वरः ।)
कश्चित्—कः कोऽत्र भोः, गोपीनाथाचार्यः क्व वर्तते । वृत्तं तज्जानासि । (आकाशे लक्ष्यं बद्ध्वा ।) किं ब्रवीषि—'आचार्यः श्रीकृष्णचैतन्यदेवस्य निकटे ।' इति । भवतु । तत्रैव यामि । (इति कतिचित्पदानि गत्वा पुरोऽवलोक्य ।) अहो, अयमेष आचार्यो भविष्यति । (इत्युपसर्पति ।)
(ततः प्रविशत्याचार्यः ।)
गोपीनाथाचार्यः—अहो, जातप्रायोऽयं समयः शयनोत्थानस्य । तदहं त्वरयामि भगवन्तम् ।
पुरुषः—(उपसृत्य ।) आचार्य, भट्टाचार्यो विज्ञापयति श्रीकृष्णचैतन्यदेवो यथा भगवतो जगन्नाथदेवस्य शय्योत्थानं पश्यति तथा त्वयैव सङ्गे कृत्वा यतनीयम् ।
गोपीनाथाचार्यः—यथाज्ञं करवाणि । (इति श्रीकृष्णचैतन्यदेवं त्वरयितुमुपसर्पति ।)
(ततः प्रविशति सानुचरो देवः ।)
देवः—मुकुन्द, विलोक्यतां को विलम्ब आचार्यस्य ।
गोपीनाथाचार्यः—एषोऽहं भगवन्तं प्रतीक्षमाणो वर्ते ।
भगवान्—तदग्रे गम्यताम् ।
गोपीनाथाचार्यः—(तथा कृत्वा ।) भगवन्, इत इतः । (इति प्रवेशं नाटयित्वा जगन्मोहनमासाद्य ।) देव, पश्य ।
bhagavān—tadaho, avitathameva gateyaṃ rajanī | ācārya, ehi | sahaiva puṇḍarīkākṣasya śayanotthānāvakāśaṃ paśyāma |
gopīnāthācāryaḥ—yathājñāpayasi | (iti tatsamayocitaṃ karma kartuṃ niṣkrāntaḥ |)
(praviśya satvaraḥ |)
kaścit—kaḥ ko'tra bhoḥ, gopīnāthācāryaḥ kva vartate | vṛttaṃ tajjānāsi | (ākāśe lakṣyaṃ baddhvā |) kiṃ bravīṣi—'ācāryaḥ śrīkṛṣṇacaitanyadevasya nikaṭe |' iti | bhavatu | tatraiva yāmi | (iti katicitpadāni gatvā puro'valokya |) aho, ayameṣa ācāryo bhaviṣyati | (ityupasarpati |)
(tataḥ praviśatyācāryaḥ |)
gopīnāthācāryaḥ—aho, jātaprāyo'yaṃ samayaḥ śayanotthānasya | tadahaṃ tvarayāmi bhagavantam |
puruṣaḥ—(upasṛtya |) ācārya, bhaṭṭācāryo vijñāpayati śrīkṛṣṇacaitanyadevo yathā bhagavato jagannāthadevasya śayyotthānaṃ paśyati tathā tvayaiva saṅge kṛtvā yatanīyam |
gopīnāthācāryaḥ—yathājñaṃ karavāṇi | (iti śrīkṛṣṇacaitanyadevaṃ tvarayitumupasarpati |)
(tataḥ praviśati sānucaro devaḥ |)
devaḥ—mukunda, vilokyatāṃ ko vilamba ācāryasya |
gopīnāthācāryaḥ—eṣo'haṃ bhagavantaṃ pratīkṣamāṇo varte |
bhagavān—tadagre gamyatām |
gopīnāthācāryaḥ—(tathā kṛtvā |) bhagavan, ita itaḥ | (iti praveśaṃ nāṭayitvā jaganmohanamāsādya |) deva, paśya |
Господь. Так ночь и вправду прошла. Ачарья, подойди. Пойдём вместе посмотрим, как пробуждается Пундарикакша.
Гопинатха Ачарья. Как велишь. (Уходит совершить положенное в этот час.)
(Поспешно входит некто.)
Некто. Эй, кто там! Где Гопинатха Ачарья? Знаешь? (Устремив взгляд в пустоту.) Что говоришь — «Ачарья у Шри Кришна Чайтаньи-девы»? Ладно, туда и пойду. (Пройдя несколько шагов и глядя вперёд.) Ах, вот, должно быть, и Ачарья. (Подходит.)
(Входит Ачарья.)
Гопинатха Ачарья. Ах, почти настал час пробуждения. Потороплю Господа.
Человек. (Подойдя.) Ачарья, Бхаттачарья велит передать: «Постарайся сам проводить Шри Кришна Чайтанью-деву, чтобы Он увидел, как встаёт с ложа Господь Джаганнатха».
Гопинатха Ачарья. Сделаю, как велено. (Подходит, чтобы поторопить Шри Кришна Чайтанью-деву.)
(Входит Господь со спутниками.)
Господь. Мукунда, посмотри, отчего медлит Ачарья.
Гопинатха Ачарья. Вот я, жду Господа.
Господь. Тогда иди впереди.
Гопинатха Ачарья. (Так и сделав.) Господи, сюда, сюда. (Изобразив вход и дойдя до Джаганмоханы.) Господи, смотри:
60174b2b19be · publicado 14 sept 2026, 14:00:00 UTC
Disponible enRUPasa de verso en verso con
Сарвабхаума посылает человека с поручением — проводить Гостя на утреннюю службу. Забота его прежняя; он ещё не знает, чем кончится это утро.