पौर्णमासी सहासम् आह स्म—स खलु भाविनीं तादृशीं गतिं प्रतीत्य मतिम् एताम् उत्थापितवान् । नहि भवदङ्गजे परममङ्गला तासाम् अङ्गसङ्गतिस् तस्य व्रजे सङ्गभङ्गाय संगच्छते ।
अथ व्रजराजौ सोच्छ्वासम् इदं व्याजह्रतुः—तद् इदम् अन्ये लोकाः कथं मन्येरंस् तासां श्वशुरंमन्यादयो वा ?
पौर्णमासी उवाच—तत्र वयम् एव समाधाम् आधास्यामः । भवद्भिस् तु श्वः सर्वोऽपि व्रजः पर्वोदयम् आचर्य निमन्त्रणचर्ययाकार्यताम् इति ।
अथ तौ च तद् एतत् कर्णपीयूषम् आस्वाद्य तत्पदम् अभिवाद्य गृहम् आसाद्य वाद्यप्रभृतिभिर् विप्रादीन् आहूय भूयश् च श्रीकृष्णागमनवन् महोत्सवम् उच्छलयामासतुः, तादृशमन्त्रणया निमन्त्रणयामासतुश् च सर्वं व्रजम् इति स्थिते, निरन्तरदिनान्तरवृत्तान्तः कर्णान्तरम् आनीयताम् ।
paurṇamāsī sahāsam āha sma—sa khalu bhāvinīṁ tādṛśīṁ gatiṁ pratītya matim etām utthāpitavān | nahi bhavad-aṅgaje parama-maṅgalā tāsām aṅga-saṅgatis tasya vraje saṅga-bhaṅgāya saṁgacchate |
atha vraja-rājau socchvāsam idaṁ vyājahratuḥ—tad idam anye lokāḥ kathaṁ manyeraṁs tāsāṁ śvaśuraṁ-manyādayo vā ?
paurṇamāsī uvāca—tatra vayam eva samādhām ādhāsyāmaḥ | bhavadbhis tu śvaḥ sarvo’pi vrajaḥ parvodayam ācarya nimantraṇa-caryayākāryatām iti |
atha tau ca tad etat karṇa-pīyūṣam āsvādya tat-padam abhivādya gṛham āsādya vādya-prabhṛtibhir viprādīn āhūya bhūyaś ca śrī-kṛṣṇāgamanavan mahotsavam ucchalayāmāsatuḥ, tādṛśa-mantraṇayā nimantraṇayāmāsatuś ca sarvaṁ vrajam iti sthite, nirantara-dināntara-vṛttāntaḥ karṇāntaram ānīyatām |
metro no identificado
„Паурнамаси со смехом сказала: «Он высказал это, провидя такой исход. Ведь самый благой союз их тел с вашим сыном не разрушит Его жизни во Врадже». Тогда царь и царица Враджа со вздохом сказали: «А как на это посмотрят другие люди — или те, кто считает себя их свёкрами?» Паурнамаси сказала: «Это уладим мы сами. А вы завтра устройте праздник и пригласите весь Врадж». И они, вкусив этот нектар для ушей, поклонились её стопам, пришли домой, созвали брахманов и прочих с музыкой и прочим и снова устроили великий праздник, как в день прихода Шри Кришны, и так пригласили весь Врадж. А теперь пусть до ваших ушей дойдёт повесть о следующем дне“.
e157fd6e6430 · publicado 25 sept 2026, 5:40:47 UTC
Disponible enRUPasa de verso en verso con