यस्य यद्विग्रहे भोग्यं तदेवाविरभूद्भुवि । तदेव पूजयेन्नित्यं तस्मिन्नेव रमेत्सदा ॥
श्रीरङ्गशायी देवेशो विधिनार्च्यः सुरोत्तमः । स एवेक्ष्वाकुनाथानां तपसाविरभूद्भुवि ॥
ममापि काश्यां सम्पूज्यो माधवः कलुषापहः । यत्रयत्र गृहे रम्ये स्वयंव्यक्तः सनातनः ॥
तत्रतत्र समागम्य रमेऽहं संव्यवस्थितः । नाष्टाङ्गयोगे यज्ञेशस्त्वर्चायां विन्दते नृणाम् ॥
चक्षुषोर्विषयं प्राप्य ददाति वरमीप्सितम् । सर्वावस्थासु सौलभ्यमर्चायां लभ्यते जनैः ॥
अज्ञानामपि सान्निध्यं सर्वदा पृथिवीतले । जम्बूद्वीपे महापुण्ये वर्षे वै भारते शुभे ॥
अर्चायां सन्निधौ विष्णुर्नेतरेषु कदाचन । तत्तस्माद्भारते वर्षे मुनिभिस्त्रिदशैरपि ॥
सेवितः सततं देवि तपोयज्ञक्रियादिभिः । भारतेऽस्मिन्महावर्षे नित्यं सन्निहितो हरिः ॥
yasya yadvigrahe bhogyaṃ tadevāvirabhūdbhuvi | tadeva pūjayennityaṃ tasminneva rametsadā ||
śrīraṅgaśāyī deveśo vidhinārcyaḥ surottamaḥ | sa evekṣvākunāthānāṃ tapasāvirabhūdbhuvi ||
mamāpi kāśyāṃ sampūjyo mādhavaḥ kaluṣāpahaḥ | yatrayatra gṛhe ramye svayaṃvyaktaḥ sanātanaḥ ||
tatratatra samāgamya rame'haṃ saṃvyavasthitaḥ | nāṣṭāṅgayoge yajñeśastvarcāyāṃ vindate nṛṇām ||
cakṣuṣorviṣayaṃ prāpya dadāti varamīpsitam | sarvāvasthāsu saulabhyamarcāyāṃ labhyate janaiḥ ||
ajñānāmapi sānnidhyaṃ sarvadā pṛthivītale | jambūdvīpe mahāpuṇye varṣe vai bhārate śubhe ||
arcāyāṃ sannidhau viṣṇurnetareṣu kadācana | tattasmādbhārate varṣe munibhistridaśairapi ||
sevitaḥ satataṃ devi tapoyajñakriyādibhiḥ | bhārate'sminmahāvarṣe nityaṃ sannihito hariḥ ||
Что в чьём образе есть предмет вкушения — то именно и явилось на земле; то именно пусть он всегда почитает, тому именно пусть постоянно радуется. Возлежащий в Шрирангаме, владыка богов, почитаемый по уставу, лучший из богов, — он именно у владык рода Икшваку явился на земле их подвижничеством. И у меня в Каши досточтимый Мадхава, уносящий скверну. Где бы то ни было, в отрадном доме, самоявленный, вечный — туда и туда приходя, радуюсь я, пребывая там. Владыка жертвы обретается людьми не в восьмичленной йоге, но в образе. Став предметом двух глаз, он даёт желанный дар; во всех состояниях доступность его обретается людьми в образе. Даже у неведающих — присутствие его всегда на поверхности земли, на Джамбудвипе, весьма благой, в благой стране Бхарате. Вишну — в присутствии в образе, никогда не в ином; потому в стране Бхарате он постоянно почитаем провидцами и даже богами, о богиня, — подвижничеством, жертвами, обрядами и прочим.
e632e7a1dde9 · publicado 3 sept 2026, 4:14:07 UTC
Disponible enRUPasa de verso en verso con
Восьмичленная йога названа как раз тем, где Его не находят, — и это сказано не в укор ей. Просто то, что даётся глазам, доступно и невежде, а йога доступна не всем.