स चोवाच—देव, गोवत्सेषु तदुत्सेकः प्रतीयते ।
कंस उवाच—सम्यग् गम्यतां निजम् एव हर्म्यम् । पुनश् चान्यम् उवाच—आकार्यतां पुरतः स वत्सासुरः । स च शचीपतेर् अपि क्लमनः । ससम्भ्रमविक्रमक्रमतया तेनानीय समर्पितः पानीयलववद् द्रवप्रवणतावस्थ एव तस्थौ । तेन च सम्बन्धताम् आशंसन् पांशुसङ्घवल् लब्धध्वंसः कंसस् तूपांशु तं सुतम् इव शशंस, वत्स वत्सासुर, गच्छ नन्दस्य व्रजम् । गत्वा च वत्सांश् चारयतः कुमारयतस् तत्कुमारस्य सदेशम् आसाद्य निजं वत्सवेशम् उत्पाद्य तस्यापकारम् आरभस्व ।
sa covāca—deva, go-vatseṣu tad-utsekaḥ pratīyate |
kaṁsa uvāca—samyag gamyatāṁ nijam eva harmyam | punaś cānyam uvāca—ākāryatāṁ purataḥ sa vatsāsuraḥ | sa ca śacī-pater api klamanaḥ | sa-sambhrama-vikrama-kramatayā tenānīya samarpitaḥ pānīya-lavavad drava-pravaṇatāvastha eva tasthau | tena ca sambandhatām āśaṁsan pāṁśu-saṅghaval labdha-dhvaṁsaḥ kaṁsas tūpāṁśu taṁ sutam iva śaśaṁsa, vatsa vatsāsura, gaccha nandasya vrajam | gatvā ca vatsāṁś cārayataḥ kumārayatas tat-kumārasya sadeśam āsādya nijaṁ vatsa-veśam utpādya tasyāpakāram ārabhasva |
छन्द अज्ञात
Тот сказал: „Государь, похоже, Его привязанность — к телятам“. Камса сказал: „Хорошо, иди к себе домой“. А другому сказал: „Позови-ка сюда Ватсасуру“. А тот утомлял даже супруга Шачи. Его поспешно привели и отдали, и он стоял, словно капля воды, готовая растечься. Камса, желая с ним сродниться, тихо похвалил его, как сына, — Камса, которому суждено было погибнуть, как куче пыли: „Сынок Ватсасура, иди во Врадж Нанды. Придя, подберись к тому мальчику, что пасёт телят и играет, прими облик телёнка и начинай вредить Ему“.
68f6611c9394 · प्रकाशित 24 सित॰ 2026, 7:26:30 pm UTC
उपलब्ध भाषाएँRUश्लोक बदलें इन कुंजियों से