तदा च श्रीगोपालवलिता गोपालबाला गोबालान् पालयन्तः पानीयं पाययन्तः कूलम् अनुस्थापयन्तः स्वयम् अपि पयःपानम् अयन्तः परस्परं स्नपयन्तः समुत्थाय च कलापयन्तश् चिक्रीडुः । कलापयन्तश् च पुष्पाहरणाय परतः प्रचारम् आचेरुः, तम् आचरन्तश् च तं बकम् ईक्षामासुर् उत्प्रेक्षामासुश् च: अहो, गिरिर् अयं दूरत एव कुतः? पुरस् तस्य शृङ्गम् । ततः सद्य एवादः शतमन्युना मन्युना शतकोटित्रोटितम् इति घटते । पुनर् निचाय्य च प्रोचुः, नेदं गिरिशृङ्गं सङ्गच्छते, किन्तु जन्तुविशेषः सोऽयं मन्तुम् इव चिकीर्षन्न् अमितशीर्षं वर्तते, यत उग्रम्पश्यतया खरताचञ्चुचुञ्चुतया च बक इव परामृश्यते ।
tadā ca śrī-gopāla-valitā gopāla-bālā go-bālān pālayantaḥ pānīyaṁ pāyayantaḥ kūlam anusthāpayantaḥ svayam api payaḥ-pānam ayantaḥ parasparaṁ snapayantaḥ samutthāya ca kalāpayantaś cikrīḍuḥ | kalāpayantaś ca puṣpāharaṇāya parataḥ pracāram āceruḥ, tam ācarantaś ca taṁ bakam īkṣāmāsur utprekṣāmāsuś ca: aho, girir ayaṁ dūrata eva kutaḥ? puras tasya śṛṅgam | tataḥ sadya evādaḥ śata-manyunā manyunā śata-koṭi-troṭitam iti ghaṭate | punar nicāyya ca procuḥ, nedaṁ giri-śṛṅgaṁ saṅgacchate, kintu jantu-viśeṣaḥ so’yaṁ mantum iva cikīrṣann amitaśīrṣaṁ vartate, yata ugram-paśyatayā kharatā-cañcu-cuñcutayā ca baka iva parāmṛśyate |
И тогда мальчики-пастухи во главе со Шри Гопалой, пася телят, поя их, выводя на берег, сами тоже напившись, обливая друг друга, выбрались и играли, наряжаясь в павлиньи перья. А ища цветы для уборов, ушли дальше, и тут увидели Баку и стали гадать: «Ах, откуда здесь издалека гора? Впереди — её вершина. Выходит, её сейчас отломил своей ваджрой разгневанный Индра». Но, присмотревшись, сказали: «Нет, это не вершина горы, а какое-то особое животное, с неизмеримой головой, будто что-то замышляет: оно так свирепо смотрит, у него такой жёсткий острый клюв — похоже на цаплю».
9edf623fbe06 · प्रकाशित 24 सित॰ 2026, 7:26:30 pm UTC
उपलब्ध भाषाएँRUश्लोक बदलें इन कुंजियों से
Шатаманью и шатакоти — эпитеты Индры и его ваджры.