उपसंहारो ऽर्थाभेदाद् विधि-शेषवत् समाने च
upasaṁhāro 'rthābhedād vidhi-śeṣavat samāne ca
При равном же [почитании] — СБОР [качеств]: предмет один; как [собирают] принадлежности обряда.
यद्-अर्थं सर्व-वेद-वेद्यत्वं समर्थितं तम् इदानीं गुणोपसंहारे दर्शयति । तथा हि अथर्व-शिरःसु क्वचिद् गोप-रूपं तमाल-श्यामलं पीतवासः कौस्तुभ-भूषणं पिञ्छावतंसं वंशकमनीयं गो-गोप-गोपी-विशिष्टं गोकुलाधिदैवतं ब्रह्म-स्वरूपं पठ्यते । तद् उ होवाच हैरण्यः । गोप-वेशम् अभ्राभं [गो.ता.उ. 1.8] इत्य् आदिना । क्वचिज् जानकी-मण्डित-वाम-भागं कोदण्ड-करं दशास्य्-आदि-रक्षोघ्नम् अयोध्याधिपं तत् पठ्यते ।
प्रकृत्या सहितः श्यामः पीतवासा जटाधरः ।
द्विभुजः कुण्डली रत्न-माली धीरो धनुर्धरः ॥ इत्य् आदिना ।
क्वचिद् अतिकराल-वक्त्रं वित्रासित-द्रुहिणादिकं नृसिंह-वपुस् तत् पठ्यते । तन्-मन्त्रस्थ-भीषण-पद-व्याख्याने, अथ कस्माद् उच्यते भीषणम् इति । यस्माद् यस्य रूपं दृष्ट्वा सर्वे लोकाः सर्वे देवाः सर्वाणि भूतानि भीत्या पलायन्ते, स्वयं यतः कुतश्चिन् न बिभेति ।
भीषास्माद् वातः पवते, भीषोदेति सूर्यः ।
भीषास्माद् अग्निश् चन्द्रश् च मृत्युर् धावति पञ्चमः ॥ [तै.उ. 2.8] इत्य् अनेन ।
ऋचि तु त्रिविक्रम-रूपं पठ्यते ।
विष्णोर् नु कं वीर्याणि प्र वोचं
यः पार्थिवानि विममे रजांसि ।
यो अस्कम्भयद् उत्तरं सधस्थं
विचक्रमाणस् त्रेधोरुगायः ॥ [ऋ.वे. 1.154.1] इति ।
अत्र द्रव्य-देवता-भेदात् याग-भेदवत् गुण-भेदाद् उपासनानि भिन्नानीति प्रतीयते ।
इह संशयः—एकस्मिन्न् उपासने श्रुता गुणाः परस्मिन्न् उपसंहार्या न वेति । एकत्र पठितैर् गुणैर् विद्योपकारकत्व-सम्भवाद् इतरत्रोक्तास् ते नोपसंहार्याः फलानतिरेकाद् विरोधाच् चेति प्राप्ते—
उपसंहारोऽर्थाभेदाद् विधि-शेषवत् समाने च ॥
च-शब्दोऽवधारणे । उपासने समाने सति शुद्ध-ब्रह्मैक-विषयत्वेन तुल्य-रूप एव सत्य् एकत्रोक्तानां गुणानाम् इतरत्रोपसंहारः कार्यः । कुतः ? अर्थाभेदात् । अर्थस्य ब्रह्म-लक्षणस्योपास्यस्य सर्वत्राभेदाद् ऐक्यात् । अत्र दृष्टान्तो विधीयते । विधि-शेषाणाम् अग्निहोत्रादि-धर्माणां क्वचिद् उक्तानाम् अन्यत्रानुक्तानां च तेषां यथा भवेद् उपसंहारस् तद् एवेदम् अग्निहोत्रादि कर्म सर्वत्रेति तद्वत् । अथर्व-शिरसि, यो वै रामचन्द्रो स भगवान् ये मत्स्य-कूर्माद्य्-अवतारा भूर् भुवः स्वस् तस्मै नमो नमः इति श्री-रामचन्द्रे मत्स्यादि-रूपत्वम् उपसंहृतम् । एकोऽपि सन् बहुधा योऽवभाति इति श्री-कृष्णे रामादित्वम् । नमस्ते रघु-वर्याय रावणान्त-कराय च इत्य् आद्या स्मृतिर् अप्य् एवम् आह । इत्थम् अन्यत्र चान्यत् ॥6॥
र्प्द् : रा.ता.उ. 2.9-10, गो.ता.उ. 1.19, गीता 7.23, भा. 10.40.1, 10.40.17-21, 11.2.35, 11.2.31, 11.6.9.
--ओ)0(ओ--
yad-arthaṁ sarva-veda-vedyatvaṁ samarthitaṁ tam idānīṁ guṇopasaṁhāre darśayati | tathā hi atharva-śiraḥsu kvacid gopa-rūpaṁ tamāla-śyāmalaṁ pītavāsaḥ kaustubha-bhūṣaṇaṁ piñchāvataṁsaṁ vaṁśakamanīyaṁ go-gopa-gopī-viśiṣṭaṁ gokulādhidaivataṁ brahma-svarūpaṁ paṭhyate | tad u hovāca hairaṇyaḥ | gopa-veśam abhrābhaṁ [go.tā.u. 1.8] ity ādinā | kvacij jānakī-maṇḍita-vāma-bhāgaṁ kodaṇḍa-karaṁ daśāsy-ādi-rakṣoghnam ayodhyādhipaṁ tat paṭhyate |
prakṛtyā sahitaḥ śyāmaḥ pītavāsā jaṭādharaḥ |
dvibhujaḥ kuṇḍalī ratna-mālī dhīro dhanurdharaḥ || ity ādinā |
kvacid atikarāla-vaktraṁ vitrāsita-druhiṇādikaṁ nṛsiṁha-vapus tat paṭhyate | tan-mantrastha-bhīṣaṇa-pada-vyākhyāne, atha kasmād ucyate bhīṣaṇam iti | yasmād yasya rūpaṁ dṛṣṭvā sarve lokāḥ sarve devāḥ sarvāṇi bhūtāni bhītyā palāyante, svayaṁ yataḥ kutaścin na bibheti |
bhīṣāsmād vātaḥ pavate, bhīṣodeti sūryaḥ |
bhīṣāsmād agniś candraś ca mṛtyur dhāvati pañcamaḥ || [tai.u. 2.8] ity anena |
ṛci tu trivikrama-rūpaṁ paṭhyate |
viṣṇor nu kaṁ vīryāṇi pra vocaṁ
yaḥ pārthivāni vimame rajāṁsi |
yo askambhayad uttaraṁ sadhasthaṁ
vicakramāṇas tredhorugāyaḥ || [ṛ.ve. 1.154.1] iti |
atra dravya-devatā-bhedāt yāga-bhedavat guṇa-bhedād upāsanāni bhinnānīti pratīyate |
iha saṁśayaḥ—ekasminn upāsane śrutā guṇāḥ parasminn upasaṁhāryā na veti | ekatra paṭhitair guṇair vidyopakārakatva-sambhavād itaratroktās te nopasaṁhāryāḥ phalānatirekād virodhāc ceti prāpte—
upasaṁhāro'rthābhedād vidhi-śeṣavat samāne ca ||
ca-śabdo'vadhāraṇe | upāsane samāne sati śuddha-brahmaika-viṣayatvena tulya-rūpa eva saty ekatroktānāṁ guṇānām itaratropasaṁhāraḥ kāryaḥ | kutaḥ ? arthābhedāt | arthasya brahma-lakṣaṇasyopāsyasya sarvatrābhedād aikyāt | atra dṛṣṭānto vidhīyate | vidhi-śeṣāṇām agnihotrādi-dharmāṇāṁ kvacid uktānām anyatrānuktānāṁ ca teṣāṁ yathā bhaved upasaṁhāras tad evedam agnihotrādi karma sarvatreti tadvat | atharva-śirasi, yo vai rāmacandro sa bhagavān ye matsya-kūrmādy-avatārā bhūr bhuvaḥ svas tasmai namo namaḥ iti śrī-rāmacandre matsyādi-rūpatvam upasaṁhṛtam | eko'pi san bahudhā yo'vabhāti iti śrī-kṛṣṇe rāmāditvam | namaste raghu-varyāya rāvaṇānta-karāya ca ity ādyā smṛtir apy evam āha | ittham anyatra cānyat ||6||
rpd : rā.tā.u. 2.9-10, go.tā.u. 1.19, gītā 7.23, bhā. 10.40.1, 10.40.17-21, 11.2.35, 11.2.31, 11.6.9.
--o)0(o--
890f73da554d · प्रकाशित 27 जुल॰ 2026, 5:22:51 am UTC
उपलब्ध भाषाएँRUश्लोक बदलें इन कुंजियों से
Теперь — сбор качеств. В атхарва-ширасах где-то читается пастуший образ, тамалово-тёмный, с Каустубхой, павлиньим венцом, пленительный флейтой, среди коров, пастухов и гопи — Божество Гокулы; где-то — владыка Айодхьи с Джанаки по левую руку, лучник, губитель Десятиглавого; где-то — тело Нрисимхи с преужасным ликом («узрев его, все миры бегут в страхе; сам не боится ниоткуда»: «в страхе пред Ним веет ветер, в страхе восходит солнце… и смерть бежит пятой»); в риче — Тривикрама, «трижды шагнувший». Разнятся ли почитания качествами, как жертвы — веществом? Собирать ли слышанное в одном — при другом? «Нет». При полученном —
«Сбор: предмет не разнится; как принадлежности обряда — при равном».
При РАВНОМ почитании — равнообразном, с одним предметом — качества, сказанные в одном, собирай в другом: предмет — Брахман — всюду один. Пример: правила агнихотры, где-то сказанные, где-то нет, собираются — «это та же агнихотра». [Так шрути:] «кто Рамачандра — тот Бхагаван, кто Матсья, Курма… — тому поклон»: в Раме СОБРАНА образность Матсьи; «единый, многовидно являющийся» — в Кришне Рамовость. Так и в ином — иное.