ततश् चाभिख्यामात्रतः कृतसर्ववशीभावस्य तस्य तदासेचनकरूपनिरूपणात् पश्य पश्येत्य् एवास्मिन् पश्यति लोके कथंचित् कृतनिवारणे च तस्मिन् कोलाहलकारणे व्रजवासिजनः सर्व एव यथायथम् आवासम् आससाद ।
आसाद्य च पुरोहितहितसहिततया कृतस्नानदानव्यापारे श्रीव्रजराजविराजमानसमाजवारे कुतुकतस् तैर्थिकसार्थदर्शनार्थं स्नातानुलिप्ततादीप्तः सखिरामारामरमणः कमनकमललोचनस् तत्र तत्र भ्रमणक्रमम् आचचार । यत्र नानादेशजनानां वेशनिवेशनिर्वेशसंवेशभाषाभिनिवेशक्रियाविनिवेशविशेषान् अनुभूय बहुलकुतूहलम् आकलयां बभूव ।
tataś cābhikhyā-mātrataḥ kṛta-sarva-vaśībhāvasya tasya tad-āsecanaka-rūpa-nirūpaṇāt paśya paśyety evāsmin paśyati loke kathaṁcit kṛta-nivāraṇe ca tasmin kolāhala-kāraṇe vraja-vāsi-janaḥ sarva eva yathāyatham āvāsam āsasāda |
āsādya ca purohita-hita-sahitatayā kṛta-snāna-dāna-vyāpāre śrī-vrajarāja-virājamāna-samāja-vāre kutukatas tairthika-sārtha-darśanārthaṁ snātānuliptatā-dīptaḥ sakhi-rāmārāma-ramaṇaḥ kamana-kamala-locanas tatra tatra bhramaṇa-kramam ācacāra | yatra nānā-deśa-janānāṁ veśa-niveśa-nirveśa-saṁveśa-bhāṣābhiniveśa-kriyā-viniveśa-viśeṣān anubhūya bahula-kutūhalam ākalayāṁ babhūva |
размер не определён
И вот, когда люди, покорённые одним лишь Его сиянием, при виде Его неисчерпаемо прелестного облика только и твердили: «Смотри, смотри!» — и когда кое-как удалось унять эту причину шума, все жители Враджи разошлись по своим стоянкам. Придя туда, они вместе с домашним жрецом совершили омовение и раздачу даров. А пока собрание, где блистал Шри Владыка Враджи, было занято этим, Лотосоокий, сияющий после омовения и умащения, вместе с друзьями и Рамой из любопытства пошёл смотреть на караваны паломников и бродил там и тут. И, увидев особенности нарядов, жилищ, развлечений, стоянок, наречий и обычаев людей разных земель, Он вдоволь натешил своё любопытство.
e3715b481744 · опубликовано 24 сент. 2026 г., 22:32:13 UTC
Доступно наRUЛистайте стихи клавишами