ब्राह्मणक्षत्रियविशां शूद्राणां च परंतप ॥
कर्माणि प्रविभक्तानि स्वभावप्रभवैर् गुणैः ॥
शमो दमस् तपः शौचं क्षान्तिर् आर्जवम् एव च ॥
ज्ञानं विज्ञानम् आस्तिक्यं ब्रह्मकर्म स्वभावजम् ॥
शौर्यं तेजो धृतिर् दाक्ष्यं युद्धे चाप्य् अपलायनम् ॥
दानम् ईश्वरभावश् च क्षत्रकर्म स्वभावजम् ॥
कृषिगोरक्ष्यवाणिज्यं वैश्यकर्म स्वभावजम् ॥
परिचर्यात्मकं कर्म शूद्रस्यापि स्वभावजम् ॥
स्वे स्वे कर्मण्य् अभिरतः संसिद्धिं लभते नरः ॥
स्वकर्मनिरतः सिद्धिं यथा विन्दति तच् छृणु ॥
यतः प्रवृत्तिर् भूतानां येन सर्वम् इदं ततम् ॥
स्वकर्मणा तम् अभ्यर्च्य सिद्धिं विन्दति मानवः ॥
श्रेयान् स्वधर्मो विगुणः परधर्मात् स्वनुष्ठितात् ॥
स्वभावनियतं कर्म कुर्वन् नाप्नोति किल्बिषम् ॥
सहजं कर्म कौन्तेय सदोषम् अपि न त्यजेत् ॥
सर्वारम्भा हि दोषेण धूमेनाग्निर् इवावृताः ॥
brāhmaṇakṣatriyaviśāṃ śūdrāṇāṃ ca paraṃtapa ||
karmāṇi pravibhaktāni svabhāvaprabhavair guṇaiḥ ||
śamo damas tapaḥ śaucaṃ kṣāntir ārjavam eva ca ||
jñānaṃ vijñānam āstikyaṃ brahmakarma svabhāvajam ||
śauryaṃ tejo dhṛtir dākṣyaṃ yuddhe cāpy apalāyanam ||
dānam īśvarabhāvaś ca kṣatrakarma svabhāvajam ||
kṛṣigorakṣyavāṇijyaṃ vaiśyakarma svabhāvajam ||
paricaryātmakaṃ karma śūdrasyāpi svabhāvajam ||
sve sve karmaṇy abhirataḥ saṃsiddhiṃ labhate naraḥ ||
svakarmanirataḥ siddhiṃ yathā vindati tac chṛṇu ||
yataḥ pravṛttir bhūtānāṃ yena sarvam idaṃ tatam ||
svakarmaṇā tam abhyarcya siddhiṃ vindati mānavaḥ ||
śreyān svadharmo viguṇaḥ paradharmāt svanuṣṭhitāt ||
svabhāvaniyataṃ karma kurvan nāpnoti kilbiṣam ||
sahajaṃ karma kaunteya sadoṣam api na tyajet ||
sarvārambhā hi doṣeṇa dhūmenāgnir ivāvṛtāḥ ||
«Обязанности брахманов, кшатриев, вайшьев и шудр, о сокрушитель врагов, распределены согласно гунам, рождённым их собственной природой. Спокойствие, самообуздание, аскеза, чистота, терпение, прямота, знание, реализованное знание и вера в священную истину — естественная работа брахмана. Героизм, сила, стойкость, умение, неотступление в битве, щедрость и способность управлять — естественная работа кшатрия. Земледелие, защита коров и торговля — естественная работа вайшьи; труд, состоящий в служении, естественен также для шудры. Человек, занятый своей собственной обязанностью, достигает совершенства. Услышь, как тот, кто предан своей работе, обретает совершенство. Почитая своим делом Того, от кого исходит деятельность всех существ и кем всё это пронизано, человек достигает совершенства. Лучше свой долг, пусть и несовершенный, чем хорошо исполненный чужой долг. Совершая действие, установленное собственной природой, человек не навлекает греха. О Каунтея, врождённую работу не следует оставлять, даже если в ней есть недостатки, ибо все начинания покрыты изъяном, как огонь покрыт дымом».
a54db0bb5043 · опубликовано 17 июл. 2026 г., 21:02:21 UTC
Доступно наRUENЛистайте стихи клавишами
Здесь варна описана через качества и природу, а не как повод для гордости. Совершенство приходит, когда собственная работа становится поклонением Господу, пронизывающему всё, а не имитацией чужого пути.