तदाश्वसितसमीरणान्दोलितकञ्चुलिकाञ्चला श्रमजलकणालङ्कृतवदनसरोजा श्लथमानकचकलापा क्षणधावनावसन्नपदकमला तनयस्य करं यदा गृहीतवती, तदा सकातर्यं, “मातर्मा ताडयिष्यसि, मा ताडनीयम्” इति गलदश्रुकलाकलिलमीक्षणकमलयुगलमभिनवपद्मपलाशकोमलाभ्यां करतलाभ्यां विमृजन् मन्दमन्दगद्गदकलवचनसुधाबिन्दुनिःस्यन्दतुन्दिलवदनचन्द्रबिम्बो भीतभीत एव रुदन् विलोकनीय आसीत् । तदैवं माता मनसि विचारयामास—“क्षणमयं बद्ध्वा परिरक्षणीयः । यद्ययं न बध्यते, तदा कदाचिदमर्षणोऽयममर्षवशाद्यत्र कुत्रापि वनादौ गन्तुमर्हति । तत् सम्प्रति बन्धनमेव करोमि” इति विकसितचारुदन्तं रुदन्तन्तमादाय तस्यैवोलूखलस्य सविधमागम्य गम्यमानेतरमहिम्नो विहितानुबन्धाय बन्धाय दासीगणमाहूय “अयि कुरङ्गवति! अयि लवङ्गवति! लुलितललितपट्टदामानमानय द्रुतम्” इति ॥8॥
tadāśvasita-samīraṇāndolita-kañculikāñcalā śramajalakaṇālaṅkṛta-vadanasarojā ślathamānakacakalāpā kṣaṇadhāvanāvasannapadakamalā tanayasya karaṁ yadā gṛhītavatī, tadā sakātaryaṁ, “mātarmā tāḍayiṣyasi, mā tāḍanīyam” iti galadaśrukalā-kalilamīkṣaṇakamalayugalamabhinavapadmapalāśakomalābhyāṁ karatalābhyāṁ vimṛjan mandamandagadgadakalavacanasudhābinduniḥsyanda-tundilavadanacandrabimbo bhītabhīta eva rudan vilokanīya āsīt | tadaivaṁ mātā manasi vicārayāmāsa—“kṣaṇamayaṁ baddhvā parirakṣaṇīyaḥ | yadyayaṁ na badhyate, tadā kadācidamarṣaṇo'yamamarṣavaśādyatra kutrāpi vanādau gantumarhati | tat samprati bandhanameva karomi” iti vikasitacārudantaṁ rudantantamādāya tasyaivolūkhalasya savidhamāgamya gamyamānetaramahimno vihitānubandhāya bandhāya dāsīgaṇamāhūya “ayi kuraṅgavati! ayi lavaṅgavati! lulitalalitapaṭṭadāmānamānaya drutam” iti ||8||
Затем — с краем лифа, колеблемым тяжёлым дыханием, с лицом-лотосом в каплях пота, с распустившимися волосами, с ножками-лотосами, уставшими от минутного бега, — она схватила сына за руку, и он, в испуге: «Мама, не бей, не надо бить!» — утирая глаза-лотосы, полные слёз, ладошками нежнее новых лепестков, с лицом-луной, вздутым от капель нектара тихой, запинающейся речи, плакал, весь дрожа от страха, — и был так хорош! И тогда мать подумала: «Надо его ненадолго связать и так уберечь. Если не связать, он, обидчивый, по обиде уйдёт куда-нибудь — в лес или ещё куда. Значит, сейчас я его свяжу». Взяв плачущего, у которого блестели прелестные зубки, она подошла к той же ступе и, чтобы связать того, чьё величие непостижимо, позвала служанок: «Эй, Курангавати! Эй, Лавангавати! Несите скорей мягкую шёлковую верёвку!»
e8ae6a8bb5b2 · 发布于 2026年9月28日 22:48:53 UTC
可用语言RU用方向键翻颂
По ШБ 10.9.11–12. Игра: vihitānubandhāya bandhāya — «связать того, кто связан лишь любовью».