अथ वर्ण्यमाणं तद् आकर्ण्य स च कमलसवर्णताविलसदाकर्णलोचनः प्रतिपन्नक्रीडारोचनः सखीन् उवाच—भवतु । भवन्त एव स्वस्वभवनाद् विहङ्गिकायां काचम् आयोज्य भोज्यभक्तभक्तनियोज्यजनं प्रयोज्य तत् तद् उपयोज्यम् आनाय्य वनाय गमनाय त्वरयन्तु । अस्मज्जननी च भव्यानां भाजनभृतभोजनद्रव्याणां द्रुतम् एव सज्जनवर्गेणास्मभ्यं विसर्जनम् अर्जयिष्यति इति निजेहिते तथा विहिते, हितेप्सुबालकसमुदायमुदाम् उदारचेष्टः पुरस्कृतवत्सचयेष्टः काननं प्रविष्टवान् । यत्र च वत्सपालबालकाः प्रतिघस्रं सहस्रश एव तेन मिश्रतया विश्रूयन्ते । तेषां वत्साश् चायुतप्रयुतनियुतादिसङ्ख्यायुता वर्ण्यन्ते । कृष्णवत्सानां सङ्ख्या पुनर् असङ्ख्यसञ्ज्ञा सङ्गीयते । ततश् च—
atha varṇyamāṇaṁ tad ākarṇya sa ca kamala-savarṇatā-vilasad-ākarṇa-locanaḥ pratipanna-krīḍā-rocanaḥ sakhīn uvāca—bhavatu | bhavanta eva sva-sva-bhavanād vihaṅgikāyāṁ kācam āyojya bhojya-bhakta-bhakta-niyojyajanaṁ prayojya tat tad upayojyam ānāyya vanāya gamanāya tvarayantu | asmaj-jananī ca bhavyānāṁ bhājana-bhṛta-bhojana-dravyāṇāṁ drutam eva sajjana-vargeṇāsmabhyaṁ visarjanam arjayiṣyati iti nijehite tathā vihite, hitepsu-bālaka-samudāya-mudām udāra-ceṣṭaḥ puraskṛta-vatsa-cayeṣṭaḥ kānanaṁ praviṣṭavān | yatra ca vatsa-pāla-bālakāḥ pratighasraṁ sahasraśa eva tena miśratayā viśrūyante | teṣāṁ vatsāś cāyuta-prayuta-niyutādi-saṅkhyā-yutā varṇyante | kṛṣṇa-vatsānāṁ saṅkhyā punar asaṅkhya-sañjñā saṅgīyate | tataś ca—
Выслушав это, Он, лотосного цвета, с глазами до ушей, желая игры, сказал друзьям: «Пусть так. Вы же из своих домов навесьте петли на коромысла, позовите слуг, что носят еду, принесите всё, что нужно, и поторопитесь в лес. А моя мать через добрых людей быстро пришлёт нам посуду, полную еды». Когда по Его желанию так и сделали, Он, чьи дела щедры на радость мальчиков, желающих блага, пустив впереди Себя стадо телят, вошёл в лес. Там мальчики — пастушки телят — каждый день, как слышно, бывают с Ним тысячами. Их телят описывают числами вроде аюты, праюты, ниюты, а число телят Кришны воспевается как „несчётное“. И тогда:
cb49daba0e9d · 发布于 2026年9月24日 19:33:40 UTC
可用语言RU用方向键翻颂
Аюта — десять тысяч, праюта — миллион, ниюта — сто тысяч или десять миллионов (значения разнятся).