तद् एतद् अगुणगुणगुणगणनिधानस्य तस्य निरवधानम् अपि न चित्रम् अध्यस्यति ।
एष हि प्रेममयलीलावेशवश्यताम् आपन्नः कदाचिद् अवश्यं पश्यन्न् अपश्यन्न् इव भवति । तदा हि सद्य एवेदं प्रत्यपद्यत । आं ब्रह्मणः खल्व् इदं कर्म । मम पुनर् एतावन्तं कालं सञ्जङ्घन्यमानसखिसङ्घप्रणयासङ्गवशाल् लङ्घितज्ञानतया न तदनुसन्धानं जातम् । न च तेन विरोधितयेदम् आचरितम्, किन्तु मयि प्रेमस्थेमसंहितस्य तस्य व्रजहितस्य सम्प्रति मद्वैभवं प्रति विशेषवीक्षाप्रतीक्षा जातेत्य् एवम् एवाचरितम् । यत एव खलु मायावैभवतस् तद् अनन्यस्थानस्थितंमन्यम् एवान्यत्र वन्यभूमाव् आकृष्य पुनस् तत्रैव पुलिने प्रतिकृष्य तत्तद्वृन्दम् अनेनागोपायि, ततो न विरोधिबुद्धिर् असौ । विरोधिषु मद्बुद्धिवीर्ययोर् निद्रागमेऽपि जागरुकता कलिता । ततो वयं भक्ते तस्मिन् नर्मकर्मठताम् एव घटयिष्यामः । तत्र च प्रायः श्रीमत्पितृचरणाभिप्रायमयतया या मम योगमाया साहायकम् आयाति । यदि ताम् एव सम्प्रति चावलम्बेय, तदा स्वयम् एव तत्तद्रूपतां लभेय । नान्यद् धि मद्धितानां तेषां साम्यं भजेद् इति—
tad etad aguṇa-guṇa-guṇagaṇa-nidhānasya tasya niravadhānam api na citram adhyasyati |
eṣa hi prema-maya-līlāveśa-vaśyatām āpannaḥ kadācid avaśyaṁ paśyann apaśyann iva bhavati | tadā hi sadya evedaṁ pratyapadyata | āṁ brahmaṇaḥ khalv idaṁ karma | mama punar etāvantaṁ kālaṁ sañjaṅghanya-māna-sakhi-saṅgha-praṇayāsaṅga-vaśāl laṅghita-jñānatayā na tad-anusandhānaṁ jātam | na ca tena virodhitayedam ācaritam, kintu mayi prema-sthema-saṁhitasya tasya vraja-hitasya samprati mad-vaibhavaṁ prati viśeṣa-vīkṣā-pratīkṣā jātety evam evācaritam | yata eva khalu māyā-vaibhavatas tad ananya-sthāna-sthitaṁ-manyam evānyatra vanya-bhūmāv ākṛṣya punas tatraiva puline pratikṛṣya tat-tad-vṛndam anenāgopāyi, tato na virodhi-buddhir asau | virodhiṣu mad-buddhi-vīryayor nidrāgame’pi jāgarukatā kalitā | tato vayaṁ bhakte tasmin narma-karmaṭhatām eva ghaṭayiṣyāmaḥ | tatra ca prāyaḥ śrīmat-pitṛ-caraṇābhiprāya-mayatayā yā mama yogamāyā sāhāyakam āyāti | yadi tām eva samprati cāvalambeya, tadā svayam eva tat-tad-rūpatāṁ labheya | nānyad dhi mad-dhitānāṁ teṣāṁ sāmyaṁ bhajed iti—
未能识别诗律
И то, что у Него, сокровищницы качеств, что выше качеств, бывает невнимание, — не удивительно. Ведь, охваченный погружённостью в игры, полные любви, Он порой непременно видит — и будто не видит. И вот Он тотчас понял: «Ах, это дело Брахмы. А Я так долго, из привязанности к любви теснившихся вокруг друзей, пренебрёг знанием и не присмотрелся к этому. И сделал он это не из вражды: он полон твёрдой любви ко Мне и желает блага Враджу, а ныне у него появилось особое желание увидеть Моё величие — потому так и сделал. Ведь силой майи он увлёк их в иной лесной край, где, как он думает, их никто не найдёт, и укрыл всю эту ватагу — значит, мысли о вражде у него нет. Против врагов Мой ум и Моя доблесть бодрствуют даже во сне. Поэтому с этим преданным Мы лишь сыграем шутку. А в том Мне поможет Моя Йогамайя, что обычно следует замыслу почтенного Моего отца. Если Я сейчас опрусь на неё, то Сам и приму облик каждого из них. Ведь ничто иное не сравнится с теми, кто Мне дорог».
161004420f69 · 发布于 2026年9月24日 19:33:40 UTC
可用语言RU用方向键翻颂
Перевод приблизителен.