तद् एवम् अपि त्रिचतुरेषु वासरेषु परमानन्देन गमितावसरेषु दिनान्तरे तु पौर्णमासी स्वस्वगृहमध्यमध्यासीनानुदासीनान् इव वीक्ष्य कन्यातातपशुप्रजातप्रवीणान् सर्वान् सहासम् आह स्म—यद् वदाकारत एव परस्परविवाहयाचनप्रकारं निर्वाहम् आपयामास । मन्ये तद्वद् इवाहम् अपि निर्वाहयितुम् इच्छथ इति ।
अथ तेऽपि हसित्वा तद् इदम् आहुः स्म—वयं किं जानीमः ? किन्तु तदानीम् इदानीम् अपि तत्रभवत्य एव सर्वम् अनुभवन्तः सन्ति ।
पौर्णमासी उवाच—आस्तां तावद् वामतारामता । सम्भूय ज्योतिर्विदः समाहूयन्ताम् । ततश् च हसद्भिर् गोपसद्भिर् निजनिजकुलाभिमानवद्भिर् अपि हृदि तत्सम्बन्धानुरागवद्भिर् बहिः पूर्णिमाज्ञां प्रतिपालयद्भिः समाहूते च प्रभूते विप्रादिगणे तूर्णितमनाः पूर्णिमा व्रजनृपद्वारवरानुसारदैवज्ञांस् तत्तत्कन्यापितॄणाम् अनुचारकान् अपि तान् एकानुज्ञान् विधाय परममङ्गललग्नं लग्नं निर्णीय तद्वर्णदूतं प्रभूतं प्रणीय च तिलकाग्रिमबहुलसामग्रीभिस् तत्तदग्रीयजनान् अग्रीयान् विधाय श्रीव्रजनृपतेर् अग्रम् आनिनाय । तत्र चाग्रजवैवाहिकलग्नं निर्णीयावरजस्य च निर्णीतवन्तः ।
tad evam api tricatureṣu vāsareṣu paramānandena gamitāvasareṣu dināntare tu paurṇamāsī sva-sva-gṛha-madhya-madhyāsīnānudāsīnān iva vīkṣya kanyā-tāta-paśu-prajāta-pravīṇān sarvān sa-hāsam āha sma—yad vadākārata eva paraspara-vivāha-yācana-prakāraṁ nirvāham āpayāmāsa | manye tadvad ivāham api nirvāhayitum icchatha iti |
atha te’pi hasitvā tad idam āhuḥ sma—vayaṁ kiṁ jānīmaḥ ? kintu tadānīm idānīm api tatrabhavatya eva sarvam anubhavantaḥ santi |
paurṇamāsī uvāca—āstāṁ tāvad vāmatārāmatā | sambhūya jyotirvidaḥ samāhūyantām | tataś ca hasadbhir gopa-sadbhir nija-nija-kulābhimānavadbhir api hṛdi tat-sambandhānurāgavadbhir bahiḥ pūrṇimājñāṁ pratipālayadbhiḥ samāhūte ca prabhūte viprādi-gaṇe tūrṇita-manāḥ pūrṇimā vraja-nṛpa-dvāra-varānusāra-daivajñāṁs tat-tat-kanyā-pitṝṇām anucārakān api tān ekānujñān vidhāya parama-maṅgala-lagnaṁ lagnaṁ nirṇīya tad-varṇa-dūtaṁ prabhūtaṁ praṇīya ca tilakāgrima-bahula-sāmagrībhis tat-tad-agrīya-janān agrīyān vidhāya śrī-vraja-nṛpater agram ānināya | tatra cāgraja-vaivāhika-lagnaṁ nirṇīyāvarajasya ca nirṇītavantaḥ |
未能识别诗律
„Так прошли ещё три-четыре дня в высшем блаженстве. А на другой день Паурнамаси, видя, что все отцы девушек, искусные в разведении скота, сидят по домам, будто безучастные, со смехом сказала им: «Как вы одним лишь видом устроили взаимное сватовство, так, думаю, хотите, чтобы я и довела его до конца». Они же со смехом ответили: «Что мы знаем? И тогда, и теперь всё ведаешь ты». Паурнамаси сказала: «Оставим милое упрямство. Созовите-ка вместе звездочётов». Пастухи, смеясь, — гордые своим родом, но с любовью к этому родству в сердце и внешне послушные слову Пурнимы, — созвали множество брахманов и прочих. Тогда Пурнима в нетерпении собрала вместе звездочётов у ворот царя Враджа и людей отцов тех девушек, выбрала самый благой час, отправила о нём многочисленных вестников, поставила впереди старших, снабдив их тилакой и множеством прочих вещей, и привела их к Шри Враджарадже. Там определили свадебный час для старшего, а затем и для младшего“.
a13ebca0adec · 发布于 2026年9月25日 05:40:47 UTC
可用语言RU用方向键翻颂
Тилака — знак на лбу, которым скрепляют помолвку.