Vedawordएक वैदिक पुस्तकालय
खोज
प्रवेश
चैतन्यचन्द्रोदय नाटक
Act Four4.10
268 / 786
Linuxपन्ने पलटें
चैतन्यचन्द्रोदय नाटक · 4.10
॥
देवनागरी

विश्वंभरः—(प्रत्युत्थाय ।) स्वागतं भोः, स्वागतम् ।
अद्वैतः—श्रीमुखचन्द्रदर्शनेन ।
देवः—(सादरमभिवन्द्यालिङ्ग्य च ।) भगवन्, अत्रोपविश्यताम् ।
अद्वैतः—यथाज्ञापयसि ।
(इति सर्वे सुखोपवेशं नाटयन्ति ।)
भगवान्—(अद्वैतं प्रति ।) सर्वे वयं भुक्तवन्तः पीतबन्तश्च । केवलमध्वपरिश्रान्ताः क्षुत्परिश्रान्ताश्च भवन्तः । तदलं विलम्बेन ।
श्रीवासः—आतिथेयोऽसि । आतिथ्येन समुपचर्यन्तामेते भवता ।
अद्वैतः—अलमनया चिन्तया । वयमपि भवन्त इव समाप्तसर्वाह्निका एव ।
भगवान्—(सप्रमोदम् ।) तदिदानीं हिमकरकरकलधौतजलधौते श्रीवासवासाङ्गणपरिसरे भगवत्संकीर्तनमङ्गलमङ्गीकुर्वन्तु भवन्तः ।
सर्वे—(सप्रमोदम् ।) भगवन्, उत्थीयतां स्वयमपि ।
भगवान्—एषोऽहं गच्छामि ।
(इति संकीर्तनस्थलीं प्रति सर्वे निष्क्रान्ताः ।)
(ततः प्रविशति गङ्गादासः ।)
गङ्गादासः—अहो अद्वैतदेव, शान्तिपुरतः समागतोऽस्तीति श्रुतमस्ति । न जाने किं भगवद्विश्वंभरालये समुत्तीर्णः श्रीवासालये वा । तदस्य तत्त्वमवधारयामि । (इति कतिचित्पदान्याद्धाति ।)
(नेपथ्ये संकीर्तनकोलाहलः ।)
(आकर्ण्य ।) अहो, श्रीवासालयं समया समयासादितसकलभक्तजनप्रमोदी प्रेमोदीर्णसंकीर्तनकोलाहलोऽयं मया श्रूयते । तदित एवाद्वैतेनापि भवितव्यम् । तदिह स्थित्वैव निभालयामि । (इति निभाल्य ।) अहो, सर्व एव कीर्तयन्तो भगवन्तं विश्वंभरं नर्तयन्ति नृत्यन्ति च । तदेवं मन्ये ।

लिप्यंतरण (IAST)

viśvaṃbharaḥ—(pratyutthāya |) svāgataṃ bhoḥ, svāgatam |
advaitaḥ—śrīmukhacandradarśanena |
devaḥ—(sādaramabhivandyāliṅgya ca |) bhagavan, atropaviśyatām |
advaitaḥ—yathājñāpayasi |
(iti sarve sukhopaveśaṃ nāṭayanti |)
bhagavān—(advaitaṃ prati |) sarve vayaṃ bhuktavantaḥ pītabantaśca | kevalamadhvapariśrāntāḥ kṣutpariśrāntāśca bhavantaḥ | tadalaṃ vilambena |
śrīvāsaḥ—ātitheyo'si | ātithyena samupacaryantāmete bhavatā |
advaitaḥ—alamanayā cintayā | vayamapi bhavanta iva samāptasarvāhnikā eva |
bhagavān—(sapramodam |) tadidānīṃ himakarakarakaladhautajaladhaute śrīvāsavāsāṅgaṇaparisare bhagavatsaṃkīrtanamaṅgalamaṅgīkurvantu bhavantaḥ |
sarve—(sapramodam |) bhagavan, utthīyatāṃ svayamapi |
bhagavān—eṣo'haṃ gacchāmi |
(iti saṃkīrtanasthalīṃ prati sarve niṣkrāntāḥ |)
(tataḥ praviśati gaṅgādāsaḥ |)
gaṅgādāsaḥ—aho advaitadeva, śāntipurataḥ samāgato'stīti śrutamasti | na jāne kiṃ bhagavadviśvaṃbharālaye samuttīrṇaḥ śrīvāsālaye vā | tadasya tattvamavadhārayāmi | (iti katicitpadānyāddhāti |)
(nepathye saṃkīrtanakolāhalaḥ |)
(ākarṇya |) aho, śrīvāsālayaṃ samayā samayāsāditasakalabhaktajanapramodī premodīrṇasaṃkīrtanakolāhalo'yaṃ mayā śrūyate | tadita evādvaitenāpi bhavitavyam | tadiha sthitvaiva nibhālayāmi | (iti nibhālya |) aho, sarva eva kīrtayanto bhagavantaṃ viśvaṃbharaṃ nartayanti nṛtyanti ca | tadevaṃ manye |

अनुवाद

Вишвамбхара. (Встав навстречу.) Добро пожаловать, добро пожаловать!

Адвайта. Оттого что вижу луну Твоего лица.

Господь. (Почтительно приветствовав и обняв.) Владыка, садись здесь.

Адвайта. Как велишь.

(Все усаживаются.)

Господь. (Адвайте.) Мы все поели и попили. Только вы утомлены дорогой и голодны. Так не медлите.

Шриваса. Ты хозяин. Тебе их и принимать по-хозяйски.

Адвайта. Полно об этом тревожиться. Мы, как и вы, уже покончили со всеми дневными делами.

Господь. (С радостью.) Тогда пусть же ныне, во дворе при доме Шривасы, омытом водою и лунным светом, что бел как серебро, — примут досточтимые благословенную санкиртану Господа.

Все. (С радостью.) Господи, встань и ты сам.

Господь. Вот я иду.

(Все уходят к месту санкиртаны.)

(Затем входит Гангадас.)

Гангадас. Ах, слышал я, что Адвайта-дева пришёл из Шантипура. Не знаю, остановился ли он в доме Господа Вишвамбхары или у Шривасы. Разузнаю-ка. (Делает несколько шагов.)

(За сценой — шум санкиртаны.)

Гангадас. (Прислушавшись.) Ах, это возле дома Шривасы: слышен гул санкиртаны, поднявшийся от премы и радующий всех преданных, что собрались к сроку. Стало быть, и Адвайта там же. Постою здесь и посмотрю. (Всмотревшись.) Ах, все поют и заставляют плясать Господа Вишвамбхару, и сами пляшут. Думаю вот что:

संस्करण

aedd76cf8747 · प्रकाशित 13 सित॰ 2026, 6:00:00 pm UTC

उपलब्ध भाषाएँRU
पिछलाश्लोक 4.9

श्लोक बदलें इन कुंजियों से