किं च, यदवोऽपि नाहितं व्याहरन्ति; स्फुटम् उपलब्धकंससंबन्धजरासन्धनिर्बन्धादक्षौहिणीलक्षितदुर्जनलक्षाणि मथुराम् अवरोत्स्यन्ति; तर्हि गर्हितम् एव भवेत् । तत्रास्ताम् अस्मत्सामीप्यम् अस्मदसामीप्यतश् च भवदवस्थानं यद्य् अस्मत्संबन्धं विना लब्धसन्धं भवेत् तर्ह्य् एव कृच्छ्रं नर्च्छेत् । गूढपुरुषद्वारेण ज्ञाते ह्य् अस्मत्संबन्धे जरासन्धादयस् त एते कंसवन् न भयानुबन्धा इति छलबलम् एकम् एकं न प्रस्थापयिष्यन्ति । किं त्व् अक्षौहिणीभिर् द्रवन्तः सर्वं व्रजम् अप्य् उपद्रावयिष्यन्ति । तस्माद् अस्माभिर् युष्माभिश् च गोपयितव्य एव गन्धश् च व्यतिसंबन्धस्य; एते च मया यादवा दुर्गान्तरे दवयितव्याः; भवन्तस् त्व् असंख्या न तथा कर्तुं शक्याः । संख्याम् अतिचरन्तीनां वनेचरन्तीनां गवाम् आवरणं तु सुतराम् एव दुष्करम्; तस्मात् तेषां दुर्गवदस्मदौदासीन्यम् एव भवतां रक्षायां प्रावीण्यम् अर्हति ।
kiṁ ca, yadavo’pi nāhitaṁ vyāharanti; sphuṭam upalabdha-kaṁsa-saṁbandha-jarāsandha-nirbandhād-akṣauhiṇī-lakṣita-dur-jana-lakṣāṇi mathurām avarotsyanti; tarhi garhitam eva bhavet | tatrāstām asmat-sāmīpyam asmad-asāmīpyataś ca bhavad-avasthānaṁ yady asmat-saṁbandhaṁ vinā labdha-sandhaṁ bhavet tarhy eva kṛcchraṁ narcchet | gūḍha-puruṣa-dvāreṇa jñāte hy asmat-saṁbandhe jarāsandhādayas ta ete kaṁsa-van na bhayānubandhā iti chala-balam ekam ekaṁ na prasthāpayiṣyanti | kiṁ tv akṣauhiṇībhir dravantaḥ sarvaṁ vrajam apy upadrāvayiṣyanti | tasmād asmābhir yuṣmābhiś ca gopayitavya eva gandhaś ca vyati-saṁbandhasya; ete ca mayā yādavā durgāntare davayitavyāḥ; bhavantas tv asaṁkhyā na tathā kartuṁ śakyāḥ | saṁkhyām aticarantīnāṁ vanecarantīnāṁ gavām āvaraṇaṁ tu sutarām eva duṣkaram; tasmāt teṣāṁ durga-vad-asmad-audāsīnyam eva bhavatāṁ rakṣāyāṁ prāvīṇyam arhati |
И ещё: ядавы говорят не во вред. Ясно, что Джарасандха, связанный с Камсой, упрямый, осадит Матхуру сотнями тысяч злодеев, собранных в акшаухини; тогда будет худо. Пусть мы будем рядом, но если вы, живя далеко от нас, окажетесь связаны с нами, то попадёте в беду. Ведь когда через лазутчиков станет известно о нашей связи, Джарасандха и прочие, не скованные страхом, как Камса, не станут посылать хитрецов по одному, а нагрянут с акшаухини и разорят всю Враджу. Потому и нам, и вам надо скрывать даже запах нашей связи; этих ядавов я уведу подальше, в крепость, а вас, несчётных, так увести нельзя. А уж уберечь коров, бродящих по лесу без счёта, и вовсе трудно. Поэтому наше мнимое равнодушие, как крепость, и есть лучшая ваша защита.
b130886417b8 · опубликовано 25 сент. 2026 г., 02:34:42 UTC
Доступно наRUЛистайте стихи клавишами
Акшаухини — полное войско древности.