कार्याख्यानाद् अपूर्वम्
kāryākhyānād apūrvam
[Отцовство, дружество Его — созерцать:] новое [чувство-качество узаконено] возглашением плода — «схватим БХАВОЙ».
अथ पितृत्वादीन् धर्मानुपसंहर्तुम् आरभते । माता पिता भ्राता निवासः शरणं सुहृद् गतिर् नारायणः इति श्रूयते । जितन्ते-स्तोत्रेऽप्य् एवं स्मरन्ति—
पिता माता सुहृद् बन्धुर् भ्राता पुत्रस् त्वम् एव मे ।
विद्या धनं च कामश् च नान्यत् किञ्चित् त्वया विना ॥ इत्य् आद्येऽध्याये ।
जन्म-प्रभृति दासोऽस्मि शिष्योऽस्मि तनयोऽस्मि ते ।
त्वं च स्वामी गुरुर् माता पिता च मम माधव ॥ इति मध्येऽन्ते च ।
तत्रैवं संशयः । पितृत्व-पुत्रत्व-सखित्व-स्वामित्व-रूपं धर्म-जातं भगवति चिन्त्यं न वेति । आत्मेत्य् एवोपासीतेति श्रुतेर् न चिन्त्यम् इति प्राप्ते—
कार्याख्यानाद् अपूर्वम् ॥
पूर्वं पूर्णानन्दत्वादि । तत्-सदृशम् अपूर्वं पितृत्वादि । तच् चिन्त्यम् एव तत्-तद्-उपासकैः । कुतः ? कार्याख्यानात् । कार्यस्य तत्-तद्-भाव-वश्यता-लक्षणस्य फलस्य भाव-ग्राह्यम् अनीडाख्यम् इत्य् अनेनाभिधानाद् इत्य् अर्थः । आह चैवं श्री-भगवान् येनाहं प्रिय आत्मा सुतश् च सखा गुरुः सुहृदो दैवम् इष्टः इति । तस्मात् पूर्णानन्दत्वादिवत् पितृत्वादिकम् अपि तस्मिन् विचिन्त्यं भावुकैः । आत्मेत्य् एवेत्य् एतत् तु प्राग् एव समाहितम् ॥19॥
--ओ)0(ओ--
atha pitṛtvādīn dharmānupasaṁhartum ārabhate | mātā pitā bhrātā nivāsaḥ śaraṇaṁ suhṛd gatir nārāyaṇaḥ iti śrūyate | jitante-stotre'py evaṁ smaranti—
pitā mātā suhṛd bandhur bhrātā putras tvam eva me |
vidyā dhanaṁ ca kāmaś ca nānyat kiñcit tvayā vinā || ity ādye'dhyāye |
janma-prabhṛti dāso'smi śiṣyo'smi tanayo'smi te |
tvaṁ ca svāmī gurur mātā pitā ca mama mādhava || iti madhye'nte ca |
tatraivaṁ saṁśayaḥ | pitṛtva-putratva-sakhitva-svāmitva-rūpaṁ dharma-jātaṁ bhagavati cintyaṁ na veti | ātmety evopāsīteti śruter na cintyam iti prāpte—
kāryākhyānād apūrvam ||
pūrvaṁ pūrṇānandatvādi | tat-sadṛśam apūrvaṁ pitṛtvādi | tac cintyam eva tat-tad-upāsakaiḥ | kutaḥ ? kāryākhyānāt | kāryasya tat-tad-bhāva-vaśyatā-lakṣaṇasya phalasya bhāva-grāhyam anīḍākhyam ity anenābhidhānād ity arthaḥ | āha caivaṁ śrī-bhagavān yenāhaṁ priya ātmā sutaś ca sakhā guruḥ suhṛdo daivam iṣṭaḥ iti | tasmāt pūrṇānandatvādivat pitṛtvādikam api tasmin vicintyaṁ bhāvukaiḥ | ātmety evety etat tu prāg eva samāhitam ||19||
--o)0(o--
f8734740e95d · опубликовано 27 июл. 2026 г., 05:22:51 UTC
Доступно наRUЛистайте стихи клавишами
Теперь — собрать отцовство и прочие [отношения]: «мать, отец, брат, обитель, прибежище, друг, путь — Нараяна»; и Джитанте-стотра: «отец, мать, друг, брат, СЫН — Ты один мне… от рождения я слуга, ученик, дитя Твоё; Ты — господин, гуру, мать и отец, Мадхава». Мыслим ли в Бхагаване род этих свойств («лишь как Атмана!»)? При полученном —
«По возглашению плода — [и] небывалое».
«Прежнее» — полноблаженность; «небывалое», им подобное, — отцовство и прочие: оно именно мыслимо теми почитателями. Почему? Плод — ПОДВЛАСТНОСТЬ [Бога] тому и тому ЧУВСТВУ — возглашён: «СХВАТИМ БХАВОЙ, именуем Безгнёздным» [Шветашватара 5.14]. И Бхагаван: «кому Я дорог как сам, КАК СЫН, как друг, гуру, благожелатель, избранное божество…» [Бхагавата 3.25.38]. Потому отцовство и прочее в Нём созерцаемо ЛЮДЬМИ ЧУВСТВА.