अथ कथमपरथा रथाङ्गपाणेरजस्याग्रजस्याग्रतो मम दैवी वासुरी वा प्रभवितुमायाति मायातिमायाविचक्रचूडामणिं तमेव समुपेत्य पृच्छामिच्छामि कर्तुम्, इति निकटमुपसृत्य “किमिदमहो महोन्नतबुद्धे! बुद्धेरगोचरो मम, यदमी बलवदमीवलङ्घिनोऽमरवरा एव सहचराः, अमी च मुनयो नयोद्धुरा एव गोवत्सा इत्येव मे गोचरः । सम्प्रति सम्प्रतिजाने श्रीजाने! श्रीमान् भवानेव सर्वमिति किमत्र तत्त्वं तत्त्वं कथय” इति कथयेतिहासकथामिव तत् सकलमानुपूर्व्या कथयन् श्रीयशोदाकुमारः कुमारयामास ॥80॥
atha kathamaparathā rathāṅgapāṇerajasyāgrajasyāgrato mama daivī vāsurī vā prabhavitumāyāti māyātimāyāvicakracūḍāmaṇiṁ tameva samupetya pṛcchāmicchāmi kartum, iti nikaṭamupasṛtya “kimidamaho mahonnatabuddhe! buddheragocaro mama, yadamī balavadamīvalaṅghino'maravarā eva sahacarāḥ, amī ca munayo nayoddhurā eva govatsā ityeva me gocaraḥ | samprati sampratijāne śrījāne! śrīmān bhavāneva sarvamiti kimatra tattvaṁ tattvaṁ kathaya” iti kathayetihāsakathāmiva tat sakalamānupūrvyā kathayan śrīyaśodākumāraḥ kumārayāmāsa ||80||
«А иначе как могла бы майя — божественная или демоническая — возобладать надо мной, старшим братом нерождённого Держащего диск? Пойду к нему самому, венцу всех, кто владеет величайшей майей, и спрошу». И, подойдя, сказал: «Ах, что это, о высокоумный? Непостижимо для меня: я знал, что эти друзья — лучшие из богов, а эти телята — мудрецы; а теперь вижу, о супруг Шри: ты один, благой, — это всё. В чём же тут истина? Скажи». И сын Шри Яшоды, рассказывая всё по порядку, как древнюю историю, обрадовал его.
ea700761d6bb · 发布于 2026年9月28日 22:59:32 UTC
可用语言RU用方向键翻颂
По ШБ 10.13.38–39: Кришна в немногих словах объяснил брату, что случилось.