तद् एतद् आकर्ण्य सर्वेऽपि व्रजस्था वर्णयामासुः—वयम् इह तद्यशःप्रिया इति तस्य तत्तत्क्रियाकर्णनसुखश्रिया तद्विरहम् अपि सहमानाः स्मः । यदर्थं तस्य तत्तत्क्रिया तत्र पुनर् इयं तत्तत्खलतामयविशृङ्खलता जाता । तस्माद् अस्माकं जीवनम् इदम् अतीव दुःखदं जातम् । भवतु, तदनन्तरम् उदन्तः कथ्यताम् ।
दूताव् ऊचतुः— तदनन्तरम् आवाम् आगताव् एवेति सर्वेषु तदहरहर् वेदनाविलताविरचितमनश्चर्चेषु चिरं सन्देशागतिविरतिर् आसीत् । तद्गतिः पुनर् अप्रतिहता बभूव । चिराद् एव तु सह बहवस् ते जाङ्घिकास् तरस्वितया सङ्घशः समागताः । किन्तु लब्धनिदाघचराः स्थावरा इवावगताः । कुशलं कुशलम् इति वदन्तश् च सगद्गदतयाधिगताः ।
tad etad ākarṇya sarve’pi vrajasthā varṇayāmāsuḥ—vayam iha tad-yaśaḥ-priyā iti tasya tat-tat-kriyākarṇana-sukha-śriyā tad-viraham api sahamānāḥ smaḥ | yad-arthaṁ tasya tat-tat-kriyā tatra punar iyaṁ tat-tat-khalatā-maya-viśṛṅkhalatā jātā | tasmād asmākaṁ jīvanam idam atīva duḥkhadaṁ jātam | bhavatu, tad-anantaram udantaḥ kathyatām |
dūtāv ūcatuḥ— tad-anantaram āvām āgatāv eveti sarveṣu tad-aharahar vedanāvilatā-viracita-manaś-carceṣu ciraṁ sandeśāgati-viratir āsīt | tad-gatiḥ punar apratihatā babhūva | cirād eva tu saha bahavas te jāṅghikās tarasvitayā saṅghaśaḥ samāgatāḥ | kintu labdha-nidāgha-carāḥ sthāvarā ivāvagatāḥ | kuśalaṁ kuśalam iti vadantaś ca sa-gadgadatayādhigatāḥ |
未能识别诗律
Услышав это, все жители Враджи заговорили: „Мы здесь терпим даже разлуку с Ним, потому что любим Его славу и радуемся, слыша о Его делах. А там, где совершаются эти дела, поднялось такое разнузданное злословие. Поэтому жизнь наша стала очень горькой. Ну что ж, рассказывайте, что было дальше“. Вестники сказали: „После этого мы и пришли“. И пока у всех день за днём мысли были смутны от боли, вести надолго перестали приходить. Потом снова пошли без помех. А много спустя быстрые гонцы пришли сразу толпой. Но казались они растениями, опалёнными зноем, и дрожащими голосами твердили: „Всё хорошо, всё хорошо“.
84bea4806f10 · 发布于 2026年9月25日 03:53:23 UTC
可用语言RU用方向键翻颂