आसाद्य च “बकुलमाले! मां परिचिनोषि, चिनोषि किं बकुलकुसुमानि? एहि व्रजराजकुमारसविधम्, अहं ते तत्करगुम्फितां स्रजं दापयिष्यामि, किमेतावताधिकेनावचयनपरिश्रमेण” । मयोक्तम्—“अयि शुककुलावतंस! संसर्गजाः किल दोषगुणा इति सत्य एव व्याहारः । यदियं ते स्वभावलम्पटस्य पीतपटस्य पीतमधुरसस्येव समदस्यासङ्गेन भिन्नैव मतिरनुभूयते । क्व नु दृष्टं भवता कुलकुमार्यः परपुरुषदत्तां मालामुरीकुर्वन्ति” ॥25॥
āsādya ca “bakulamāle! māṁ paricinoṣi, cinoṣi kiṁ bakulakusumāni? ehi vrajarājakumārasavidham, ahaṁ te tatkaragumphitāṁ srajaṁ dāpayiṣyāmi, kimetāvatādhikenāvacayanapariśrameṇa” | mayoktam—“ayi śukakulāvataṁsa! saṁsargajāḥ kila doṣaguṇā iti satya eva vyāhāraḥ | yadiyaṁ te svabhāvalampaṭasya pītapaṭasya pītamadhurasasyeva samadasyāsaṅgena bhinnaiva matiranubhūyate | kva nu dṛṣṭaṁ bhavatā kulakumāryaḥ parapuruṣadattāṁ mālāmurīkurvanti” ||25||
«Подлетев, он сказал: „Бакуламала! Узнаёшь меня? Зачем собираешь цветы бакулы? Пойдём к царевичу Враджа — я устрою, чтобы он дал тебе гирлянду, сплетённую его руками; зачем тебе лишний труд собирать?“ Я сказала: „Ах, украшение рода попугаев! Верно говорят: пороки и достоинства рождаются от общения. Видно, от общения с этим распутником по природе, Носящим жёлтое, словно испившим мёду, у тебя и ум стал другим. Где ты видел, чтобы девушки из знатных семей принимали гирлянды от чужого мужчины?“».
16e9107a2908 · published Sep 28, 2026, 11:15:30 PM UTC
Available inRUPage between verses with
Бакуламала сперва упрямится.