अथ निशान्ते निशान्ते प्रमोदेन समागता वृषभानोर्भानोरिव घृणयो घृणयोपचितापचितावतिनम्राः, पुरन्ध्रयो रन्ध्रयोगहीनां वाचमभाषन्त—“अवधीयतां व्रजेश्वरि! भवत्या स्वार्थसाराधिका राधिकाजनकस्य वागीशया, वागीशयापि स्तोतुमशक्यानि ते वत्सलतालताप्रसूनानि सुचरितानि, तेनाद्य तु द्यतु भवती भवतीव्रयातनां हरिभक्तिरिव मद्गेहापदं पदं धारयन्ती रयं तीव्रमासाद्य सपत्यपत्यपरिजना सापत्यरोहिणीसहिता, हिताय तायतामयि मयि करुणा च त्वयेति । किञ्च, समस्ताः समस्तान्येवाभ्यङ्गोद्वर्तनस्नानादीनि कर्माणि ममैव वस्त्येऽवस्त्येयानीति त्वरितमेवागन्तुमर्हन्ति” ॥38॥
atha niśānte niśānte pramodena samāgatā vṛṣabhānorbhānoriva ghṛṇayo ghṛṇayopacitāpacitāvatinamrāḥ, purandhrayo randhrayogahīnāṁ vācamabhāṣanta—“avadhīyatāṁ vrajeśvari! bhavatyā svārthasārādhikā rādhikājanakasya vāgīśayā, vāgīśayāpi stotumaśakyāni te vatsalatālatāprasūnāni sucaritāni, tenādya tu dyatu bhavatī bhavatīvrayātanāṁ haribhaktiriva madgehāpadaṁ padaṁ dhārayantī rayaṁ tīvramāsādya sapatya-patyaparijanā sāpatyarohiṇī-sahitā, hitāya tāyatāmayi mayi karuṇā ca tvayeti | kiñca, samastāḥ samastānyevābhyaṅgodvartana-snānādīni karmāṇi mamaiva vastye'vastyeyānīti tvaritamevāgantumarhanti” ||38||
И вот к концу ночи с радостью пришли женщины Вришабхану — как лучи солнца, склонённые в почтении, — и сказали безупречные слова: «Выслушай, владычица Враджа! Отец Радхики, выше всех своих выгод, даже устами богини речи не в силах восхвалить цветы с лианы твоей материнской любви, — твои благие деяния. Так вот, сегодня пусть ты, как бхакти к Хари, ступишь в мой дом, с великой поспешностью — с сыновьями, мужем, домочадцами и с Рохини с её сыном; окажи мне милость и благо. И ещё: все обряды — умащение, растирание, омовение и прочее — пусть будут совершены в моём доме; так что пусть все придут поскорее».
ad551e209def · published Sep 28, 2026, 11:15:30 PM UTC
Available inRUPage between verses with
Приглашение от имени Вришабхану.