नात्माश्रुतेर् नित्यत्वाच् च ताभ्यः
nātmāśruter nityatvāc ca tābhyaḥ
Атман [-джива] НЕ [рождается]: по шрути [«не рождается и не умирает»] и по вечности — из них же.
सर्वं यस्माद् उत्पद्यते यस्य मूल-कारणत्वाद् उत्पत्तिर् नास्ति स परमात्मेतीश्वरो निरूपितः । अथ जीवं निर्णेतुम् उपक्रमते । तस्य तावद् उत्पत्तिर् निरस्यते । यतः प्रसूता जगतः प्रसूतिस् तोयेन जीवान् व्यससर्ज भूम्याम् इति तैत्तिरीयके । सन्-मूलाः सौम्येमाः सर्वाः प्रजा इति चान्यत्र श्रूयते । अत्र जीवस्योत्पत्तिर् अस्ति न वेति संशये चिज्-जडात्मकस्य जगतः कार्यत्वावगमात् व्यतिरेके प्रतिज्ञा-भङ्गाच् चास्तीति प्राप्ते—
नात्माश्रुतेर् नित्यत्वाच् च ताभ्यः ॥
आत्मा जीवो नैवोत्पद्यते । कुतः ? श्रुतेः ।
न जायते म्रियते वा विपश्चिन्
नायं कुतश्चिन् न बभूव कश्चित् ।
अजो नित्यः शाश्वतोऽयं पुराणो
न हन्यते हन्यमाने शरीरे ॥ [क.उ. 1.2.18] इति काठके ।
ज्ञाज्ञौ द्वाव् अजाव् ईशानीशाव् इति श्वेताश्वतर-श्रुतौ चाजत्व-श्रवणात् । तथा ताभ्यः श्रुति-स्मृतिभ्यो नित्यत्व-प्रतीतेश् च । चेतनत्वं च-शब्दात् । तास् तु, नित्यो नित्यानां चेतनश् चेतनानां, अजो नित्यः शाश्वतोऽयं पुराणः इत्य् आद्याः । एवं सति जातो यज्ञदत्तो मृतश् चेति योऽयं लौकिको व्यवहारो, यश् च जात-कर्मादि-विधिः, स तु देहाश्रित एव भवेत् । स वा अयं पुरुषो जायमानः शरीरम् अभिसम्पद्यमानः स उत्क्रामन् म्रियमानः इति बृहद्-आरण्यकात् । जीवापेतं वाव किलेदं म्रियते न जीवो म्रियते इति छान्दोग्याच् च । कथं तर्हि श्रुति-प्रतिज्ञानुपरोधः । इत्थं जीवस्यापि कार्यत्वात् तद्-उत्पत्तिर् इति । सूक्ष्मोभय-शक्तिकं ब्रह्मैवावस्थान्तरापन्नं कार्यं नाम । इयांस् तु विशेषः । प्रधानादेर् अचेतनस्य भोग्य-जातस्य स्वरूपेणान्यथाभावो जीवस्य तु भोक्तुर् ज्ञान-सङ्कोच-विकाशात्मनेति । उभयत्रापि कार्य-हेत्वोर् ऐक्यात् सा नोपरुध्यते । श्रुतयश् चाञ्जस्यं भजेरन् तस्माज् जीवस्योत्पत्तिर् नेति ॥16॥ (18)
sarvaṁ yasmād utpadyate yasya mūla-kāraṇatvād utpattir nāsti sa paramātmetīśvaro nirūpitaḥ | atha jīvaṁ nirṇetum upakramate | tasya tāvad utpattir nirasyate | yataḥ prasūtā jagataḥ prasūtis toyena jīvān vyasasarja bhūmyām iti taittirīyake | san-mūlāḥ saumyemāḥ sarvāḥ prajā iti cānyatra śrūyate | atra jīvasyotpattir asti na veti saṁśaye cij-jaḍātmakasya jagataḥ kāryatvāvagamāt vyatireke pratijñā-bhaṅgāc cāstīti prāpte—
nātmāśruter nityatvāc ca tābhyaḥ ||
ātmā jīvo naivotpadyate | kutaḥ ? śruteḥ |
na jāyate mriyate vā vipaścin
nāyaṁ kutaścin na babhūva kaścit |
ajo nityaḥ śāśvato'yaṁ purāṇo
na hanyate hanyamāne śarīre || [ka.u. 1.2.18] iti kāṭhake |
jñājñau dvāv ajāv īśānīśāv iti śvetāśvatara-śrutau cājatva-śravaṇāt | tathā tābhyaḥ śruti-smṛtibhyo nityatva-pratīteś ca | cetanatvaṁ ca-śabdāt | tās tu, nityo nityānāṁ cetanaś cetanānāṁ, ajo nityaḥ śāśvato'yaṁ purāṇaḥ ity ādyāḥ | evaṁ sati jāto yajñadatto mṛtaś ceti yo'yaṁ laukiko vyavahāro, yaś ca jāta-karmādi-vidhiḥ, sa tu dehāśrita eva bhavet | sa vā ayaṁ puruṣo jāyamānaḥ śarīram abhisampadyamānaḥ sa utkrāman mriyamānaḥ iti bṛhad-āraṇyakāt | jīvāpetaṁ vāva kiledaṁ mriyate na jīvo mriyate iti chāndogyāc ca | kathaṁ tarhi śruti-pratijñānuparodhaḥ | itthaṁ jīvasyāpi kāryatvāt tad-utpattir iti | sūkṣmobhaya-śaktikaṁ brahmaivāvasthāntarāpannaṁ kāryaṁ nāma | iyāṁs tu viśeṣaḥ | pradhānāder acetanasya bhogya-jātasya svarūpeṇānyathābhāvo jīvasya tu bhoktur jñāna-saṅkoca-vikāśātmaneti | ubhayatrāpi kārya-hetvor aikyāt sā noparudhyate | śrutayaś cāñjasyaṁ bhajeran tasmāj jīvasyotpattir neti ||16|| (18)
56f3a8999508 · publicado 27 jul 2026, 4:51:26 UTC
Disponible enRUPasa de verso en verso con
Ишвара выписан — Тот, из кого всё, сам не рождённый. Теперь — о дживе; сперва отметается его рождение. «Водою излил джив на землю»; «в Сущем корень всех тварей» — рождается ли джива? «Рождается: мир — следствие, а при отдельности [дживы] сломано обещание». При полученном —
«НЕ [рождается] Атман: не слышно; и вечен — из них же».
Атман-джива вовсе не рождается. Почему? По шрути: «НЕ РОЖДАЕТСЯ И НЕ УМИРАЕТ разумный; ни из чего не возник; нерождённый, вечный, всегдашний, древний — не гибнет с убиваемым телом» [Катха]; «двое нерождённых: знающий и незнающий, владыка и невладыка» [Шветашватара]. И из них же — вечность («Вечный среди вечных, Сознающий среди сознающих») и сознательность. А мирской оборот «родился Яджнядатта, умер» и обряды рождения держатся лишь на ТЕЛЕ: «пуруша, рождаясь, входит в тело, исходя — умирает»; «умирает это, дживой покинутое, — джива НЕ умирает». Как же не стеснить обещание [«одним — всё»]? Вот как: «следствием» зовётся сам Брахман с обеими тонкими шакти, пришедший в иное состояние; но вот различие: у бессознательного вкушаемого — инобытие СУЩНОСТЬЮ, у дживы же, вкусителя, — лишь СЖАТИЕМ И РАСКРЫТИЕМ ЗНАНИЯ. В обоих случаях следствие и причина едины — обещание не стеснено, и шрути сохранят прямоту. Потому рождения дживы — нет.