अथोत्तरेद्युस् तथा द्योतमानायां सभायां कण्ठध्वनिकृतसर्वोत्कण्ठः शुभंयुर् मधुकण्ठः समाचष्ट, अये स्निग्धकण्ठ, श्रूयताम्—
अथ तस्मिन्न् एवापदोषे प्रदोषे समस्तदेवरूपश्रीवसुदेवसदेशतः सन्देशहरः कोऽपि गोपितात्मा श्रीव्रजराजचरणराजीवपीठपर्यन्तधाम समाजगाम । स च श्रीमता तेन तदीयप्रत्नसेवकरत्नतया परिचितियुक्तः पर्यनुयुक्तकुशलततिर् नमः समाचरन्न् उवाच—“रक्षांसि सर्वं भक्षयितुं जीवति भृशं नृशंसे कंसे किम् इव निरङ्कुशं कुशलम्? तच् च मम वेशेनैव वितर्क्यताम् । यद् अस्माकं तरण्या तरणं, तरणौ च सति कुत्रापि प्रस्थानं न सम्भवतीति बाहुभ्याम् एव सन्तरणात् तीर्णतरणिजः सार्द्रवस्त्रः प्रदोषे समागतोऽस्मि ।”
athottaredyus tathā dyotamānāyāṁ sabhāyāṁ kaṇṭha-dhvani-kṛta-sarvotkaṇṭhaḥ śubhaṁyur madhukaṇṭhaḥ samācaṣṭa, aye snigdhakaṇṭha, śrūyatām—
atha tasminn evāpadoṣe pradoṣe samasta-deva-rūpa-śrī-vasudeva-sadeśataḥ sandeśa-haraḥ ko’pi gopitātmā śrī-vrajarāja-caraṇa-rājīva-pīṭha-paryanta-dhāma samājagāma | sa ca śrīmatā tena tadīya-pratna-sevaka-ratnatayā pariciti-yuktaḥ paryanuyukta-kuśala-tatir namaḥ samācarann uvāca—“rakṣāṁsi sarvaṁ bhakṣayituṁ jīvati bhṛśaṁ nṛśaṁse kaṁse kim iva niraṅkuśaṁ kuśalam? tac ca mama veśenaiva vitarkyatām | yad asmākaṁ taraṇyā taraṇaṁ, taraṇau ca sati kutrāpi prasthānaṁ na sambhavatīti bāhubhyām eva santaraṇāt tīrṇa-taraṇijaḥ sārdra-vastraḥ pradoṣe samāgato’smi |”
छन्द अज्ञात
На следующий день, когда собрание так же сияло, благой Мадхукантха, чей голос пробуждал у всех тоску, рассказал: «Эй, Снигдхакантха, слушай! В тот же безупречный вечер от Шри Васудевы, воплощения всех богов, пришёл к подножию лотосных стоп Шри царя Враджа некий посланец, скрывавший, кто он. Шри Нанда знал его как давнего верного слугу и расспросил о благополучии. Тот, поклонившись, сказал: „Какое может быть благополучие, когда жив жестокий Камса, чтобы пожирать всех, как ракшас? Судите по моему виду: наша переправа — дочь Солнца, а раз солнце было, на лодке переправляться нельзя, — вот я и переплыл реку руками и пришёл вечером в мокрой одежде“.
c858211e2213 · प्रकाशित 24 सित॰ 2026, 6:56:58 pm UTC
उपलब्ध भाषाएँRUश्लोक बदलें इन कुंजियों से
Игра слов «тарани» — и «лодка», и «солнце»: днём переправа на лодке была запрещена Камсой, и гонцу пришлось плыть.