अथ सा श्रीव्रजक्षितीशरक्षितगीर्वाणवाणज्ञधानुष्कभिया दुष्करस्वरूपं विहाय हारिरूपान्तरं प्रातिहारिकतया धृतवती, येन खलु सम्पदधिदेवीयम् अधिभूमि सम्पतन्ती निजाश्रयविशेषम् अन्विच्छन्ती च सर्वसल्लक्षणतया कृतलक्षणं सम्प्रति जातं श्रीव्रजराजजातम् एव समाश्रयिष्यतीति मत्वा तस्या नूतनवपुः पूतनायाश् चाकूतम् अमत्वा हारितहृद्भी रक्षिभिर् न निवारिता रक्षिणीभिश् च नावधारिता; येयं पक्षपातिनी कंसपक्षपातिनी सात्वतभर्तुः श्रवणकीर्तनादिप्रदेशम् अनुवर्तितुम् असमर्था, तद्बहिर्मुखानाम् अर्भकान् निघ्नती तत्पक्षपातिन्य् एव लक्षिता । एवम् अप्य् अस्याः श्रीमद्व्रजागमनादिकं तु कौतुकविशेषाय साधयितुं योगमाया खलु योगम् आयान्ती बभूव, यस्याश् च हेतोर् अन्यत्र कुत्रचिन् नेत्रम् अनादधती सर्वम् अत्यादधती श्रीमन्नन्दमन्दिरस्थं तम् एव बालकम् आलोकयामास । अङ्गारधानीसङ्गतस्फुलिङ्गवद् अङ्गारसङ्घम् इव तमसि पतङ्गी तं च योगमायाकृतप्राकृतबालककल्पताकल्पनया यथावन् नानुबभूव, उज्ज्वलगुञ्जापुञ्जतुलनया प्रज्वलद् इङ्गलम् इव ।
atha sā śrī-vraja-kṣitīśa-rakṣita-gīrvāṇa-vāṇa-jña-dhānuṣka-bhiyā duṣkara-svarūpaṁ vihāya hāri-rūpāntaraṁ prātihārikatayā dhṛtavatī, yena khalu sampad-adhidevīyam adhibhūmi sampatantī nijāśraya-viśeṣam anvicchantī ca sarva-sal-lakṣaṇatayā kṛta-lakṣaṇaṁ samprati jātaṁ śrī-vrajarāja-jātam eva samāśrayiṣyatīti matvā tasyā nūtana-vapuḥ pūtanāyāś cākūtam amatvā hārita-hṛdbhī rakṣibhir na nivāritā rakṣiṇībhiś ca nāvadhāritā; yeyaṁ pakṣa-pātinī kaṁsa-pakṣa-pātinī sātvata-bhartuḥ śravaṇa-kīrtanādi-pradeśam anuvartitum asamarthā, tad-bahirmukhānām arbhakān nighnatī tat-pakṣa-pātiny eva lakṣitā | evam apy asyāḥ śrīmad-vrajāgamanādikaṁ tu kautuka-viśeṣāya sādhayituṁ yogamāyā khalu yogam āyāntī babhūva, yasyāś ca hetor anyatra kutracin netram anādadhatī sarvam atyādadhatī śrīman-nanda-mandira-sthaṁ tam eva bālakam ālokayāmāsa | aṅgāra-dhānī-saṅgata-sphuliṅga-vad aṅgāra-saṅgham iva tamasi pataṅgī taṁ ca yogamāyā-kṛta-prākṛta-bālaka-kalpatākalpanayā yathāvan nānubabhūva, ujjvala-guñjā-puñja-tulanayā prajvalad iṅgalam iva |
Затем, боясь лучников Шри владыки Враджа, знающих стрелы, призванные богами, она оставила свой страшный облик и, как фокусник, приняла другой — прелестный. Решив, что это сама богиня богатства, спустившаяся на землю в поисках особого прибежища, которая, конечно, прибегнет к новорождённому сыну Шри царя Враджа, отмеченному всеми благими знаками, — и не поняв умысла Путаны в новом теле, — стражи, лишившиеся сердца, её не остановили, и стражницы не заметили. Эта летающая, держащая сторону Камсы, не в силах вступить в края, где слушают и прославляют Владыку Сатватов, губит детей отвернувшихся от Него: вот и видно, что она на их стороне. Но всё же её приход во Врадж и прочее устроила для особой забавы Йогамайя. Из-за неё Путана, никуда больше не глядя, миновав всё, увидела лишь того мальчика в доме Шри Нанды. А Йогамайя сделала Его похожим на обычного ребёнка, и Путана не распознала Его — как бабочка во тьме не распознаёт груду углей в жаровне, приняв пылающий уголь за яркие ягоды гунджи.
53072def06e5 · प्रकाशित 24 सित॰ 2026, 6:56:58 pm UTC
उपलब्ध भाषाएँRUश्लोक बदलें इन कुंजियों से