अथ व्रजराजस् तत्राश्चर्यपारम्पर्यम् इदम् अशृणोद् अदर्शयद् अन्वभूद् अपि ।
तत्राशृणोद् यथा प्रथमं तावत् पूतनातनुर् आयामतस् त्रिगव्यूतिं व्याप्य पतितवती, विस्तारतस् तु गव्युतिम्, उच्छ्रायतश् च प्रायः क्रोशम् इति ।
सा च यामद्वयगम्यायामतदर्धविस्तारव्रजागारव्रजाद् बहिर् एव पपात, तत्र च न प्राणिनः पीडितवती, किन्तु द्रुमान् एवेति ।
अथादर्शयद् यथा, तत्र हि कुलिशतुल्यनिष्ठुरमहिष्ठकुल्यकुलाकुलाघनास् तदपघनाः स्वीयसमाज्ञया व्रजजनपृथक्पृथग्जनव्रजेन झटित्य् एव कठिनकुठारैर् विपाटिताः, प्रचुरतरस्थानस्थापितास् ततोऽप्य् अतिविततानि निर्बन्धेनेन्धनानि सन्धाय सन्दग्धाश् चेति ।
atha vrajarājas tatrāścarya-pāramparyam idam aśṛṇod adarśayad anvabhūd api |
tatrāśṛṇod yathā prathamaṁ tāvat pūtanā-tanur āyāmatas tri-gavyūtiṁ vyāpya patitavatī, vistāratas tu gavyutim, ucchrāyataś ca prāyaḥ krośam iti |
sā ca yāma-dvaya-gamyāyāma-tad-ardha-vistāra-vrajāgāra-vrajād bahir eva papāta, tatra ca na prāṇinaḥ pīḍitavatī, kintu drumān eveti |
athādarśayad yathā, tatra hi kuliśa-tulya-niṣṭhura-mahiṣṭha-kulya-kulākulā-ghanās tad-apaghanāḥ svīya-samājñayā vraja-jana-pṛthak-pṛthag-jana-vrajena jhaṭity eva kaṭhina-kuṭhārair vipāṭitāḥ, pracuratara-sthāna-sthāpitās tato’py ativitatāni nirbandhenendhanāni sandhāya sandagdhāś ceti |
छन्द अज्ञात
Затем царь Враджа услышал, увидел и испытал там вереницу чудес. Услышал он вот что: во-первых, тело Путаны при падении протянулось в длину на три гавьюти, в ширину — на гавьюти, а в высоту — почти на крошу. Упало оно за пределами поселения Враджа, длина которого — два страж ходьбы, а ширина — половина того; и там не придавило ни одно живое существо, а только деревья. Показал же он вот что: её кости, твёрдые, как ваджра, огромные, густые, как ряды каналов, по его приказу толпы людей Враджа порознь тут же разрубили тяжёлыми топорами, сложили во многих местах, а поверх, прилежно навалив ещё больше дров, сожгли.
10fb655ffdf1 · प्रकाशित 24 सित॰ 2026, 6:56:58 pm UTC
उपलब्ध भाषाएँRUश्लोक बदलें इन कुंजियों से
Меры: гавьюти — около двух крош; кроша — около трёх километров. По «Бхагаватам» (10.6.14) тело Путаны при падении раздавило деревья на три гавьюти.