तद् एवं नौकया रमणम् अप्य् अवगमनीयम् ।
यदा हि क्वचिद् अमूश् चमूरुदृशस् तदीयसौन्दर्यसारावलोकनकुतुकिदृशः समूहव्यूहम् आचर्य विहारचर्यया तम् उपसद्य च परिहासतः परतश् चरणचर्याम् आचरन्ति । तदा चतुराननविमोहनः स च खलु सहचरसहस्रविस्रम्भमहकरः सहचरतया सर्वतः पर्वतनिर्झरानेकीभावेनावर्ज्य स्फुटम् अर्ज्यमानसुखतया मध्ये तासां वामतायुजां मोहनाय कूलमुद्रुजां दुर्ध्यानकारणां दुर्निवारणां सरिद्वरां प्रवर्तयति । प्रवर्त्य च पुरुषद्वयद्वयसीयम् इति व्यवसीयमानतया तस्यां नाव्यतया भाव्यायां बहुलपलाशदलमयीं महातरणिं सरणिम् अनु सखिभिर् अखिलमणिः प्रणीय कर्णधारायमाणस् ताभिर् आतरवितरविस्तारादिकातराभिः प्रणयमयनयतया प्रणीतकलहं बहुलविलासं निचुलितालङ्कारकलनाय कलयति ।
tad evaṁ naukayā ramaṇam apy avagamanīyam |
yadā hi kvacid amūś camūru-dṛśas tadīya-saundarya-sārāvalokana-kutuki-dṛśaḥ samūha-vyūham ācarya vihāra-caryayā tam upasadya ca parihāsataḥ parataś caraṇa-caryām ācaranti | tadā caturānana-vimohanaḥ sa ca khalu sahacara-sahasra-visrambha-mahakaraḥ sahacaratayā sarvataḥ parvata-nirjharānekī-bhāvenāvarjya sphuṭam arjyamāna-sukhatayā madhye tāsāṁ vāmatā-yujāṁ mohanāya kūla-mud-rujāṁ durdhyāna-kāraṇāṁ durnivāraṇāṁ sarid-varāṁ pravartayati | pravartya ca puruṣa-dvayadvayasīyam iti vyavasīya-mānatayā tasyāṁ nāvyatayā bhāvyāyāṁ bahula-palāśa-dala-mayīṁ mahā-taraṇiṁ saraṇim anu sakhibhir akhila-maṇiḥ praṇīya karṇa-dhārāyamāṇas tābhir ātara-vitara-vistārādi-kātarābhiḥ praṇaya-maya-nayatayā praṇīta-kalahaṁ bahula-vilāsaṁ niculitālaṅkāra-kalanāya kalayati |
छन्द अज्ञात
Так же надо понимать и игру на лодке. Когда порой эти ланеокие, чьи глаза жаждали увидеть суть Его красы, собравшись отрядом, подходили к Нему будто на прогулке и в шутку проходили мимо, тогда Он, чаровавший и Четырёхликого, надёжа тысяч друзей, вместе со спутниками соединял отовсюду горные ручьи и, явно наслаждаясь, пускал посреди этих строптивых, чтобы смутить их, лучшую из рек — неудержимую, подмывающую берега, повод для дурных мыслей. Пустив её и решив, что она глубиной в два человеческих роста и переправляться придётся на лодке, Он, самоцвет всего, велел друзьям принести по дороге большую ладью из множества листьев палаши и, став кормчим, с ними, боявшимися платы за переправу и прочего, по правилам любви затевал ссору, полную игр, чтобы забрать их украшения.
9b8e17c0509f · प्रकाशित 24 सित॰ 2026, 10:56:18 pm UTC
उपलब्ध भाषाएँRUश्लोक बदलें इन कुंजियों से
Перевод приблизителен. Наука-лила — «игра на лодке».