अथ यदि नारायणसमो गुणैः इति गर्गवचनानुसारेण नारायणम् एव मां मन्यध्वे, तथापि भवतीभिर् योगः प्रेम्ण एव स्वाधीन इति तं भवतीनां परमः प्रेमोद्रेकप्रवेकः स एक एव झटिति घटयिष्यति । यतः मयि भक्तिर् हि इति । तद् इत्थम् अपि भवतीनां बहिर् दृष्टिम् एवावष्टभ्य समाधीयते । अन्तर् दृष्ट्या तु भवतीभिः सह नित्यसंयुक्त एवेत्य् एतद् अपि मयि भक्तिर् हि इत्य् आदि स्वप्रतिज्ञाम् अनुल्लङ्घ्य द्वयेनापरेण विव्रियते । यस्माद् अहम् इत्य् अहङ्काराख्यं तत्त्वं सर्वभूतानाम् आकाशादीनां यथाद्यन्तादिस्थं भौतिकानां च षड्जादिनामवेणुरन्ध्रादीनां यथाकाशादीन्य् आद्यन्तस्थादिरूपाणि, एवं ह्य् एतानि भूतानि प्राणिनो जीवा भूतेषु स्वस्वदेहेषु तादृशानि ।
atha yadi nārāyaṇa-samo guṇaiḥ iti garga-vacanānusāreṇa nārāyaṇam eva māṁ manyadhve, tathāpi bhavatībhir yogaḥ premṇa eva svādhīna iti taṁ bhavatīnāṁ paramaḥ premodreka-pravekaḥ sa eka eva jhaṭiti ghaṭayiṣyati | yataḥ mayi bhaktir hi iti | tad ittham api bhavatīnāṁ bahir dṛṣṭim evāvaṣṭabhya samādhīyate | antar dṛṣṭyā tu bhavatībhiḥ saha nitya-saṁyukta evety etad api mayi bhaktir hi ity ādi sva-pratijñām anullaṅghya dvayenāpareṇa vivriyate | yasmād aham ity ahaṅkārākhyaṁ tattvaṁ sarva-bhūtānām ākāśādīnāṁ yathādy-antādi-sthaṁ bhautikānāṁ ca ṣaḍjādi-nāma-veṇu-randhrādīnāṁ yathākāśādīny ādy-anta-sthādi-rūpāṇi, evaṁ hy etāni bhūtāni prāṇino jīvā bhūteṣu sva-sva-deheṣu tādṛśāni |
А если, по словам Гарги „равен Нараяне достоинствами“, вы считаете Меня самим Нараяной, то и тогда встреча с вами зависит лишь от любви — и ваш высший избыток любви один и приведёт к ней очень скоро. Ведь сказано: «Преданность Мне…» Так Я утешаю вас, держась вашего внешнего взгляда. А по внутреннему взгляду Я вечно с вами — и это, не нарушая Моего же обещания «Преданность Мне…», разъясняют два других стиха. Ведь «Я» — это начало, называемое аханкарой, — есть в начале и конце всех стихий, неба и прочих; и как у вещественного — у отверстий флейты, что зовутся шадджа и прочими, — небо и прочие стихии находятся в начале и конце, так и эти существа, живые души, пребывают в существах — в своих телах.
abe29be05cf2 · प्रकाशित 25 सित॰ 2026, 4:31:56 am UTC
उपलब्ध भाषाएँRUश्लोक बदलें इन कुंजियों से
Перевод приблизителен.