अथ स च गोकुलकुलजरमाजनभागः पतत्परागसमागतरागनिजभालादिभागमार्जनव्याजाद् दुकूलाञ्चलसंवलनया निजाक्षिजलम् अपसारयन् व्याजहार, यथा—भद्रं भवति, तथा तद्रञ्जितं क्रियताम् इति ।
तद् अनु च वृन्दामधुमङ्गलाभ्यां पूर्णपरिसरा पूर्णिमा तदभिप्रायं सुज्ञाय सुखविहाराय च तम् अनुज्ञाय समानवासनया क्वचन च निर्जने कृतसंवासानां तासां सकाशमयामास । ततश् च गोकुले तासां मण्डलीं ज्योतिर्मण्डले लब्धोपरागचन्द्रमण्डलीम् इव सुस्निग्धतादिग्धगहने वात्या व्यत्यासितलतापङ्क्तिम् इव काव्यमीमांसाशास्त्रविज्ञाविज्ञसदसि सत्कविताम् इव विलसदन्यपुमर्थसाधनसाधुवर्गे भगवदनन्यकामनामयभक्तिम् इव म्लानिं गच्छन्तीं वीक्ष्यानच्छहृदयतां गच्छति स्म । गत्वा च शुभाशिषा विषादम् अपनयन्ती तद् इदं तावद् वदति स्म ।
atha sa ca gokula-kulaja-ramā-jana-bhāgaḥ patat-parāga-samāgata-rāga-nija-bhālādi-bhāga-mārjana-vyājād dukūlāñcala-saṁvalanayā nijākṣi-jalam apasārayan vyājahāra, yathā—bhadraṁ bhavati, tathā tad-rañjitaṁ kriyatām iti |
tad anu ca vṛndā-madhumaṅgalābhyāṁ pūrṇa-parisarā pūrṇimā tad-abhiprāyaṁ sujñāya sukha-vihārāya ca tam anujñāya samāna-vāsanayā kvacana ca nirjane kṛta-saṁvāsānāṁ tāsāṁ sakāśamayāmāsa | tataś ca gokule tāsāṁ maṇḍalīṁ jyotir-maṇḍale labdhoparāga-candra-maṇḍalīm iva susnigdhatā-digdha-gahane vātyā vyatyāsita-latā-paṅktim iva kāvya-mīmāṁsā-śāstra-vijñāvijña-sadasi sat-kavitām iva vilasad-anya-pumartha-sādhana-sādhu-varge bhagavad-ananya-kāmanā-maya-bhaktim iva mlāniṁ gacchantīṁ vīkṣyānaccha-hṛdayatāṁ gacchati sma | gatvā ca śubhāśiṣā viṣādam apanayantī tad idaṁ tāvad vadati sma |
metro no identificado
Тогда Он, счастье жён из родов Гокулы, будто стирая с лица пыльцу, что упала Ему на лоб, краем шёлковой одежды утёр слёзы и сказал: „Пусть будет благо; сделай так, чтобы всё стало радостно“. Затем Пурнима, окружённая Вриндой и Мадхумангалой, хорошо поняв Его желание, отпустила Его к радостным забавам и с тем же стремлением пришла к гопи, которые жили вместе в уединённом месте. И увидев в Гокуле их круг увядающим — как лунный круг в затмении среди светил, как ряд лиан, опрокинутый вихрем в густой чаще, как добрую поэзию в собрании, где сидят вперемешку знатоки и невежды, как преданность, полную одной лишь любви к Господу, среди добрых людей, что добиваются иных целей жизни, — она смутилась сердцем. А подойдя, развеяла их печаль благим благословением и сказала:
cb1d21281f82 · publicado 25 sept 2026, 5:31:18 UTC
Disponible enRUPasa de verso en verso con
Перевод приблизителен.