तद् एवं रहसि निविशमानेन तेनानेनाभिनिविशमानया देव्या सह संवादे व्याकृते कर्तव्यताबाधेन मनसि प्रत्याहृते मधुमङ्गलेन सह सहसा पौर्णमासी समाससाद । आसद्य च तम् आशीर्वादेन विशद्य वृन्दां प्रत्याह स्म—भवतीम् एवान्विच्छन्ती तद् एतन् मङ्गलसङ्गितां सङ्गतास्मि ।
वृन्दा सानन्दम् उवाच—आज्ञाप्यताम् ।
पौर्णमास्य् उवाच—तद् एतन् मम व्रजमङ्गलं प्रति निवेदनाय च सम्पत्स्यते इति पुरत एवास्य प्रथयामि । तथा हि—तद् इदं मया व्रजराज्ञीं प्रति विज्ञापयितुं गतम् आसीत् । यत् खलु पूर्वं तद् इदम् अपूर्वं संकॢप्तम् । माधवेन राधादीनां दाम्पत्यसम्पत्त्यनन्तरं मया लक्ष्मीनारायणाराधनं साधयितव्यम् । तच् च तन्निर्विशेषदम्पत्याराधनतः इति ।
tad evaṁ rahasi niviśamānena tenānenābhiniviśamānayā devyā saha saṁvāde vyākṛte kartavyatā-bādhena manasi pratyāhṛte madhumaṅgalena saha sahasā paurṇamāsī samāsasāda | āsadya ca tam āśīrvādena viśadya vṛndāṁ pratyāha sma—bhavatīm evānvicchantī tad etan maṅgala-saṅgitāṁ saṅgatāsmi |
vṛndā sānandam uvāca—ājñāpyatām |
paurṇamāsy uvāca—tad etan mama vraja-maṅgalaṁ prati nivedanāya ca sampatsyate iti purata evāsya prathayāmi | tathā hi—tad idaṁ mayā vraja-rājñīṁ prati vijñāpayituṁ gatam āsīt | yat khalu pūrvaṁ tad idam apūrvaṁ saṁkḷptam | mādhavena rādhādīnāṁ dāmpatya-sampatty-anantaraṁ mayā lakṣmī-nārāyaṇārādhanaṁ sādhayitavyam | tac ca tan-nirviśeṣa-dampatyārādhanataḥ iti |
未能识别诗律
„Пока они так тайно беседовали и Он, поняв, что медлить больше нельзя, собрался с мыслями, вдруг пришла Паурнамаси вместе с Мадхумангалой. Придя, она благословила Его и сказала Вринде: «Я как раз искала тебя и вот пришла с этой благой вестью». Вринда радостно сказала: «Повелевай». Паурнамаси сказала: «Это будет заодно и просьбой к моему Благу Враджа, потому скажу прямо при Нём. Я ходила сообщить царице Враджа то, что задумала прежде как небывалое: после того как Мадхава соединится в супружестве с Радхой и прочими, я должна совершить поклонение Лакшми-Нараяне — а это значит поклонение неотличной от них чете»“.
43639d308867 · 发布于 2026年9月25日 06:23:49 UTC
可用语言RU用方向键翻颂