परेण च शब्दस्य ताद्विध्यं भूयस्त्वात् त्व् अनुबन्धः
pareṇa ca śabdasya tādvidhyaṁ bhūyastvāt tv anubandhaḥ
«Кого ИЗБЕРЁТ» — читается ПОСЛЕДУЮЩИМ [стихом]: избрание привязано к бхакти, ибо её [примет] — множество.
विद्यया दर्शनात् विमुक्तिर् इत्य् एतत् द्रढयितुम् आरम्भः । मुण्डके काठके च श्रूयते—
नायम् आत्मा प्रवचनेन लभ्यो
न मेधया न बहुना श्रुतेन ।
यम् एवैष वृणुते तेन लभ्यस्
तस्यैष आत्मा विवृणुते तनूं स्वाम् ॥ [क.उ. 2.2.23, मु.उ. 3.2.3] इति ।
अत्र संशयः—भगवत्-कृताद् वरणाद् एव तत्-साक्षात्कार उत वित्ति-विरक्ति-युक्त-तद्-भक्ति-हेतुकाद् एव तस्माद् इति । शब्द-स्वारस्यात् केवलाद् एव तद्-वरणात् स इति प्राप्ते—
परेण च शब्दस्य ताद्विध्यं भूयस्त्वात् त्व् अनुबन्धः ॥
शब्दस्य वरणैक-लभ्यत्व-बोधकस्य तस्य वाक्यस्य ताद्विध्यं भक्ति-लभ्यत्व-बोधन-परत्वं परेण तद्-अव्यवधिना वाक्येन च शब्दाद् वाक्यान्तरेण च गम्यतेऽतो वरणाद् एव तत्-साक्षात्कार इति तस्य नार्थः । एतद् उक्तं भवति—
नायम् आत्मा बल-हीनेन लभ्यो
न च प्रमादात् तपसो वाप्य् अलिङ्गात् ।
एतैर् उपायैर् यतते यस् तु विद्वांस्
तस्यैष आत्मा विशते ब्रह्म-धाम ॥ [मु.उ. 3.2.4]
इति पर-वाक्यं मुण्डकेऽस्ति । इहैतैर् उपायैर् इति बलाप्रमादादि-साधन-क्रमो निर्दिष्टः । बलं खलु भक्तिर् एव तादृक् । वशे कुर्वन्ति मां भक्त्या सत्-स्त्रियः सत्-पतिं यथा [भा.पु 9.4.66], पुरुषः स परः पार्थ भक्त्या लभ्यस् त्व् अनन्यया [गीता 8.22] इति वाक्यैकार्थ्यात् ।
नाविरतो दुश्चरितान्
नाशान्तो नासमाहितः ।
नाशान्त-मानसो वापि
प्रज्ञानेनैनम् आप्नुयात् ॥ [क.उ. 2.2.24] इति पर-वाक्यं काठके ।
इह सद्-आचार-निरतो जितेन्द्रियो हरिं ध्यायंस् तम् अनुभवतीति क्रमेण साधनान्य् अभिहितानि । तथा च पर-वाक्यैकार्थ्यात् पूर्वत्र भक्ति-हेतुकम् एव वरणम् अवसीयते । किं च वरणेनैव लभ्य इति पूर्व-वाक्यार्थः । तत्र प्रेष्ठ एव वरणीयो वाच्यो नाप्रेष्ठः । प्रेष्ठत्वं च स्वस्मिन् भक्तिमत एव नाभक्तस्येति । यद् उक्तं स्वयम् एव—
तेषां ज्ञानी नित्य-युक्त एक-भक्तिर् विशिष्यते ।
प्रियो हि ज्ञानिनोऽत्यर्थम् अहं स च मम प्रियः ॥ [गीता 7.17]
इति श्रद्धा-भक्तीत्य् आदि-वाक्यान्तरेण चैतद् एवम् । इतरथा तद् व्याकुप्येत् । वैषम्यादि च भगवतीति ।
ननु वृतेनैव लभ्य इति निर्बन्धः कुतः ? तत्राह—भूयस्त्वाद् इति । तुर् अवधारणे । तत् साक्षात्कारं प्रति वरणस्याति-बहुत्वात् स इत्य् अर्थः । वरणाव्यवधानेन स यद् भवतीति । अयम् अत्र क्रमः—तया प्रेष्ठत्वेन वरणम् । ततस् तत्-साक्षात्कृतिर् इति ॥54॥
--ओ)0(ओ--
vidyayā darśanāt vimuktir ity etat draḍhayitum ārambhaḥ | muṇḍake kāṭhake ca śrūyate—
nāyam ātmā pravacanena labhyo
na medhayā na bahunā śrutena |
yam evaiṣa vṛṇute tena labhyas
tasyaiṣa ātmā vivṛṇute tanūṁ svām || [ka.u. 2.2.23, mu.u. 3.2.3] iti |
atra saṁśayaḥ—bhagavat-kṛtād varaṇād eva tat-sākṣātkāra uta vitti-virakti-yukta-tad-bhakti-hetukād eva tasmād iti | śabda-svārasyāt kevalād eva tad-varaṇāt sa iti prāpte—
pareṇa ca śabdasya tādvidhyaṁ bhūyastvāt tv anubandhaḥ ||
śabdasya varaṇaika-labhyatva-bodhakasya tasya vākyasya tādvidhyaṁ bhakti-labhyatva-bodhana-paratvaṁ pareṇa tad-avyavadhinā vākyena ca śabdād vākyāntareṇa ca gamyate'to varaṇād eva tat-sākṣātkāra iti tasya nārthaḥ | etad uktaṁ bhavati—
nāyam ātmā bala-hīnena labhyo
na ca pramādāt tapaso vāpy aliṅgāt |
etair upāyair yatate yas tu vidvāṁs
tasyaiṣa ātmā viśate brahma-dhāma || [mu.u. 3.2.4]
iti para-vākyaṁ muṇḍake'sti | ihaitair upāyair iti balāpramādādi-sādhana-kramo nirdiṣṭaḥ | balaṁ khalu bhaktir eva tādṛk | vaśe kurvanti māṁ bhaktyā sat-striyaḥ sat-patiṁ yathā [bhā.pu 9.4.66], puruṣaḥ sa paraḥ pārtha bhaktyā labhyas tv ananyayā [gītā 8.22] iti vākyaikārthyāt |
nāvirato duścaritān
nāśānto nāsamāhitaḥ |
nāśānta-mānaso vāpi
prajñānenainam āpnuyāt || [ka.u. 2.2.24] iti para-vākyaṁ kāṭhake |
iha sad-ācāra-nirato jitendriyo hariṁ dhyāyaṁs tam anubhavatīti krameṇa sādhanāny abhihitāni | tathā ca para-vākyaikārthyāt pūrvatra bhakti-hetukam eva varaṇam avasīyate | kiṁ ca varaṇenaiva labhya iti pūrva-vākyārthaḥ | tatra preṣṭha eva varaṇīyo vācyo nāpreṣṭhaḥ | preṣṭhatvaṁ ca svasmin bhaktimata eva nābhaktasyeti | yad uktaṁ svayam eva—
teṣāṁ jñānī nitya-yukta eka-bhaktir viśiṣyate |
priyo hi jñānino'tyartham ahaṁ sa ca mama priyaḥ || [gītā 7.17]
iti śraddhā-bhaktīty ādi-vākyāntareṇa caitad evam | itarathā tad vyākupyet | vaiṣamyādi ca bhagavatīti |
nanu vṛtenaiva labhya iti nirbandhaḥ kutaḥ ? tatrāha—bhūyastvād iti | tur avadhāraṇe | tat sākṣātkāraṁ prati varaṇasyāti-bahutvāt sa ity arthaḥ | varaṇāvyavadhānena sa yad bhavatīti | ayam atra kramaḥ—tayā preṣṭhatvena varaṇam | tatas tat-sākṣātkṛtir iti ||54||
--o)0(o--
2e4223e1d001 · 发布于 2026年7月27日 05:22:51 UTC
可用语言RU用方向键翻颂
Крепится «мукти — видением»: «сей Атман не обретаем толкованием, ни разумом, ни учёностью; кого ИЗБЕРЁТ — тем обретаем: тому РАСКРЫВАЕТ СВОЁ ТЕЛО». От одного ли избрания — или от избрания, причинённого бхактью? «От голого избрания». При полученном —
«Последующим — таковость слова; по множеству же — привязка».
Смысл речения об избрании ведо́м ПОСЛЕДУЮЩИМ, смежным стихом: «не обретаем ЛИШЁННЫМ СИЛЫ… кто подвизается ЭТИМИ средствами — входит в брахма-обитель»; а СИЛА — та самая БХАКТИ: «МЕНЯ ПЛЕНЯЮТ БХАКТЬЮ, как верные жёны — верного мужа»; «обретаем безраздельной бхактью». И в Катхе последующий: «не отставший от худых дел, не утихший, не собранный — не достигнет». Притом ИЗБИРАЮТ — ДРАЖАЙШЕГО, не постылого; а дражайший Ему — имеющий бхакти: «Я безмерно дорог ему, и он дорог Мне». Ряд таков: БХАКТЬЮ — дражайшесть, ею — ИЗБРАНИЕ, затем — ЛИЦЕЗРЕНИЕ.